Levitico 6:18 - Biblia Mixe de Quetzaltepec

¹⁸ Jëtu'un xëmë y'itëty, nyaxëty ja xëëw jëmëjt, tëkokyë yë yä'äy'ëna'ktëjkëty mëti'ipë yë Aarón y'u'unk'ajtyp y'ëna'k'ajtypyën, jyëkyäptëp tjë'kxtëty ja ayajk ako'onën mëti'ipës ëjts yajmoopyën, mëti'ipë ja ayajk ako'onën nyo'ktëpën ma ja wintsë'këntyaknën mëti'ipë tyukwintsë'këtëp yë Wintsën. Oy tyimtiijëty mëti'ipë ya'atë ayajk ako'onën patëpën, wa'ats wyë'ëmëty.

Levitico 6:18 ပူးပေါင်းရင်းမြစ်များ

Números 18:10

Tëkokyë ye'etyëjktëjk mëti'ipë yajpatëpën ma miitsëtyën, jyëkyäptëp tjë'kxtëty ya'atë ayajk ako'onën, jä'ä tëy, jam mëpaat tsu'utstë ma tu'uk yë itjotmën mëti'ipë kënu'kxyën ets yë'ë Wintsën jyä'ä'ajtyp, jä'ä ko ya'atë tsu'utsy ëmaay yë oy.

Levitico 6:29

Ya'atë wintsë'kën ni'ik wa'ats mëpaat nyäxy, yi'iyë patëtëp tkaytyëty tsu'utstëty yë teetytyëjkëty.

1 Pedro 2:9

E miitsëty Tios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Tios jä'äniwanëpën. Ets jëtu'un tkajpxwa'kxtëty ja Tios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

1 Pedro 1:16

Jëtu'un ja Tios ja y'aaw y'ayuk këxja'aypyë y'ënä'äny: näjyëtu'un miits wa'ats itë ijxtëmës ëjts nwa'atsëtyën.

Levitico 6:27

Ko ya'atë tsu'utsy muum jya'tëty, näjyëtu'un yë itjotmën wa'ats wyë'ëmëty, pën yë wit nipijkëyëp yë ne'pny, jap yajpujëty ma itjotmën wa'atspë.

Levitico 3:17

Ya'atë ënä'ämën xëmëkyëjxm y'itëty ets u'unk ok yajpaatëty, oy jëtu'un maa mtimjyuuky'atëty, ka'ap mëpaat ja jëyujk on xyjyë'kxtë ets ni nye'pny mëpaat xykyajë'kxtë.

Éxodo 29:37

Wëxtujk xëëw y'itëty, xyakëty ja wintsë'kën jam ma ja wintsë'këntyaknën mëëtkyëjxm ja mpoky mkëtyeyëty; jëtu'un kënu'kxy ets wa'ats xyajwë'ëmëty ma Tiosën ets ya'atë wintsë'këntyakn ni'ik wa'ats y'itëty ets oy tyimtiijëty pën tii jam ja'ajtp ma ja wintsë'këntyaknën, wa'ats nëjkx wyi'imy.

1 Corintios 9:13

Mnija'awëtëp miits ja ja'ayëty wi'ix jyuuky'atën mëti'ipë tuuntëpën jap mëjtsajptëkoty, yë'ë tyukjuuky'ajtëp mëti'ipë ja ja'ay yojxtëpën ets mëti'ipë tuuntëpën ma ja wintsë'këntyaknën; tsyu'tstëp ja jëyujk tsu'utsy mëti'ipë wintsë'kën'ajtpën.

Levitico 6:19

Ënät yë Tios ojts tmëkäjpxy yë Moisés ets t'ënëmaay:

Levitico 7:6

Tëkokyë yë teetytyëjkëty jyëkyäpëp tsu'utstëty tääpë tsu'utsy, jam mëpaat tsu'utstë ma tu'uk ja itjotmën wa'atspë, jä'ä ko tääpë wa'ats yë'ë.

Números 18:8

Ënät ja Tios t'ënëmaay ja Aarón: Mijts të ntuknipëky ets xykyëwentëpëjkta'ajëty yë ayajk ako'onën mëti'ipës yajmoopyën. Tëkokyë yë ayajk ako'onën mëti'ipë yë Israel ja'ayëty yajktëpën, kënu'kxy yë nyajxnë. E paaty, mijts ets m'u'unk n'ëna'k yam nmooytyëp, jä'ä ko mpatëtëp jëtu'un. Ya'atë ënä'ämën yë'ë xëmë itëp.

Levitico 4:3

Pën yë'ë pokytyuunp yë teety wyintsën ets jëtu'un'äämpy ja naax kajpn tyaj'ëxëëktëkë, yë'ë yakëp tu'uk yë tsajpkaa u'unk, mëti'ipë oyën mëkën ets kä'pxyën jam ma Tiosën ets yë'ë ja nyëë pyoky tukunaxëty.

Levitico 4:24

Tääts jam ja kyë'ë tpëjkta'akëty ma ja tsajppax ja kyëpajkën ets ënät tyaj'ookëty, jam ma ja Tios tukwintsë'ëkëjänyën, ma ja nyi''itjot jam yajpaatyën. Ya'atë wintsë'kën yë'ë ja nëë poky kyunaxäämpy.

Levitico 4:33

Tääts nëjkx ja kyë'ë jam tkëxkony ma ja tsajppax ja kyëpajkën ets tyaj'ookëty, jam ma y'ooktën ja jëyujk mëti'ipë nitooytyëpën.

Levitico 6:10

Yë teety yajxon mëpaat yë nyi'kx kyopk tyajnitujkta'ay mëët yë wit ets ja pya'tk'ëxmots mëti'ipë linë wit mëët xyuyëtyën; ënät tpëjkmujkta'ajëty ja jaam ma ënäty ja jëyujk të tyooykyëtä'äkyën ets nëjkx jam pë'am tpëjktä'äky ma ja wintsë'këntyaknën.