Levitico 6:6 - Biblia Mixe de Quetzaltepec

⁶ Yë'ë nëjkx tmo'oy yë Tios tu'uk yë kupixyny yä'kpetypë mëti'ipë oyën mëkën ets mijts nëjkx xytsyowmo'oy, jam nëjkx tyajtsoony ma tyajtänën yë kyupixyny ets tmënëjkxëty ma ja teetyën, yë'ë tyukwintsë'ëkëp ja Tios mëëtkyëjxm ja nyëë pyoky ja ja'ay.

Levitico 6:6 ပူးပေါင်းရင်းမြစ်များ

Levitico 5:15

Ko yë ja'ay pyokytyunëty ajotkumonë ets yajnijawëty ko tëëtëm kë'ëmwinma'any tii tnixajë, mëti'ipë ja Tios ënäty të yajtuknipëjktaakën. Yë'ë yakëp yë kupixyny yä'äy yä'kpetypë ets yë'ë nyätyukuyakëtëty, mëëtkyëjxm ko ënäty jëtu'un të pyokytyuny. Ets tukwintsë'ëkëty yë'ë yë Tios. Ja tsajpkaa ja tsyow jëtu'un mëpaat tsyoowtëkë, tä ja poop pujxn meeny tsyoowpaatyën ets ja poop pujxn meeny jëtu'un mëpaat yajkijpxy, tä ja kijpxën jap myinyën ma tsajptëjkën.

Levitico 5:18

Ya'atë mëpaat ja'ay jëtu'unpë tuny, yë'ë yakëp tu'uk yë kupixyny yä'äy yä'kpetypë mëti'ipë oyën mëkën ets kë'ëm xy'a'ixëty jënu'un ja jyëyujk tsyowpaaty. Ets tukninëjkxëty ja teety, mëti'ipë ja pyoky tyukuyäjkpyën. Ets jëtu'un'äämpy ja pokymyä'kxën tpaatëty ja ja'ay mëti'ipë ënäty të pyokytyunyën ajotkumonë ets ja nyëë pyoky nëjkxëp yajme'kxy.

Levitico 5:7

Pën kajts ja ja'ay nëkooyë ja wit meeny tmëëtëty, mëti'ipë tyukjuyëpën ja tsajppax ëkë kupixyny. Jyëkyäpëp yë'ë tyakëty Wintsën wintum mäjtsk yë muuxy ëkë yë kuuk mëti'ipë kyunaxëpën ja pyoky. Tu'uk mëti'ipë wintsë'kën'atëpën mëëtkyëjxm ja poky ets tu'uk mëti'ipë yajnino'okëpën.

Levitico 14:12

Ënät tyaj'ookëty tu'uk ja kupixyny ets tukwintsë'ëkëty ja Tios mëët tu'k'a'ukën ja on, yë'ë nätyuknikëpäjtu'utëtëp mëëtkyëjxm ja pyoky ets jëtu'un tkë'ëmo'ojëty ja Tios ja wintsë'kën tä tyuny'ätyën.

Esdras 10:19

ojts y'ëna'antë ko y'ëxmatsantëp ja tyo'oxytyëjkëty mëti'ipë ka'ap ja Wintsën t'ëwtatën ets ko ënäty tu'uk ja tsajppax ëna'k nyätyukniyajktu'uta'anëtë ko të pyok tyuntë.

Nehemías 10:35

Ojts näjyëtu'un ëëts nkäjpxy'atë ko winjëmëjt ëëts nmënëjkxa'antë ma tsajptëjkën etsës nkë'ëyaka'antë ja n'aaytyëëm n'ujts tëëmëty ets ja aaypyajk ujtspajk mëti'ipë kyëjääjë yajpëjk yajtuunpën kamjotm tu'ujotm,

Ezequiel 40:46

e ja tëjk mëti'ipë anëkëjxmtsow najts'ijxëpën yë'ë nëjkx tjä'ä'atë yë teetytyëjkëty mëti'ipë wintsë'kën yajktëpën. Yë Leví ja'ay mëti'ipë yë Sadoc y'u'unk'ajtyp y'ok'ajtypyën yi'iyë myëwinkontëp yë Wintsën ets tmëtuntëty.