Levitico 6:7 - Biblia Mixe de Quetzaltepec

⁷ Ja teety nëjkxëp ja pokymyä'kxën tpaaty Wintsën wintum, mëti'ipë ja ja'ay jyä'ä'atëpën, tëëpë tyuuntëkoyën, mëti'ipë mëjëyëjp të yajnikäjpxyën; jëtu'un'äämpy ja nëë poky nëjkx yajme'kxy.

Levitico 6:7 ပူးပေါင်းရင်းမြစ်များ

Levitico 4:26

Ets ja nyi'on jam tnino'ktaayëty ma ja wintsë'këntyaknën, jëtu'un tä näjyëtu'un yajtunyën ja wintsë'kën mëti'ipë yajyajkpën, ko ja nay'ëëw'oy näykyajpx'oyë y'ity. Jëtu'un'äämpy ja teety tpaatëty ja pokymyä'kxën, mëti'ipë jyä'ä'atëpën ja ja'ay mëti'ipë wintsën ijtpën ets ja pokymyä'kxën tpaatëty.

1 Juan 1:9

Pën nmaaywyajtsëm ja npoky'ajtëmë, jyëkyejpy ntuk'ijxpäjtmëty ja Tios, wa'atspë, ko myä'kxäämpy ja npoky'ajtëmë ets tu'kë'ëyë mëti'ipë të ntuuntëko'oyëmën.

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

Mateo 12:31

Paaty miits n'ënëëmëtë ko yë Tios pyokynyimä'kxäämpy yë ja'ay ma winë t'ëëwtëkoy tkajpxtëkoyën; yë'ë tëy ka'ap tnimä'kxa'any mëti'ipë ja Kënu'kxymyëkajtën myëkajpxtëkoopyën.

Miqueas 7:18

Ka'ap ma Tios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Ezequiel 33:19

Ets pën yë ëxëëk ja'ay y'ëxmajtsyp yë y'ëxëëk juukyajtën ets tuny ja mëtëypyë ets oy jyuuky'äty, mëëtkyëjxm ko ënäty ja jyuukyajtën të tyajtëkatsy nëjkxëp ja jyuuky'äty.

Isaías 1:18

Jëtu'un yë Wintsën y'ënä'äny: mintë, tsojk ja amay jotmay nyaj'o'oyëmë. Oyxyëp ënäty ja mpokyëty jëtu'un tä jëënpajkën mëti'ipë toopy jäämpën, ëjts poopës nyaj'awinpita'any tä tip kyä'äyën; oy ënäty jëtu'un kyëxë'knë uky witën, ëjts jëtu'unës nëjkx nyaj'awinpity poop witën, tä pixyny witën.

Levitico 5:18

Ya'atë mëpaat ja'ay jëtu'unpë tuny, yë'ë yakëp tu'uk yë kupixyny yä'äy yä'kpetypë mëti'ipë oyën mëkën ets kë'ëm xy'a'ixëty jënu'un ja jyëyujk tsyowpaaty. Ets tukninëjkxëty ja teety, mëti'ipë ja pyoky tyukuyäjkpyën. Ets jëtu'un'äämpy ja pokymyä'kxën tpaatëty ja ja'ay mëti'ipë ënäty të pyokytyunyën ajotkumonë ets ja nyëë pyoky nëjkxëp yajme'kxy.

Levitico 5:13

Ets jëtu'un ja teety tpaatëty ja pokymyä'kxën, mëët ja ja'ay mëti'ipë ënäty të pyokytyunyën ets jëtu'un'äämpy nëjkx ja poky yajme'kxy. E pën yë'ëts ayajkën'ajtp ako'onën'ajtp ja aaypyajk ujtspajk, ko nyatëkëty ja teety ja jyä'ä'atëp.

Levitico 5:10

E ja mëmäjtskpë jä'ä nyino'okëp, ejxtëm ja nyitëyajtën myinyën; jëtu'un'äämpy ja teety paatëty ja pokymyä'kxën ma Tiosën, ko ënäty ja ja'ay të pyokytyuny ets nëjkx yajpokymye'kxy.

Levitico 4:31

Näyjyëtu'un nëjkx yë y'on yajnëtsujkta'ay, tä ja mëti'ipë wintsë'kën'ajtpën ko ja nay'ëëw'oy näykyajpx'oyë y'ity. Jam tnino'okëty ma ja wintsë'këntyaknën mëti'ipë ja Tios yajtukwino'kp yajtukwinxaanpën ets oy xyuuky jyoky. Jëtu'un'äämpy ja teety ja pokymyä'kxën tpaatëty mëti'ipë tääpë ja ja'ay jyä'ä'atëpën.

Levitico 4:20

Ko näjyëtu'un yajyakëty ya'atë tsajpkaa ëna'k tä ja mëti'ipë yajkë'ëyajkpën ko ja nëë poky yajtukunaxy. Jëtu'un'äämpy ja teety ja pokymyä'kxën tpaatëty mëti'ipë ja naax kajpn jyä'ä'atëpën ets ja nyëë pyokyëty yajnimä'kxtëty.

Éxodo 34:7

Oy kanaak xëëw kanaak jëmëjt nyaxëty, jyuuky'atëty yë ja'ayëty ets y'ooktëty, wiinkpë myintëty naaxwiiny, yë Tios xëmë tkuuytyuna'any yë y'aaw y'ayuk ets tsyojkën jya'awën xëmë y'ita'any. Näyjyëtu'un ja poky këtyey tnime'kxy e yë'ë ka'ap jëtu'unyë tyajninaxa'any ja mëti'ipë pokymyëëtën, jä'ä ko ja tëytyu'unën jam ja tyajnaxy ma ja u'unk ëna'kën, ok u'unk ok ëna'k ets ma ja y'u'unk y'ëna'këty ja ok u'unk ok ëna'k.

Levitico 6:8

Ënät ja Tios ojts tmëkäjpxy ja Moisés ets y'ënëmaay:

Levitico 7:2

Ja jëyujk mëti'ipë ja nëë poky yajtukniyajkëpën, jam y'ookëty ma jam y'ooktën yë tsajpkaa mëti'ipë nitooytyëpën ets ja nyine'pny jam yajxijkxjëtitëty ma wintsë'këntyakn yë pya'ajën ets ma nyini'kxën.

Levitico 2:1

Ko pën yë Tios tuknimina'anëty yë aaypyajk ujtspajk, yë'ë mëpaat tmëminy yë oyëtypë tsajpmokway ets mëët tukmëpëkëty yë on ets poom.