Levitico 6:3 - Biblia Mixe de Quetzaltepec

³ Ko y'ënta'akëty, ko ka'ap të tpaaty mëti'ipë ënäty ja wiink ja'ay të tyajtëkoyën ets Tios tukajpxpätëty, y'ëna'anëty ko ka'ap tnijawë mëti'ipë jyanija'apën, yë jëtu'unpë ja'ay,

Levitico 6:3 ပူးပေါင်းရင်းမြစ်များ

Éxodo 23:4

Pën mpatëp ja mëtsip ja jyëyujk tsyajpkaa, mëti'ipë ënäty të tyëko'oyxyëtyën, yajwinpijtë jatëkok.

Éxodo 28:42

Oytyuunë näjyëtu'un yë pya'tk'ëxmotsëty mëti'ipë tyuk'ëtuktëpën yë ye'etyëjk'ajtënëty, yë'ë m'oytyunëp yë oywyit.

Proverbios 24:28

Këtii ajotkumonë xynyi'apëtsëmëty yë mjëëky mmëku'uk ets këtii tii xynyikajpxëty mëti'ipë ka'ap myëtëyëtyën.

Proverbios 30:9

Jä'ä koos nëkooyë mëj këjää winë nmëët'atëty, tsojk mijts nja'atyëkoya'anëty ets n'ënanëtyës ko ka'ap n'ixy'äty; e koos ntim'ëyoowni'ikëty tsojkës ntëjkënëty mä'tspë ets jëtu'un nyajtëkooynyëtyës ja wintsë'kën ma mkënu'kxyxyëëwën.

Jeremias 5:2

Tää ja'ay mëti'ipë tii nyikäjpxypën yë'ë tyukkajpxpejtyp yë Tios yë jyuukyajtën, je'eyëp ko antaktëp.

Jeremias 7:9

Mmä'tstëp, myajja'ay'o'ktëp, mmëët'ajtëp wiink ye'etyëjk wiink to'oxytyëjk, ka'ap tii mëtëy xynyikajpxtë; mwintsë'këtyëp ja Baal ets wiink tios m'ëwtajtëp mëti'ipë ka'ap xy'ixy'atën,

Ezequiel 44:19

E ka'anëm ënäty jap tëja'p pyëtsëmtë ma naax kajpn y'ëwxityën ko tjäntëty ja wyit mëti'ipë jap tsajptëkoty myëtuuntëpën ets wiinkpë wyit tuktëkëtëty mëti'ipë myëpëtsëmtëpën tëja'p këtiipë ja wa'atsajtën ja naax kajpn jä'ä nyinaxëtëty.

Levitico 1:16

Ets ja jyot, tyiinty, kyääytyëjk, nyijëmk tpëjktaayëty ets jam tpëjkta'akëty ma kuyjaam niko'owpety y'ityën mëti'ipë jamtsow yajpatpën xëëwpëtsëmy ma ja wintsë'kën yajyäkyën.

Levitico 16:4

Yë'ë myëtëkëp jap ja oywyit mëti'ipë kënu'kxyën, mëët ja pya'tk'ëxmots mëti'ipë oywyitën, mëët ja wyëën ets ja kupit aak oywyitpë. Ya'atë wit aakyë'ë mëti'ipë kënu'kxyën, paaty ko tuktëkëja'anëty, jëyëjp mëpaat yajxon tsyi'iy xyitsy.

Levitico 19:12

Këtii nëkoo tii xytyukwinwanëty mëët yë nxëëwkyëjxmës, jä'ä ko m'ëxëëktijpy jëtu'un ënäty yë Tios yë xyëëw mëti'ipë m'ëwtajtypyën. Ëjts jëtu'un mëj Wintsën.

Zacarías 5:4

Yë Wintsën mëti'ipë maaytyääyëpën winë jëtu'un y'ënä'äny: Jamës ya'atë pojkën nyajkëta'aka'any mëti'ipë miinpën kuja'ay ma ja'ayën mëti'ipë toonp mä'tspën ets mëti'ipë nëkoo je'eyë wyäämpyën yë nxëëwës ëëwpäjn kajpxpäjn. Ets ya'atë pojkën ënätnëm jyëwa'aka'any ko ënäty tëë kyëjxta'ay mya'ta'ay ja tëjkwitsë ets ja tsaa.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënäty yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Tios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.