Levitico 6:26 - Biblia Mixe de Quetzaltepec

²⁶ Ja teety mëti'ipë ja wintsë'kën yäjkpyën, jyëkyäpëp tsu'utsëty ja nyitsu'uty, jap tsu'utsëty ma tu'uk yë it naaxwiinyëtë wa'atspë, jap ma ja nyitëja'awën ja wit tëjk ma näpyaatë y'ityën.

Levitico 6:26 ပူးပေါင်းရင်းမြစ်များ

Oseas 4:8

Yë'ë nnaax nkajpnës nëë poky tyukjuuky'äjtyp, paaty tsojkën'atë ets ja'ay pyokytyuntëty.

Ezequiel 46:20

etsës të xy'ënëëmë: Yaa yë teetytyëjkëty tyajkë'ëwtëty yë tsu'utsy mëti'ipë wintsë'kën'ajtpën ko të yajpaaty yë pokymyä'kxën ets yaa näjyëtu'un tyajkë'ëwtëty yë aaypyajk ujtspajk. Jëtu'un ka'ap jap tii tmëpëtsëmtëty tëja'p ets jëtu'un ka'ap yë naax kajpn tii tonëty mëti'ipë kënu'kxyën.

Ezequiel 42:13

Ënätës xy'ënëmaay: Yë tëjk mëti'ipë yajpatëpën anëkëjxmtsow ets ëpa'tkë'ëytsyow wa'ats yë'ëjëty, yë'ë të yajtuknikojëtë yë teetytyëjkëty ets jam tjë'kxtëty tpëktëty ja jë'kxy pëky mëti'ipë ënäty ja Wintsën të yajtukwintsë'ëkën; jam tpëjktakta'atëty ja wintsë'kën wa'atsëtypë mëti'ipë ja'ay yajktëpën nino'oky nixämy ets mëti'ipë tyukunajxtëpën ja nëë poky, jä'ä ko tääpë tëjk wa'ats yë yajpaaty.

Levitico 6:16

Mëti'ipë ënäty ja ayajk ako'onën natëjkëpën, yë'ë Aarón jyä'ä'atëp mëët ja y'u'unk y'ëna'k ets tsajpkääky yë'ë mëti'ipë ka'ap tsyooymyëëtëtyën, jam tjë'kxtëty tpëktëty ma wya'atsëtyën ma ja tyëja'awën ja wit tëjk ma näpyaatë y'ityën.

Éxodo 40:33

Ko ojts jyëjpkëjxtaaynyë, tä ja Moisés yi'iyë tjaakyaj'o'oyëtyääy ja nyitëkja'aw ja wit tëjk ma ja näpyaatë y'ityën ets ja wintsë'këntyakn, ojts ja wit'atëëytyuk tkëxtëy jam ma yajnitëkën ja tëja'aw. Ko ja Moisés tkojtaay ja wit tëjk,

1 Corintios 9:13

Mnija'awëtëp miits ja ja'ayëty wi'ix jyuuky'atën mëti'ipë tuuntëpën jap mëjtsajptëkoty, yë'ë tyukjuuky'ajtëp mëti'ipë ja ja'ay yojxtëpën ets mëti'ipë tuuntëpën ma ja wintsë'këntyaknën; tsyu'tstëp ja jëyujk tsu'utsy mëti'ipë wintsë'kën'ajtpën.

Levitico 6:17

Ka'ap mëpaat tyajkë'ëwtë mëët yë tsajpkääky mëti'ipë tsooyën. Yë'ëjës yam nmooytyëp ets patëtëp wäänë tjä'ä'ajtpëtëty mëti'ipës ëjts yajtukmëyojxpën. Yë'ë wa'ats yë mëj këjää, jëtu'un tä yë ayajk ako'onën mëti'ipë yë nëë poky yajtukuyajkpën.

Levitico 6:29

Ya'atë wintsë'kën ni'ik wa'ats mëpaat nyäxy, yi'iyë patëtëp tkaytyëty tsu'utstëty yë teetytyëjkëty.

Levitico 7:7

Ja nyiwintsë'kën ko pën tyuuntëkoy, näjyëtu'un tä ja nyiwintsë'kënën ko pën pyokytyuny ets ja nyitëyajtën tu'knax. Ja jëyujk mëti'ipë ënäty të wyintsë'kën'atyën, yë'ë ja teety jyä'ä'atëp mëti'ipë ënäty të tyunyën ma ja wintsë'kën yajyäkyën ko ja pokymyä'kxën yaj'amëtoy.