Levitico 5:9 - Biblia Mixe de Quetzaltepec

⁹ Ets ënät ja jëyujk ne'pny mëti'ipë nëë poky kyunajxypyën xyijkxjëtitëty ma ja wintsë'këntyakn ja pya'ajën. E ja ne'pyny mëti'ipë ënäty natëjkëpën jam tjaakxijkxjëtitëty ma ja wintsë'këntyakn ja tyënaaypyäjnën. Yë'ë jëtu'un mëti'ipë ja poky kyunajxypyën.

Levitico 5:9 ပူးပေါင်းရင်းမြစ်များ

Levitico 4:34

Tääts ja teety nëjkx ja ne'pny wäänë tpaxajë'ëky, ja nyine'pny ja jëyujk mëti'ipë ënäty ja poky të tku'ookën ets tukuutsëty ja wintsë'këntyakn ja nyiwaj ma ja jëyujk yajnino'oktën, e ja ne'pny mëti'ipë natëjkëpën jam txijkxjëtitëty ma ja wintsë'këntyakn ja tyekyën.

Levitico 4:30

Tääts ja teety ja kyë'ëjëjp mëët tukpaatëty ja ne'pny ets tukuutsëty ja wintsë'këntyakn ma ja jëyujk yajnino'oktën. E ja ne'pny mëti'ipë natëjkëpën jam txijkxjëtitëty ma ja wintsë'këntyakn yë tyekyën.

Levitico 4:18

Ets wäänë tukuutsëty ja wintsë'këntyakn ja nyiwaj, mëti'ipë jamën Tios wintum ma ja wit tëjkën ma ja näpyaatë y'ityën. E ja ne'pny mëti'ipë natëjkëpën nëjkxëp txijkxjëtity jap tëkotsyow ma ja jëyujk yajnino'oktën ma ja näpyaatë y'ityën.

Levitico 4:7

Ënät nëjkx näjyëtu'un tukuutsy wäänë ja ne'pny ja wintsë'këntyakn ja nyiwajën, ma jam ja poom tyoyën, mëti'ipë jam ijtpën Tios wintum ma ja wit tëjkën ma näpyaatë y'ityën. E ja ne'pny mëti'ipë ënäty natëjkëpën jam nëjkx txijkxjëtity ma ja potsyën, ma wintsë'kën yajyäkyën, ma ja jëyujk nyitoytyën mëti'ipë jam ijtpën ma ja wit tëjkën; ma ja näpyaatë y'ityën mëët ja Tios.

Levitico 4:25

Tääts ja teety wäänë ja ne'pny tukpatijëty yë kyë'ë ets txijkxjëtitëty jam ma ja wintsë'këntyakn ja nyiwajën, ma ja jëyujk nyitoytyën. E ja ne'pny mëti'ipë ënäty jaaknatëjkëpën jam txijkxjëtitëty ma ja wintsë'këntyakn ja tyënaaypyäjnën.

Hebreos 12:24

tëë ja Jesús xymyëwinkontë, mëët ko ja Tios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.

Hebreos 2:10

Tu'kë'ëyë mëti'ipë jää'ajtpën aak Tios jyä'ä'ajtääpy ets yaj'ijtääpy, jä'ä ko tsyojkpy ets ja y'u'unk y'ëna'k näjyëtu'un tpaatëty ja myëj'ajtën y'oyajtën; Tios ojts tyaj'awinpity ja Jesukristë wa'ats ko y'ëyooy, mëti'ipë të yajnitso'okëtën.

Isaías 42:21

Yë Wintsën mëti'ipë yaj'ëwaatsëpëtsëëmpën, mëjwiin këjää ja oyajtën të tjayaka'any ma ja y'ijxpëjkënën;

Levitico 7:2

Ja jëyujk mëti'ipë ja nëë poky yajtukniyajkëpën, jam y'ookëty ma jam y'ooktën yë tsajpkaa mëti'ipë nitooytyëpën ets ja nyine'pny jam yajxijkxjëtitëty ma wintsë'këntyakn yë pya'ajën ets ma nyini'kxën.

Levitico 1:15

Ja teety yë'ë jam yakëp ma wintsë'këntyaknën. Nëjkxëp yë yo'kn ets kyëpajk tyajjënajkë ets ënät jam tnino'okëty ma ja wintsë'këntyaknën, tëë ënäty yajxon ja nye'pny tpëjktaayë.

Levitico 1:5

Jam Tios wintum jam ja tsajpkaa tyo'kumëty, ënät ja Aarón ja y'u'unk y'ëna'k mëti'ipë teety'ajtëpën tyaktëty ja tsajpkaa ne'pny ma Tiosën ets ënät ok txijkxjëtitëty ma ja wintsë'këntyakn ja pya'ajën, mëti'ipë jamën ma ja wit tëjk yajnitëkën, mëti'ipë Tios tyëjk'ajtypyën.