Levitico 7:12 - Biblia Mixe de Quetzaltepec

¹² Pën ja wintsë'kën yë'ëkyëjxm yajyaka'any ko ënäty winë yajkukajpxëja'any, nëjkxëp yajyäky yë tsajpkääky mëti'ipë ka'ap tsyooymyëëtyën, yë'ë mëët xyëpiny'atëty yë on, yë tsajpkääky tsyë'ëts pejypyë ets mutskjatyëty ka'apë tsyooymyëëtëtyën ets yë'ë mëët xyëpiny'atëty yë on ets näjyëtu'un yë tsajpkääky tsajpmokwaymyëëtpë yajxonpë të yaj'oytyunyën mëët yë on.

Levitico 7:12 ပူးပေါင်းရင်းမြစ်များ

2 Crónicas 29:31

Ënät ja Ezequías t'ënëmaay ja ja'ay, miitsëty tëë tyam ja näypyuj näjyä'ätsë xypyaatë, mëmintë ets tukmëjjawëtë ënät ja mWintsënëty mëti'ipë yë'ë patëpën ets xyajnaxtëty ja kukajpxën ja'awëkyëtakën. Ënät ja naax kajpn ojts tukwintsë'ëkëtë ja Wintsën mëti'ipë ënäty të myo'ojëtën, mëti'ipë ojts tukwintsë'ëkë ja Wintsën ja jëyujk'ooky nino'okpyë nixämpyë.

2 Crónicas 33:16

Ets tpojts'o'oyëy ja wintsë'këntyakn, ojts ja wintsë'kën tyäky ma ja nay'ëëw'oy näykyajpx'oyë yajtunyën ets ma yajkukajpxën winë, tä t'ënëmaay ja Judá ja'ayëty ets Jerusalén ja'ayëty ko yi'iyë tu'uk y'ëwtatëp ja Wintsën.

Nehemías 12:43

Jä'ä xëëw may yajxon ja wintsë'kën jyänty yajyäjky, ets ja'ayëty aak akujk aak jotkujk ojts nyäyjyawëtë, jä'ä ko ja nTios'ajtëmë yë'ë ënäty të tyajkëtä'äky ja kyënu'kxën ets jyam'atëty mëjwiin këjää ja jotkujk'ajtën ets ja xoontakën. To'oxytyëjktëjkëty ets pi'k ëna'këty aak xoontä'äky yajpatë, ja ëy yä'äxy ets ja xoontakën jëkämpaat ojts yajmëtoownë.

Salmos 107:8

Kukajpxëtë yë Tios mëëtkyëjxm ko oy winë tuny ets naaxwiinyëtë ja'ay jotkujk jyuuky'atëty.

Salmos 116:17

Nmo'ojäämpy yë wintsë'kën ets jëtu'un nyajnaxa'anyës yë kukajpxën ja'awëkyëtakën, etsës n'ëwtata'any yë mxëëw, Wintsën.

Salmos 50:23

Pën tii kyukajpxëpën, ëjts xyajmëjnajxp, nyajnitsokpyës yë ja'ay mëti'ipë juukyajtpën mëtëy.

Jeremias 33:11

ja ëy xoontä'äky ets xuxën wojpën. Nëjkxëp ja pëjkpë ukpë yajwinxoonta'aktë ets ja ja'ay tyaka'antë ja wintsë'kën, tyajnaxa'antë ja kukajpxën.

Oseas 14:2

Wimpitë ma Wintsënën ets jëtu'un xymyëkajpxtëty: Mä'kx yajnitëkoy ëëts yë nnëë npokyëty ets ëxajë kupëk ya'atë aaw ayuk ma mijts myajmëjjaw myajkënu'kxyjyawën.

Levitico 2:4

Ko ja m'ujts tëëm m'ujts pajk xykyë'ëyaka'anëty ma Tiosën ets jap xyajkëty ma tu'uk yë tsijtkën, yë'ë myakëp yë tsajpkääky mëti'ipë oytyunyën mëët yë jëtsy mëti'ipë tijjëtitypë mëët yë on, je'eyëp ko ka'ap tsyooymyëëtëty, ëkë oy yë'ëjëty yë tsajpkääky tsyë'ëts pejypyë ets mutskjatyëty mëti'ipë ka'ap tsyooymyëëtëtyën, yë'ë on mtuknixijkxëp.

Levitico 2:5

Pën mtukmëyoxäämpy yë Tios tii winë mëti'ipë ontë'ëts yaj'oytyuunpën, yë'ë myajtunëp yë oypyë tsajpmokway ets ko xytyijëtitëty mpëjkta'akëp yë on, je'eyëp ko këtii xypyëjkta'akëty ëpëky yë nyitsooy.

Levitico 22:29

Ko xyakëty ma Tiosën tu'uk yë wintsë'kën, jëtu'un mëpaat xytyuny tä yë Tios yajxon tkupëkëtyën.

Levitico 6:16

Mëti'ipë ënäty ja ayajk ako'onën natëjkëpën, yë'ë Aarón jyä'ä'atëp mëët ja y'u'unk y'ëna'k ets tsajpkääky yë'ë mëti'ipë ka'ap tsyooymyëëtëtyën, jam tjë'kxtëty tpëktëty ma wya'atsëtyën ma ja tyëja'awën ja wit tëjk ma näpyaatë y'ityën.

Levitico 7:15

Ja nyitsu'uty ja jëyujk mëti'ipë të yajyäkyën ko ja kukajpxën ja'awëkyëtakën yajtuny ets ko ja näy'ëëw'oyë näykyajpx'oyë y'ity, jä'ä xëëw mëpaat yajtsu'uty ma ënäty të yajkë'ëyäkyën. Ka'ap mëpaat nitu'kjënu'un wyi'imy ets komjëpom xytsu'utsantëty.

Amós 4:5

Yaktë nino'oky nixämy yë mtsajpkääkyëty ma ja kukajpx ja'awëkyëtakën xyajnaxtën; xiitsow yaatsow nikajpx nimëtya'aktë ko m'ayak m'akonëtë kë'ëmtsojkën, jä'ä ko yë'ë jëtu'unpë oy mja'awëtyëp. Yë Wintsën jëtu'un ënaanp.

Números 6:15

Nëjkxëp näjyëtu'un tyäky tu'katsy u'unk yë tsajpkääky ka'apë tsyooymyëëtëtyën, mëti'ipë oytyunyën mëët yë tsajpmok ets on. Näyjyëtu'un nëjkx tyäky yë tsajpkääktyë'ëts, mëti'ipë wäänjaty yë on të yajtuknixijkxyën, mëët ja ayajk ako'onën mëti'ipë aaypyajk ujts pajkën ets ja tsatym nyëë.

Lucas 17:16

Tääts naaxkëjxy nyäkyoxtënaaytyakë Jesús wyintum. Ya'atë ja'ay jä'ä mëti'ipë Samaria tso'onpën.

Lucas 17:18

¿Ya'atë mëti'ipë ka'ap jyutiis ja'ayëty yë'ë nätyu'uk të wyimpity ets ja Tios të tmëjjaw të tjaantyjyawë?

Romanos 1:21

Oy ja Tios të tja'ixtë, ka'ap të tmëjjaw të tjaantyjyawëtë ijxtëm ja Tios mëpaat yajmëjpëjktä'äkyën, ni të tkamo'otë ja kukajpxën. Ni'ikyë jëëmpit winë të tuntë, aakjä'ä të tmëmay të tmëtajtë ka'apë tyuunëtyën, jëtu'un ja tsyuuwinma'any të yajwë'ëmëtë ijxtëm ja ja'ay kupi'its kukoots y'ityën.

Efesios 5:20

Xëmë ja Tios xykyukajpxëtëty mëët ja Wintsën Jesukristë ja xyëëw.

Hebreos 13:15

Paaty, tsojk ja Tios nmëjja'wëmë ko ja Jesukristë të nmëpëjkëmë. Yë'ë jëtu'un ya'atë mëpaat ntukwintsë'këmë, tsojk nmëjja'aw njaantyja'awëmë ja Tios mëët ja aaw ayuk.

1 Pedro 2:5

Näyjyëtu'un miits ja Tios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Tios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Tios y'oyjya'apën.