Levitico 6:20 - Biblia Mixe de Quetzaltepec

²⁰ Ya'atë yë Aarón ets y'u'unk y'ok yaktëp ma Wintsënën ko ënäty yajtuknipëktë ja teety'ajtk, mäjtsk tsim yë tsajpkääkwyäy, kujkwä'kxy tyakëty jopyëp ets kujkwä'kxy tjaakyakëty jënäkxyëëw. Jëtu'un winjëpom tunëty, ka'ap mëpaat nitu'kxëëw nyinaxy.

Levitico 6:20 ပူးပေါင်းရင်းမြစ်များ

Éxodo 29:2

ets ja tsajpmokway mëti'ipë oyën, yajkoj ja tsajpkääky ets ma'atsy mëti'ipë ka'ap tmëët'atyën yë tsajpkääky tsyooy, yë'ë mëët xytyijëtitëty yë on ets tsajpmoktë'ëts ka'apë tmëët'atyën yë tsooy ets wäänjaty xytyuknixijkxëty yë on.

Éxodo 16:36

Ja kijpxën mëti'ipë yajtijpën gomer, jä'ä ënäty jye'emtyëty tu'kpëky je'eyë ma ja majk pëkpyën.

Hebreos 7:27

Ka'ap jyëtu'unëty ijxtëm ja wiinkëtypë ja teety wintsënëtyën jëpom jëpompë tyaktën ja wintsë'kën ko pyokytyuntë, ets ko ja naax kajpn näjyëtu'un pyokytyuntë. Jesús tu'k'ok ojts je'eyë twintsë'ëkë ja Tios ko ojts yë'ë kë'ëm wyintsë'kën'aty ets ja ja'ay ja pyoky ojts nimä'kxtaayë.

Hebreos 5:1

Ni'ëmukë teety wintsën, aak ja'ayjoty yajwin'ixtë ets ja naax kajpn tkutänëty Tios wyintum ets tyaktëty ja wintsë'kën ets ayajk ako'onën mëti'ipë ja poky yajtuknikëpäjtutpën.

Números 28:10

Ya'atë ayajk ako'onën nino'okpyë yë'ë jää yajyakëp po'kxënxëëwëtë, mëët ja nyi'tsatym nëë. Ëpëky mëti'ipë xëmë winjëpom yajyajkpën.

Números 28:3

Ënëëmëtë näjyëtu'un ko ya'atë ayajk ako'onën mëpaat tyaktë nino'oky mëti'ipës xytyukmëjjawëtëpën xëmë winjëpom, nitu'kxëëw kyaninaxëty, mäjtskëty yë kupixyny ayääkë mëti'ipë tu'ukëty yë jyëmëjtën ets oypyë mëkpë.

Levitico 5:11

E ko ja nyimeeny tkëpätëty ets jeexyë mäjtsk tjuy ja muuxy ëkë ja pak, jyëkyejpy yë'ë tmënëjkxëty mäjtsk tsimën yë tsajpmokway mëti'ipë jä'ä tyukunaxëpën ja nyëë pyoky. Ka'ap tjëkyepy t'onëty ets ni poom mëpaat tkapëjktä'äky, jä'ä ko ya'atë ayajk ako'onën yë'ë ënäty të yajtuknipëjktaakë ma nëë poky yajmä'kxëtyën.

Levitico 5:1

Ko pën yajmëkajpxëty mëti'ipë ënäty tii y'ijxyp nyija'apën mëët ko ënäty tii të t'ixy ëkë të tmëtoy ets yë'ë ka'ap tkupëjkpëty. Poky jëtu'un ënäty tyuunpy ets pokymyëët yë'ë wyë'ëmnëty, mëët ko jëtu'un y'ëti'itsy.

Levitico 6:19

Ënät yë Tios ojts tmëkäjpxy yë Moisés ets t'ënëmaay:

Levitico 23:13

Nëjkxëp näjyëtu'un tyajmintë yë tsajpmokway me'eypyë mëti'ipë onmëëtën, taxk tsim ja kujkm. Ets yë'ë yë Tios yajtukwinno'okëty ets jya'tëty jam ma yë'ëjën, tä tu'uk yë xu'kën jojkënën oypyë tsujpë.

Números 4:16

Yë Eleazar, yë myaank yë Aarón, yë'ë nëjkx tkëwentëpëky ja kutë'kxn ja nyi'on, ja poom mëti'ipë pa'kxu'kpën, ja aaypyajk ujtspajk mëti'ipës xymyo'otëpën ets ja on mëti'ipë winë mëët yajkënu'kxyën. Yë'ë nëjkx näjyëtu'un t'ixy tuny ja Tios ja wyittëjk ets näjyëtu'un jënu'un jap winëjaty yajpaatyën mëti'ipë ëmaayëtyën.

1 Crónicas 23:29

Yë'ë ojts yajtuknipëktë t'ixtëty tuntëty ja tsajpkääky mëti'ipë kënu'kxyën mëti'ipë janaam jatsojk tëkajtspën ja ma'kxtëypyë jam y'ityën ets t'ëxta'atëty ja tsajpmokway mëti'ipë yajyojxpën jap tsajptëkoty, ma ja tsajpkääky yaj'oytyunyën ka'apë tsyooymyëëtëtyën, ja yojxën japë y'oyën tu'tsjoty ets ja jëtsy ets tëkokyë winë mëti'ipë kijpxyjäty najxpën.

Levitico 6:11

Ënät ja wyit tjääntëkätsëty ets ja kuyjaam jam jëkäm tmënëjkxëty ma jam tsyëënëtën.