Levitico 7:31 - Biblia Mixe de Quetzaltepec

³¹ Yë teety yë'ë nyo'okëp yë on jam ma wintsë'këntyaknën ets ja kyäty yë'ë jyä'ä'atëp yë Aarón ets y'u'unk y'ok.

Levitico 7:31 ပူးပေါင်းရင်းမြစ်များ

Éxodo 29:26

Ko ënäty ja Aarón të yajkënu'kxy, yë'ë mnëtsukëp ja kupixyny ayääkë ja kyätyxyixy ets jëtu'un xytyunëty ja näkyënu'kxë jam Tios wintum, e ja katsy xyixy mëti'ipë jam mnëtsujkpyën, yë'ë mijts mjä'ä'atëp.

Levitico 3:11

Ënät ja teety jam tu'ukyë tnino'kta'ajëty ma ja wintsë'këntyaknën, mëti'ipë ja Tios yajmoopyën tä tu'uk yë jë'kxy pëky oypyë xyuuky jyokyën.

Levitico 3:16

Ja teety yë'ë nëjkx tnino'oky tëkokyë ya'atë ma wintsë'këntyaknën, tu'uk ja jë'kxy pëky mëti'ipë ja Tios yajtukwinno'kp yajtukwinxaanpën oypyë xyuukyën, tu'kë'ëyë ja on Tios jyä'ä'ajta'ajëp.

Levitico 3:5

Yë'ë nëjkx yë teetytyëjkëty tyajnitoytyë ya'atë ma wintsë'këntyaknën, tu'ukyë mëët ja tsajpkaa mëti'ipë jam nitoyaanpën ma ja ja'axy jam tyoyën, jëtu'un ja Tios yajtukwintsë'ëkëty ya'atë ayajk ako'onën oypyë tsujpë xyuuky jyokyën.

Levitico 5:13

Ets jëtu'un ja teety tpaatëty ja pokymyä'kxën, mëët ja ja'ay mëti'ipë ënäty të pyokytyunyën ets jëtu'un'äämpy nëjkx ja poky yajme'kxy. E pën yë'ëts ayajkën'ajtp ako'onën'ajtp ja aaypyajk ujtspajk, ko nyatëkëty ja teety ja jyä'ä'atëp.

Levitico 6:16

Mëti'ipë ënäty ja ayajk ako'onën natëjkëpën, yë'ë Aarón jyä'ä'atëp mëët ja y'u'unk y'ëna'k ets tsajpkääky yë'ë mëti'ipë ka'ap tsyooymyëëtëtyën, jam tjë'kxtëty tpëktëty ma wya'atsëtyën ma ja tyëja'awën ja wit tëjk ma näpyaatë y'ityën.

Levitico 6:26

Ja teety mëti'ipë ja wintsë'kën yäjkpyën, jyëkyäpëp tsu'utsëty ja nyitsu'uty, jap tsu'utsëty ma tu'uk yë it naaxwiinyëtë wa'atspë, jap ma ja nyitëja'awën ja wit tëjk ma näpyaatë y'ityën.

Levitico 7:34

Jä'ä ko ja wintsë'kën mëti'ipë yajktëpën ja Israel ja'ayëty ets tuntë ja nay'ëëw'oy näykyajpx'oyë, ëjts yi'iyës ntsojkëp yë kyätsy, tä tu'uk yë ayajk ako'onën ets pyuuy yë'ë ja ja'ay natyukuyakëtëp. E yë Aarón mëët yë y'u'unk y'ok tëëjës yë jyä'ä nmo'otë mëti'ipë patëtëpën ma ja ayajk ako'onën tyaktën yë Israel ja'ayëty.

Levitico 8:29

Tä ja Moisés tpëjkë'ky ja tsajppax katy ets ojts ja Tios tmo'oy tä ënäty tyuny'ätyën. Ja tsajppax ja kyäty mëti'ipë të yajkënu'kxyën, yë'ë ojts tjä'ä'aty ja Moisés, jëtu'un ijxtëm ënäty ja Tios të tnikäjpxyën.

Números 18:11

Mijts yam näjyëtu'un nmoopy yë ayajk ako'onën mëti'ipë yë Israel ja'ayëty ëpëky xymyooytyëpës ets mijts xyjyä'ä'atëty mëët yë m'u'unk m'ëna'k yä'äy ëna'kpë to'oxy ëna'kpë, mëti'ipë yajpatëpën mëët mijts. Ya'atë aaw ayuk ënä'ämën jëtu'un yam nyajwë'ëmpyës xëmëkyëjxm. Oypyënëty, mëti'ipë ënäty mku'ijtëyëpën ma mjëën mtëjkën, jyëkyäpëp tsu'utsëty ya'atë tsu'utsy, pën näjya'awëyëp kë'ëm ko wa'ats yajpaaty Tios wintum.

Números 18:18

Jëkyejpy mijts xymyëwë'ëmëty yë tsu'utsy, yë kyäty ets pyuuy a'oy'äämpyë mëti'ipë ëpëky yajtukniyajkëpën.

1 Corintios 9:13

Mnija'awëtëp miits ja ja'ayëty wi'ix jyuuky'atën mëti'ipë tuuntëpën jap mëjtsajptëkoty, yë'ë tyukjuuky'ajtëp mëti'ipë ja ja'ay yojxtëpën ets mëti'ipë tuuntëpën ma ja wintsë'këntyaknën; tsyu'tstëp ja jëyujk tsu'utsy mëti'ipë wintsë'kën'ajtpën.

Deuteronomio 18:3

Ma ja'ay ja wintsë'kën tyaktën, tä yë tsajpkaajën ëkë kupixyny mëti'ipë ja teetytyëjkëty paat'ajtëpën yë tyaapë. Yë'ë nëjkx tjä'ä'atë ja jëxk, ja y'apajk ets ja myox.