Levitico 7:9 - Biblia Mixe de Quetzaltepec

⁹ Näyjyëtu'un yë aaypyajk ujtspajk mëti'ipë tsijtkjoty këëpën ets yë'ë y'ayajkën'aty y'ako'onën'aty. Näyjyëtu'un mëti'ipë yaj'oytyuunpën ma tuka'any'apëjkën ets ma tojkx tu'ts, yë'ë yë teety jyä'ä'ajta'ajëp, mëti'ipë ënäty kyë'ëyäjkpyën ets wyintsë'kën'atëty.

Levitico 7:9 ပူးပေါင်းရင်းမြစ်များ

2 Reyes 12:17

Jä'ä jëmëjt yë Hazael mëti'ipë jam yajkutujkpën Sirië, ojts tkexy yë myaytsyiptuunpë ma nyaaxjotmën yë Gad ets tjä'äpëjky, jam tsyo'ony tääts ojty nyijkxy Jerusalén.

Ezequiel 44:29

Jyëkyejpy tjë'kxtëty tpëktëty yë aaypyajk ujtspajk mëti'ipë yë Israel ja'ayëty ëjts xytyukwintsë'këtyëpën ets jyëkyejpy tsu'utstëty yë tsu'utsy mëti'ipë yë Israel ja'ayëty näjyëtu'un yajktëpën ko ja jëyujk tukunaxtë ja nyëë pyokyëty. Näyjyëtu'un tëkokyë mëti'ipë yë Israel ja'ayëty ëjts të xytyukmëyoxtën yë'ë jyä'ä'atëp.

Levitico 2:10

E ko nyatëkëty, mëti'ipë ënäty ja Tios të yajtukmëyoxyën, ja ayajk ako'onën ja kënu'kxypyë, mëti'ipë të tyoy të jyemyën, yë'ë ja Aarón jyä'ä'atëp ets ja y'u'unk y'ok.

Levitico 5:13

Ets jëtu'un ja teety tpaatëty ja pokymyä'kxën, mëët ja ja'ay mëti'ipë ënäty të pyokytyunyën ets jëtu'un'äämpy nëjkx ja poky yajme'kxy. E pën yë'ëts ayajkën'ajtp ako'onën'ajtp ja aaypyajk ujtspajk, ko nyatëkëty ja teety ja jyä'ä'atëp.

Levitico 7:10

Yë aaypyajk ujtspajk mëti'ipë yajyajkpën ets yë'ë y'ayajkën'aty y'ako'on'aty, mëti'ipë yajmääpën mëët yë on, yë'ë nëjkx tjä'ä'atë yë Aarón yë y'u'unk y'ok tu'knax.

Levitico 7:8

Näyjyëtu'un ko ja teety tyakëty tu'uk ja jëyujk mëti'ipë ja ja'ay të tukniyakën ets yajnino'okëty, jyëkyäpëp tmëwë'ëmëty ja nyi'ak.

Números 18:9

Tëkokyë yë wintsë'kën, mëti'ipë yë Israel ja'ayëty yajktëpën nino'oky, tä yë aaypyajk ujts pajkën, mijts mjä'ä'ajta'atëp ets näjyëtu'un yë wintsë'kën, mëti'ipë yë ja'ayëty nyëë pyoky tyukunajxtëpën ko tii tuuntëkoytyë, tëkokyë ya'atë ayajk ako'onën mëti'ipë tëë yajkënu'kxyën, aak miits nëjkx xyjyä'ä'atë mëët yë m'u'unk m'ëna'k.

1 Corintios 9:13

Mnija'awëtëp miits ja ja'ayëty wi'ix jyuuky'atën mëti'ipë tuuntëpën jap mëjtsajptëkoty, yë'ë tyukjuuky'ajtëp mëti'ipë ja ja'ay yojxtëpën ets mëti'ipë tuuntëpën ma ja wintsë'këntyaknën; tsyu'tstëp ja jëyujk tsu'utsy mëti'ipë wintsë'kën'ajtpën.

1 Corintios 9:7

¿Wä'än jëtää ja tsiptuunpë kë'ëm nyämyëjuyë? ¿Wä'än jëtää ja tsatym nyiyu'ujëpë ka'ap tjë'kxy ja tsatym kyo tyëëm'atyë? ¿Ëkë jää jëtää ja kupixyny këwent'ajtpë ka'apë t'uukyën ja lechë mëti'ipë yajma'tspën ma ja kupixyny taakënë?

Gálatas 6:6

Ko tu'uk ja ja'ay t'ëxajëty ja ijxpëjkën ma ja oy aaw oy ayuk ni''ijxpëkën, pyutëkëp ja mëti'ipë yaj'ijxpëjkëpën ma tii tyajmëyätyën.