Levitico 7:21 - Biblia Mixe de Quetzaltepec

²¹ Pën tu'uk yë ja'ay tyoompy mëti'ipë ëxëëkën, wä'än yë'ëjëty mëti'ipë yë ja'ay nyajtsye'ey nyasnajxëpën, ëkë wä'än yë'ëjëty mëti'ipë yë jëyujk nyajtsye'ey nyasnajxëpën, ëkë oytyiijëty mëti'ipë ëxëëkën ets ënät näjyëtu'un tsu'tspëty ja tsu'utsy, mëti'ipë të wyintsë'kën'atyën ma ja näy'ëëw'oyë näykyajpx'oyë y'ityën ets ja Tios jä'ä të yajmo'oy, jëtu'umpë ja ja'ay nëjkxëp ja yajjo'otsy ma ja nyaax kyajpnën.

Levitico 7:21 ပူးပေါင်းရင်းမြစ်များ

Ezequiel 4:14

Ënätës n'ëtsooy: Wintsën ëjts ka'apës nijëna'a jëtu'unpë ëxëëkpë një'kxy; ëjts ka'apës nijëna'a ntsu'uty yë jëyujk tok mëti'ipë kë'ëm o'kpën, ëkë mëti'ipë jëyujk yaj'o'këpën ets ka'apës nijëna'a ntsu'uty yë jëyujk ka'apë tsyu'utsyëtyën.

Levitico 12:1

Ënät ja Tios ojts tmëkäjpxy ja Moisés ets t'ënëmaay:

Levitico 11:20

Näyjyëtu'un mutskjatyëtypë jëyujk, mëti'ipë kääkëtijtëpën ets mëti'ipë ye'eytyëpën, ëxëëk mëpaat xytyijtë.

Deuteronomio 14:10

E pën kajts tii yë kyäkn ets ka'ap näjyëtu'un tmëëtëty yë nyimeeny këtii xytsyu'utstëty, ëxëëk tääpë nëë jëyujk xytyijtëty.

Deuteronomio 14:3

Këtii tii xyjyë'kxtëty mëti'ipë ëxëëkën.

Levitico 22:4

Nitu'uk yë Aarón yë y'u'unk y'ëna'k mëpaat tkajë'kxy, mëti'ipë yë Tios të yajtukwintsë'ëkën, pën pëjkëp yë pu'uts pa'am, ëkë pën tukjënajkëp yë jyot myëjaaw ma ye'etyëjk'ajtënën. Koonëm tëy ënäty të nyäpyujy të nyäjye'etsyë ets wa'ats yajpaaty. Mëti'ipë yë o'kpë të tonyën, ëkë mëti'ipë të tonyën yë ja'ay mëti'ipë tukjënajkëpën yë jyot myëjaaw ma ye'etyëjk'ajtënën,

Levitico 18:29

Pën ja ëxëëkpë tyuunpy, kopkpëky ko nëjkx yajjo'otsy ma ja myëkunaax myëkukajpnën.

Levitico 17:14

Jä'äxë ko yë ne'pyny yë'ë jëtu'un yajjuuky'ajtp. Paaty miitsëty n'ënëëmëtë, ko këtii yë ne'pny xyjyë'kxtëty, jä'ä ko yë'ë juukyajtën'ajtp. E pëntsëtën jyi'kxyp kopkpëky ko y'ookëty.

Levitico 17:10

Ëjts ëxëëkës n'ixa'any ko tu'uk yë Israel ja'ay ëkë jaaypyo'kxyjyä'äy, mëti'ipë tsënääpyën ma miitsëtyën, tjë'kxëty yë ne'pny, wä'än twi'ixtsowëty. Yë'ë kopkpëkyës ko nyaj'ookëty ma ja nyaax kyajpnën.

Levitico 7:27

Pën jyi'kxyp oy tii ne'pny, kwanë ko nëjkx yajjo'otsy ma nyaax kyajpnën.

Levitico 7:25

E pën jëtu'un jyi'kxyp ja nyi'on ja jëyujk mëti'ipë ja Tios yajtukwintsë'këpën ets yajmo'oy tä tu'uk yë ayajk ako'onën mëti'ipë yajnino'kpën, kopkpëky ko nëjkx yajjo'otsy ma ja myëkunaax myëkukajpnën.

Levitico 7:20

Pën tu'uk yë ja'ay mëti'ipë ëxëëkën tsyu'tsyp ja tsu'utsy mëti'ipë ënäty ja Tios të yajtukwintsë'ëkën mëët ko ja näy'ëëw'oyë näykyajpx'oyë y'ity, kopkpëky ko y'ookëty tyëkoyëty ma ja nyaax kyajpnën.

Éxodo 12:19

Ka'ap mëpaat nitu'kjënu'un yë tsajpkääky tsyooy yajpaaty ma mjëën mtëjkëtyën, jëtu'un tyu'uye'eyëty ja xëëw po'o, koonëm wëxtujk xëëw kya'pxëty. Jä'ä ko pën ja tsajpkääky kyääpy tsooymyëët, nëjkxëp yajjo'otsy ma ja Israel ja nyaax kyajpnën, oy yë'ëjëty mëti'ipë Israel ja'ay'ajtpën ets oy tyimyë'ëjëty ja jaaypyaat jaaypyo'kxy.

Éxodo 12:15

Ja tsajpkääky mëti'ipë mkaytyëpën ka'ap tii tsooy tmëët'atëty ets wëxtujk xëëw y'itëty. Paaty ma ënäty më''ëka'any tsyo'ontä'äkyën ja mëtu'kxëëwpë, kamaa yë tsooy kyayajpaatëty ma ja mjëën mtëjkëtyën, e pën jëtu'un ja tsajpkääky kyääpy tsooymyëëtpë, ma ya'atë ja wëxtujk xëëwpë ënäty të yajpëjktä'äkyën, nëjkxëp yajjo'otsy ma ja Israel kajpnën.

Génesis 17:14

Pën ka'ap ja ye'etyëjkajtën yajnitsujktu'uty, kopkpëky ko yajwijtspëtsëmëty ma miitsëtyën. Jä'ä ko ka'ap ënäty ja nkäjpxytyu'unënës të twinkutsë'ëkë.

Levitico 7:22

Ënät ja Tios ojts tmëkäjpxy ja Moisés ets t'ënëmaay:

Levitico 22:3

Jëtu'un xy'ënëëmëty, ko pën ëxëëk yajpaatëty ma yë'ëjëtyën ets xytyukwintsë'këtyës ja ayajk ako'onën kënu'kxypyë, mëti'ipë ja Israel ja'ayëty myooytyëpën ja Wintsën, nëjkxëp yajjëëkexy ma ja tuunk tyajtu'uye'eyën Wintsën wintuuy.

Números 19:22

Pën yë ja'ay ëxëëk yajpaaty Tios wintum ets tii tnixajëty ëkë tonëty, näjyëtu'un ënäty winë tyaj'ëxëëkë. E pën tu'uk yë ja'ay wa'ats yajpaaty ets tonëty yë myëku'uk, mëti'ipë ëxëëk yajpatpën, nëjkxëp y'ëxëëktëkë ets tsuupaat wyë'ëmëty ëxëëk.

1 Samuel 20:26

Jä'ä xëëw yë Saúl ka'ap ojts niwi'ix y'ënä'äny. Jä'ä ko tyaa ënäty myäy tyäjy ko yë David wä'änxyëp ënäty tii të jyäty të kyëpetyë mëti'ipë të y'ëxëëktunyën, paatykyëjxm ka'ap të myiny

Levitico 19:8

Pën tsyu'typ ja tsu'utsy, tuuntëkoopy ënäty, kopkpëky ko nëjkx yajjo'otsy ma ja myëkunaax myëkukajpnën, mëët ko ënäty të tyaj'ëxëëktëkë ja wa'atspë mëti'ipë ja Tios jä'ä të yajmo'oyën.

Levitico 20:3

Ëjts ntëytyunäämpyës ets nyaj'ookäämpyës tääpë ja'ay, mëët ko ënäty të t'ëxëëktuny ja n'ijtaknës ets ko ënäty ja nxëëwës ja wa'atspë të tjaamteeny të tnaaxteeny. Ko ja y'u'unk të tkë'ëyajkpë ma ja wiink tiosën mëti'ipë xyëëwajtypyën Moloc.

Levitico 23:29

Pën jëtu'un jä'ä xëëw ka'ap y'ayuu'aty, oy tyimpënëty Kopkpëky ko nëjkx yajjo'otsy ma myëkunaax myëkukajpnën.

Ezequiel 33:25

Paaty mijts, jëtu'un xy'ënëëmëty: Jëtu'un yë Wintsën y'ënä'äny: Miitsëty mëët yë tsu'utsy yë nyine'pny xyjyë'kxëtë, wiink tios m'ëwtajtëp, myajja'ay o'ktëp, ¿m'ënantëp ënät miits xyjyä'ä'atëty yë naaxwiinyëtë mëti'ipë të myajtukwinwanëtën?