Levitico 7:8 - Biblia Mixe de Quetzaltepec

⁸ Näyjyëtu'un ko ja teety tyakëty tu'uk ja jëyujk mëti'ipë ja ja'ay të tukniyakën ets yajnino'okëty, jyëkyäpëp tmëwë'ëmëty ja nyi'ak.

Levitico 7:8 ပူးပေါင်းရင်းမြစ်များ

Génesis 3:21

Tios ojts kë'ëm t'oytyuny yë wit xox mëët yë jëyujk po'o jëyujk ni'ak, mëti'ipë wyit'at xyox'atëpën ja ye'etyëjk mëët ja tyo'oxytyëjk,

Éxodo 29:14

E ja nyitsu'utsy, ja nyi'ak ets ja tyi'iny, jëkäm nëjkx xynyino'oky, jä'ä ko ya'atë wintsë'kën yë'ë kyunajxyp ja nëë poky.

Levitico 1:6

Pën tu'uk yë tsajpkaa yäjkpy nino'oky, nyëtsujktaayëp ja nyi'ak ets ja nyitsu'uty yajxon tsujkta'akëty.

Levitico 4:11

E ja nyipo'o mëti'ipë yajnëtsujkpën ma ja tsajpkaa ëna'kën ets ja nyitsu'uty tu'ukyë mëët ja kyëpajk, ja pyuuy, ja tyiinty ets ja tyi'iny

Levitico 7:7

Ja nyiwintsë'kën ko pën tyuuntëkoy, näjyëtu'un tä ja nyiwintsë'kënën ko pën pyokytyuny ets ja nyitëyajtën tu'knax. Ja jëyujk mëti'ipë ënäty të wyintsë'kën'atyën, yë'ë ja teety jyä'ä'atëp mëti'ipë ënäty të tyunyën ma ja wintsë'kën yajyäkyën ko ja pokymyä'kxën yaj'amëtoy.

Levitico 7:9

Näyjyëtu'un yë aaypyajk ujtspajk mëti'ipë tsijtkjoty këëpën ets yë'ë y'ayajkën'aty y'ako'onën'aty. Näyjyëtu'un mëti'ipë yaj'oytyuunpën ma tuka'any'apëjkën ets ma tojkx tu'ts, yë'ë yë teety jyä'ä'ajta'ajëp, mëti'ipë ënäty kyë'ëyäjkpyën ets wyintsë'kën'atëty.

Números 19:5

Tääts xynyino'oktëty ja tsajpkaato'oxy yë'ë wyintuuy. Wa'ats xynyino'kta'atëty tëkokyë ja nyini'kx, ja nyitsu'uty, ja nyipo'o, ja nyine'pny ets ja tyi'iny.

Romanos 13:14

Ni'ikyë miits mnätyukxoxëtëty ja mëpëjkën mëti'ipë jam mmëët'ajtëpën ma ja Wintsën Jesukristën ets ka'ap yi'iyë xymyëmay xymyëtajtëty wi'ix ja mjot mnini'kx tii t'oyjawëtyën.

Deuteronomio 18:8

Näyjyëtu'un nëjkx tjä'ä'aty ja jë'kxy pëky, tä ja myëku'uktëjkëtyën, ëpëky mëti'ipë ënäty ja tyeety tukumaayëpën.