Levitico 6:11 - Biblia Mixe de Quetzaltepec

¹¹ Ënät ja wyit tjääntëkätsëty ets ja kuyjaam jam jëkäm tmënëjkxëty ma jam tsyëënëtën.

Levitico 6:11 ပူးပေါင်းရင်းမြစ်များ

Ezequiel 44:19

E ka'anëm ënäty jap tëja'p pyëtsëmtë ma naax kajpn y'ëwxityën ko tjäntëty ja wyit mëti'ipë jap tsajptëkoty myëtuuntëpën ets wiinkpë wyit tuktëkëtëty mëti'ipë myëpëtsëmtëpën tëja'p këtiipë ja wa'atsajtën ja naax kajpn jä'ä nyinaxëtëty.

Levitico 4:12

jä'ä jëtu'un tu'kë'ëyë jënu'un ja tsajpkaa winë tmëët'atyën, jam nëjkx xypyëjktä'äky muum ëpëky ma y'ëwaatsëtuuyëtyën, jam tu'ukyë tmënëjkxta'ajëty ma ja kuyjaam nyipetyën ets jam tnino'okëty.

Levitico 16:27

Ja tsajpkaa ets ja tsajppax mëti'ipë ënäty të wyintsë'kën'atën mëët ma ja poky yajtuny yajkäjpxyën, mëti'ipë ja nye'pny të yajmënëjkxtën jap ma tsajptëjkën ets ja pokymyä'kxën yajpaatëty, jam nëjkx yajmënëjkxtë kajpnpë'am, ja pyo'o, ja nyitsu'utsyëty ets ja tyi'iny jëtu'unyë nëjkx yajnino'kta'ay.

Levitico 4:21

Tä ënät jam jëkäm tmënëjkxëty ya'atë tsajpkaa ëna'k ets jam tyaj'ooktëty, näjyëtu'un tä ja mëtu'ukpë ja tsajpkaajën. Jä'ä ko ya'atë yë'ë ja naax kajpn ja nyëë pyoky yajtukunajxp.

Levitico 6:10

Yë teety yajxon mëpaat yë nyi'kx kyopk tyajnitujkta'ay mëët yë wit ets ja pya'tk'ëxmots mëti'ipë linë wit mëët xyuyëtyën; ënät tpëjkmujkta'ajëty ja jaam ma ënäty ja jëyujk të tyooykyëtä'äkyën ets nëjkx jam pë'am tpëjktä'äky ma ja wintsë'këntyaknën.

Levitico 6:12

Ja jëën mëti'ipë jam toopyën ma ja wintsë'këntyaknën, ka'ap mëpaat nijëna'a pyi'itsy, winjopy yë teety tpëjkta'akëty yë ja'axy ma wintsë'këntyaknën ets jam tkëxpëkëty yë jëyujk'ooky mëti'ipë yajnino'okaanpën. Ëpëky ma yajnino'kyën ja jëyujk ja nyi'on mëti'ipë yajyajkpën ko ja nay'ëëw'oy näykyajpx'oyë y'ity.

Éxodo 29:37

Wëxtujk xëëw y'itëty, xyakëty ja wintsë'kën jam ma ja wintsë'këntyaknën mëëtkyëjxm ja mpoky mkëtyeyëty; jëtu'un kënu'kxy ets wa'ats xyajwë'ëmëty ma Tiosën ets ya'atë wintsë'këntyakn ni'ik wa'ats y'itëty ets oy tyimtiijëty pën tii jam ja'ajtp ma ja wintsë'këntyaknën, wa'ats nëjkx wyi'imy.

Levitico 6:20

Ya'atë yë Aarón ets y'u'unk y'ok yaktëp ma Wintsënën ko ënäty yajtuknipëktë ja teety'ajtk, mäjtsk tsim yë tsajpkääkwyäy, kujkwä'kxy tyakëty jopyëp ets kujkwä'kxy tjaakyakëty jënäkxyëëw. Jëtu'un winjëpom tunëty, ka'ap mëpaat nitu'kxëëw nyinaxy.

Levitico 6:22

Jëtu'un tyaj'oyëty ja teety, mëti'ipë ënäty wintsën ijtpën ma ja Aarón ja y'u'unk y'okën, mëti'ipë ja tuunk të tmëwë'ëmyën, tä ja Aarón ënäty të tyunyën. Ya'atë ayajk ako'onën yë'ë Tios patëp, e paaty kopkpëky ets yajno'kta'ajëty.

Levitico 7:6

Tëkokyë yë teetytyëjkëty jyëkyäpëp tsu'utstëty tääpë tsu'utsy, jam mëpaat tsu'utstë ma tu'uk ja itjotmën wa'atspë, jä'ä ko tääpë wa'ats yë'ë.

Levitico 24:9

Ya'atë yë'ë yë Aarón mëët yë y'u'unk y'ok nëjkx tjä'ä'aty ets jëtu'un xëmë y'itëty. Ets ya'atë tsajpkääky jam mëpaat yajkay, ma tu'uk yë it naaxwiinyëtën wa'atspë. Jä'ä ko yë ayajk ako'onën mëti'ipë yë Tios yajtukwinno'kpën, wa'ats yë oy nyäxy.