Levitico 7:23 - Biblia Mixe de Quetzaltepec

²³ Jëtu'un xy'ënëëmëty yë Israel ja'ayëty: Ka'ap mëpaat xyjyë'kxtë yë tsajpkaayä'äy yë y'on, ni yë'ë yë kupixyny y'on ets ni yë'ë yë tsajppax y'on.

Levitico 7:23 ပူးပေါင်းရင်းမြစ်များ

Éxodo 22:30

Näyjyëtu'un ja më''ëka'anypë tyajja'tyën ja y'u'unk myääy ja mtsajpkaato'oxy, ëkë mtsajppax mkupixyny nëjkx xymyo'oyës. Jyëkyäpëp je'eyë wëxtujk xëëwën myëët'atëtëty yë tyaak, e ma ënäty tuktujk xëëw y'apäjnë, jää xymyooynyëtyës.

Levitico 17:6

Ënät ja teety ja ne'pny tuknixijkxëty ja wintsë'këntyakn, jam ma yajnitëkën ja wit tëjk ma ja näpyaatë y'ityën mëët yë Tios. Jam tnino'okëty ja on mëti'ipë ja Tios yajmoopyën, tä tu'uk ayajk ako'onën mëti'ipë oy xu'kp jojkpën.

Levitico 7:22

Ënät ja Tios ojts tmëkäjpxy ja Moisés ets t'ënëmaay:

Hechos 28:27

Jä'ä ko ya'atë ja'ay yë jyot wyinma'anyëty juun yajpaatë, ëtuky yë tyatskëty, ets pi'its yë wyiinëty, këtiipë y'ixtëty ets këtiipë myëtowtëty, këtiipë jyä'äkyukëtëty ets këtiipë wyimpitëty ma ëjtsën, ets jëtu'un ka'apës nyajtso'oktëty.

Romanos 13:13

Tsojk winë oy ntu'unëm ijxtëm xëëny tii yajtunyën. Ka'ap je'eyë xëmë n'ukmëty nmukëmëty, ka'ap xim yam yë ye'etyëjk t'ixëty yë to'oxytyëjk ëkë yë to'oxytyëjk xim yam yë ye'etyëjk, ëkë xim yam pën mëët ntsiptu'unmëty.

Romanos 8:13

Pën mjuuky'ajtëp miits ijxtëm ja ni'kx kopk tsokyën, m'ookantëp yë'ë; e pën Kënu'kxymyëkajtën mëët miits xyaj'ooktë mëti'ipë ja mni'kx mkopk tsyojkpyën, xëmëkyëjxm miits mjuuky'ata'antë.

Deuteronomio 32:38

ja mëti'ipë jyë'kxtëp pyëjktëpën ja wintsë'kën, ets mëti'ipë y'uktëpën ja tsatym nyëë mëti'ipë mooytyëpën, ets mtukwintsë'këtyëpën? Wä'än yë'ë tminy ets mputëkëtëty. Wä'än mniminëtë ets mkëwent'atëtëty.

1 Samuel 2:29

E pën jëtu'un y'ixë'aty tii ko ka'ap xy'ëkmëjpëjktaknëtë ja ayajk ako'onën mëti'ipë ja'ayëty yë Wintsën tyuknimiintëpën. ¿Wi'ix ko ja m'u'unk m'ëna'k jä'ä ni'ik mtsojkpy mja'ap ets këtiinëm ëjts, je'eyë xyajni'kxënyë mëët ja tsu'utsy mëti'ipë myëmiintëpën ëjts nwintuuyës ja Israel ja'ayëty, mëti'ipës nkajpn'ajtypyën?