Levitico 7:10 - Biblia Mixe de Quetzaltepec

¹⁰ Yë aaypyajk ujtspajk mëti'ipë yajyajkpën ets yë'ë y'ayajkën'aty y'ako'on'aty, mëti'ipë yajmääpën mëët yë on, yë'ë nëjkx tjä'ä'atë yë Aarón yë y'u'unk y'ok tu'knax.

Levitico 7:10 ပူးပေါင်းရင်းမြစ်များ

Éxodo 16:18

Jëtu'un ijxtëm ënäty të yajtuk'ëwaanëtën tyajmuktëty, jëtu'un ojts tjanty yajmuktë, mëti'ipë ja jyä'ä may pyëjkmujkën ka'ap ojts tii nyatëkë, e ja mëti'ipë wäänë ja jyä'ä yajmujkën, nän ka'ap ojts tii myëyajtxëty; jä'ä ko nitu'ukjaty ja ja'ayëty jëtu'un ënäty të tyajmuktë, tä tyajmëyatën.

Levitico 7:11

Yaa yajnikäjpxy wi'ix mëpaat yajyäkyën ja wintsë'kën ko pën ja nay'ëëw'oy näykyajpx'oyë tuna'anëty mëët yë Tios.

Levitico 7:9

Näyjyëtu'un yë aaypyajk ujtspajk mëti'ipë tsijtkjoty këëpën ets yë'ë y'ayajkën'aty y'ako'onën'aty. Näyjyëtu'un mëti'ipë yaj'oytyuunpën ma tuka'any'apëjkën ets ma tojkx tu'ts, yë'ë yë teety jyä'ä'ajta'ajëp, mëti'ipë ënäty kyë'ëyäjkpyën ets wyintsë'kën'atëty.

2 Corintios 8:14

Tyam mmëët'ajtëp miits mëti'ipë yë'ëjëty ka'ap tmëët'atën, e ko ënäty miits tii xykyamëët'atë yë'ëjëty myëët'atantëp winë, jëtu'un jyää'atëty ja tu'knax'at.