Levitico 7:24 - Biblia Mixe de Quetzaltepec

²⁴ Yë nyi'on yë jëyujk mëti'ipë muum o'kpën, ëkë mëti'ipë muum yë kaa jëyujk majtsëtëpën, jyëkyäpëp oy tii xyajwa'antëty, je'eyëp ko këtii xytsyu'utstëty.

Levitico 7:24 ပူးပေါင်းရင်းမြစ်များ

Éxodo 22:31

Miitsëty wa'ats mëpaat m'itë maas ëjtsën, këtii xytsyu'utstëty yë jëyujk, mëti'ipë muum ja jëyujk ëxëëk të tyunyën, ëkë të yaj'ookyën, yë'ë tëy mo'otëp yë uk, wä'än tsu'utsy.

Levitico 22:8

Ka'ap mëpaat tsu'utsy yë jëyujk tsajpkaa yë nyitsu'uty, mëti'ipë jëtu'unyë muum të y'ookyën, ëkë mëti'ipë yë jëyujk të yaj'ookyën. Këtiipë yë'ë mëët nyäyaj'ëxëëkëtëty. Ëjts jëtu'un Wintsën.

Levitico 17:15

Ko tu'uk yë Israel ja'ay ëkë jaaypyaat jaaypyo'kxy tsu'utsëty yë jëyujk, mëti'ipë najts'ookën, nëjkxëp yë wyit tpujy ets nëjkxëp kë'ëm nyäpyujy nyäjye'etsyë wa'ats ets ëxëëk jëtu'un wyë'ëmëty tyimkutsu'ujëty, oknëm wa'ats jatëkok wyë'ëmëty.

Ezequiel 44:31

Yë teetytyëjkëty ka'ap nëjkx nijëna'a tsu'utstë yë jëyujk najts'ookë, ëkë mëti'ipë jëyujk të yaj'ookyën.

Ezequiel 4:14

Ënätës n'ëtsooy: Wintsën ëjts ka'apës nijëna'a jëtu'unpë ëxëëkpë një'kxy; ëjts ka'apës nijëna'a ntsu'uty yë jëyujk tok mëti'ipë kë'ëm o'kpën, ëkë mëti'ipë jëyujk yaj'o'këpën ets ka'apës nijëna'a ntsu'uty yë jëyujk ka'apë tsyu'utsyëtyën.

Deuteronomio 14:21

Yë jëyujk najts'ookë këtii xytsyu'utstë. Wa'ats mnäyaj'itëtëty, jä'ä ko miitsëty yë'ë yë Wintsën mkajpn'ajtëtëp. Pën yajpatp yë jaaypyaat jaaypyo'kxy ma miitsëtyën, yë'ë jyëkyäjptëp tsu'utstëty, nän jyëkyejpy xytyukmëtooktëty ja jaaypyaat jaaypyo'kxy mëti'ipë tu'u'am'ajtëpën. Yë tsajppax u'unk tsu'utsy këtii xyajkëëwjëtitëty mëët yë tyaak yë tyi'tsk nëë.

Levitico 7:25

E pën jëtu'un jyi'kxyp ja nyi'on ja jëyujk mëti'ipë ja Tios yajtukwintsë'këpën ets yajmo'oy tä tu'uk yë ayajk ako'onën mëti'ipë yajnino'kpën, kopkpëky ko nëjkx yajjo'otsy ma ja myëkunaax myëkukajpnën.

Éxodo 22:30

Näyjyëtu'un ja më''ëka'anypë tyajja'tyën ja y'u'unk myääy ja mtsajpkaato'oxy, ëkë mtsajppax mkupixyny nëjkx xymyo'oyës. Jyëkyäpëp je'eyë wëxtujk xëëwën myëët'atëtëty yë tyaak, e ma ënäty tuktujk xëëw y'apäjnë, jää xymyooynyëtyës.