Levitico 6:10 - Biblia Mixe de Quetzaltepec

¹⁰ Yë teety yajxon mëpaat yë nyi'kx kyopk tyajnitujkta'ay mëët yë wit ets ja pya'tk'ëxmots mëti'ipë linë wit mëët xyuyëtyën; ënät tpëjkmujkta'ajëty ja jaam ma ënäty ja jëyujk të tyooykyëtä'äkyën ets nëjkx jam pë'am tpëjktä'äky ma ja wintsë'këntyaknën.

Levitico 6:10 ပူးပေါင်းရင်းမြစ်များ

Levitico 16:4

Yë'ë myëtëkëp jap ja oywyit mëti'ipë kënu'kxyën, mëët ja pya'tk'ëxmots mëti'ipë oywyitën, mëët ja wyëën ets ja kupit aak oywyitpë. Ya'atë wit aakyë'ë mëti'ipë kënu'kxyën, paaty ko tuktëkëja'anëty, jëyëjp mëpaat yajxon tsyi'iy xyitsy.

Apocalipsis 19:14

Ets ja tsiptuunpëtëjk tsajpjotmëpë pyaye'oyë, janty oyëty ja wyit yaj'ixtë, janty poopëty, janty wa'atsëty ets aak poop këwaaykyëjxm y'u'unyëtë.

Apocalipsis 19:8

Tios tëë tyajkutuky ets ja jyä'äy nyäxyoxëtëty mëët ja oywyit poopë mëti'ipë ajajp atë'kxpën. Ja oypyë poop wit, yë'ë jëtu'un yajtijp mëti'ipë tyuuntëpën ja Tios ja nyaax kyajpn.

Apocalipsis 7:13

Ënät tu'uk ja mëjja'aytyëjk xyajtëëyës: ¿Pën yë'ëjëty tääpë aak poop witxëpë ets maa tsyoontë?

Salmos 37:20

Yë ëxëëkja'aytyëjk jëtu'un nëjkx tyoytyë jyämtë tä aaytyë'ëts ujtstë'ëtsën; tëkokyë mëti'ipë yë Wintsën y'ëxëëk'ijxtëpën ets myëtsip'ajtëpën, jëtu'un pyojwa'kxa'antë tä yootsën.

Salmos 20:3

Wä'än tja'amyäjtsta'ay mëti'ipë të xyyoxyën, ets oy tkupëkëty ja wintsë'kën mëti'ipë mo'ojäämpyën.

Números 16:35

Ojts yë Tios näjyëtu'un tkukäjxnaxy yë jëën mëti'ipë yaj'o'ktaayën nimäjtsk mëko'px ja wëxtyikxy majkpë ja ja'ay, mëti'ipë ënäty të tno'oktën ja poom.

Números 16:21

Puwa'ktu'utë tääpë ja'ayëty, ëjts tëëjës ntuknipëjktaakë koos nyajkutëkoya'antë.

Levitico 1:13

Ja teety mëti'ipë yäjkpyën ja wintsë'kën, jëyëjp tpujëty ja jëyujk tiinty ets ja jëyujk puuy ets tnino'okëty jam ma ja wintsë'këntyaknën mëti'ipë ja Tios tyukwintsë'ëkëpën, tä tu'uk yë ayajk ako'onën mëti'ipë oy xu'kp jojkpën.

Levitico 1:9

Pën ja jëyujk'ooky ënäty nino'oky yäjkpyën, yajxon tpujëty ja tyiinty ets ja y'ixpajk. Ja teety yë'ë nëjkx tnino'kta'ay ma ja wintsë'këntyaknën ets ja Tios yajtukwintsë'ëkëty tä tu'uk yë wintsë'kën oypyë xyuukyën.

Levitico 4:12

jä'ä jëtu'un tu'kë'ëyë jënu'un ja tsajpkaa winë tmëët'atyën, jam nëjkx xypyëjktä'äky muum ëpëky ma y'ëwaatsëtuuyëtyën, jam tu'ukyë tmënëjkxta'ajëty ma ja kuyjaam nyipetyën ets jam tnino'okëty.

Levitico 6:11

Ënät ja wyit tjääntëkätsëty ets ja kuyjaam jam jëkäm tmënëjkxëty ma jam tsyëënëtën.

Levitico 8:2

Woownëjkx yë Aarón mëët y'u'unk y'ëna'k, mënëjkxëp näjyëtu'un ja wyit tyujkxy, näjyëtu'un ja on mëti'ipë mëët winë yajkënu'kxyën, näjyëtu'un ja tsajpkaa ayääkë mëti'ipë ja ja'ay nätyukunajxëpën ko tii poky tuny, näjyëtu'un mäjtsk ja kupixyny yä'äy ets tu'ukjaty ja tsajpkääky mëti'ipë ka'ap tsyooymyëëtëtyën,

Ezequiel 44:19

E ka'anëm ënäty jap tëja'p pyëtsëmtë ma naax kajpn y'ëwxityën ko tjäntëty ja wyit mëti'ipë jap tsajptëkoty myëtuuntëpën ets wiinkpë wyit tuktëkëtëty mëti'ipë myëpëtsëmtëpën tëja'p këtiipë ja wa'atsajtën ja naax kajpn jä'ä nyinaxëtëty.

Levitico 2:11

Këtii yë tsajpkääky tsyooy xypyëjkta'aktëty ma ja m'ujts tëëm m'ujts pajkën, mëti'ipë ja Tios mooytyëpën ets yë'ë näjyëtu'un nikajpxäämpyës, ko yë tsajpkääky tsyooy ets uuxpa'ak këtii xyaktëty jam ma Tiosën nino'oky nixämy.

Levitico 6:18

Jëtu'un xëmë y'itëty, nyaxëty ja xëëw jëmëjt, tëkokyë yë yä'äy'ëna'ktëjkëty mëti'ipë yë Aarón y'u'unk'ajtyp y'ëna'k'ajtypyën, jyëkyäptëp tjë'kxtëty ja ayajk ako'onën mëti'ipës ëjts yajmoopyën, mëti'ipë ja ayajk ako'onën nyo'ktëpën ma ja wintsë'këntyaknën mëti'ipë tyukwintsë'këtëp yë Wintsën. Oy tyimtiijëty mëti'ipë ya'atë ayajk ako'onën patëpën, wa'ats wyë'ëmëty.

Levitico 6:22

Jëtu'un tyaj'oyëty ja teety, mëti'ipë ënäty wintsën ijtpën ma ja Aarón ja y'u'unk y'okën, mëti'ipë ja tuunk të tmëwë'ëmyën, tä ja Aarón ënäty të tyunyën. Ya'atë ayajk ako'onën yë'ë Tios patëp, e paaty kopkpëky ets yajno'kta'ajëty.

Levitico 21:22

Pën kyayäämpy jyëkyäpëp yë tkayëty, oy yë'ëjëty mëti'ipë kënu'kxyën ets mëti'ipë wa'atsën.