Levitico 7:20 - Biblia Mixe de Quetzaltepec

²⁰ Pën tu'uk yë ja'ay mëti'ipë ëxëëkën tsyu'tsyp ja tsu'utsy mëti'ipë ënäty ja Tios të yajtukwintsë'ëkën mëët ko ja näy'ëëw'oyë näykyajpx'oyë y'ity, kopkpëky ko y'ookëty tyëkoyëty ma ja nyaax kyajpnën.

Levitico 7:20 ပူးပေါင်းရင်းမြစ်များ

Génesis 17:14

Pën ka'ap ja ye'etyëjkajtën yajnitsujktu'uty, kopkpëky ko yajwijtspëtsëmëty ma miitsëtyën. Jä'ä ko ka'ap ënäty ja nkäjpxytyu'unënës të twinkutsë'ëkë.

Éxodo 30:33

Pën muum kë'ëmwinma'any yajkojpy yë on jëtu'unpë tä tyaapë y'ixëtyën, ëkë muum oypyënëty tukuja'axnëtëty; pën ënäty jëtu'un ëtëtspën, kopkpëky ko nëjkx yajjo'otsy ma ja myëkunaax myëkukajpnën.

Éxodo 30:38

Pën jëtu'unpë yë on yajkojpy tä tyaapën ets tyajxuuka'any tyajjoka'any kë'ëm, kopkpëky ko nëjkx yajjo'otsy ma ja myëkunaax myëkukajpnën.

Ezequiel 33:25

Paaty mijts, jëtu'un xy'ënëëmëty: Jëtu'un yë Wintsën y'ënä'äny: Miitsëty mëët yë tsu'utsy yë nyine'pny xyjyë'kxëtë, wiink tios m'ëwtajtëp, myajja'ay o'ktëp, ¿m'ënantëp ënät miits xyjyä'ä'atëty yë naaxwiinyëtë mëti'ipë të myajtukwinwanëtën?

Levitico 18:29

Pën ja ëxëëkpë tyuunpy, kopkpëky ko nëjkx yajjo'otsy ma ja myëkunaax myëkukajpnën.

Levitico 19:8

Pën tsyu'typ ja tsu'utsy, tuuntëkoopy ënäty, kopkpëky ko nëjkx yajjo'otsy ma ja myëkunaax myëkukajpnën, mëët ko ënäty të tyaj'ëxëëktëkë ja wa'atspë mëti'ipë ja Tios jä'ä të yajmo'oyën.

Levitico 20:3

Ëjts ntëytyunäämpyës ets nyaj'ookäämpyës tääpë ja'ay, mëët ko ënäty të t'ëxëëktuny ja n'ijtaknës ets ko ënäty ja nxëëwës ja wa'atspë të tjaamteeny të tnaaxteeny. Ko ja y'u'unk të tkë'ëyajkpë ma ja wiink tiosën mëti'ipë xyëëwajtypyën Moloc.

Levitico 23:29

Pën jëtu'un jä'ä xëëw ka'ap y'ayuu'aty, oy tyimpënëty Kopkpëky ko nëjkx yajjo'otsy ma myëkunaax myëkukajpnën.

Levitico 7:19

Pën yë tsu'utsy patëp tii winë mëti'ipë ëxëëkën, ka'ap mëpaat yajtsu'utsy, je'eyë yajnino'okëty. Tëkokyë mëti'ipë wa'ats yajpatpën jyëkyäptëp tsu'utsëty yë tsu'utsy.

Levitico 7:25

E pën jëtu'un jyi'kxyp ja nyi'on ja jëyujk mëti'ipë ja Tios yajtukwintsë'këpën ets yajmo'oy tä tu'uk yë ayajk ako'onën mëti'ipë yajnino'kpën, kopkpëky ko nëjkx yajjo'otsy ma ja myëkunaax myëkukajpnën.

Levitico 7:27

Pën jyi'kxyp oy tii ne'pny, kwanë ko nëjkx yajjo'otsy ma nyaax kyajpnën.

Números 19:13

Pën tyoompy yë o'kpë ets ka'ap ja wa'atsajtën tpaaty Tios wintum, yë Tios yë wyittëjk yaj'ëxëëktëjkëp, e paaty nëjkxëp yajjo'otsy ja xyëëw ma ja Israel kajpnën, jä'ä ko ka'ap ja kënu'kxynyëë të yajtuknixijkxy.

1 Corintios 11:28

Paaty, jëyëjp xy'ixtëty xytyuntëty ja mjuukyajtënëty wi'ix myajpaatën naamka'anëm ënäty xykyäytyë xy'uuktë ya'atë a'ux.

1 Samuel 20:26

Jä'ä xëëw yë Saúl ka'ap ojts niwi'ix y'ënä'äny. Jä'ä ko tyaa ënäty myäy tyäjy ko yë David wä'änxyëp ënäty tii të jyäty të kyëpetyë mëti'ipë të y'ëxëëktunyën, paatykyëjxm ka'ap të myiny