Levitico 5:7 - Biblia Mixe de Quetzaltepec

⁷ Pën kajts ja ja'ay nëkooyë ja wit meeny tmëëtëty, mëti'ipë tyukjuyëpën ja tsajppax ëkë kupixyny. Jyëkyäpëp yë'ë tyakëty Wintsën wintum mäjtsk yë muuxy ëkë yë kuuk mëti'ipë kyunaxëpën ja pyoky. Tu'uk mëti'ipë wintsë'kën'atëpën mëëtkyëjxm ja poky ets tu'uk mëti'ipë yajnino'okëpën.

Levitico 5:7 ပူးပေါင်းရင်းမြစ်များ

Levitico 12:6

Ko ënäty të kyä'pxy ja xëëw po'o mapaat nyäyajwa'atsëtëtyën, pën yë'ë të tyajmëxu'unk'aty yë ye'etyëjk, ëkë pën to'oxytyëjk, yë'ë myënëjkxëp jam ma wit tëjkën tu'uk yë kupixyny tëëpë jyëmëjtën ets tmo'ojëty yë Tios no'oky xämy ets tu'uk yë pak ets tu'uk yë muuxy mëti'ipë tyukwintsë'ëkëpën ja Tios mëët pyokykyëjxm. Tëkokyë ya'atë yë'ë tyukë'ëtëjkëtya'ajëp yë teety,

Levitico 12:8

Pën yë u'unktaak ka'ap nyäy'a'ixëty tjuyëty tu'uk yë kupixyny, jyëkyäpëp je'eyë mäjtsk tyakëty yë muuxy ets mäjtsk yë pak, tu'uk mëti'ipë nyino'okëpën ets tu'uk mëti'ipë yakëpën, tääts ja pokymyä'kxën tpaatëty. E ja teety yë'ë y'amëtowëp ja pokymyä'kxën mëët ja to'oxytyëjk ets ja to'oxytyëjk wyë'ëmëty wa'ats.

Levitico 14:30

Tääts ja teety tyakëty tu'uk ja pak ëkë ja muuxy, ëkë tii ënäty pën yakäämpyë mëti'ipë ja näypyuj näjyä'ätsë pyätypyën.

Levitico 14:31

Tu'uk ja muuxy ëkë ja pak nëjkx yajyäky, mëti'ipë nyiwintsë'kën'atëpën ja nëë poky ets tu'uk mëti'ipë yajnino'okëpën, ëpëky yajyajkpëty ja aaypyajk ujtspajk tä yë ayajk ako'onën. Jëtu'un ja teety tpaatëty ja pokymyä'kxën ma Tiosën, mëti'ipë jyä'ä'ajtypyën ja ja'ay mëti'ipë ja näypyuj näjyä'ätsë pyätypyën.

Levitico 15:30

Ja teety tu'uk tyakëty mëti'ipë ja nëë poky kyunaxëpën ets tu'uk tyakëty mëti'ipë yajno'okëpën. Ya'atë jëtu'un ja teety tyunëp Wintsën wintum ets ja to'oxytyëjk tpaatëty ja näypyuj näjyä'ätsë, mëët ko ënäty të tyukjënäkyë ja jyot myëjaaw, ma u'unk maay tyajja'tyën naaxwiiny.

Levitico 16:5

Mäjtsk tmënëjkxëty ja tsajppax yä'äy, mëti'ipë ja Israel ja'ayëty tyuknikëpäjtu'utëpën ma ja nëë poky të tuntën ets tu'uk yë kupixyny yä'äy mëti'ipë nyino'okëpën.

Levitico 27:8

E pën ja ja'ay ëyoop ets ka'ap tjëkyepy jëtu'un nyäkyuyakëtëty, tä jyapaatë'atyën, yë'ë nëjkx tyajtëy ja teety, e yë'ëts nyikajpxëp pën jënu'un mëpaat ja ja'ay nyäkyuyäkyë ets jënu'un mëpaat naje'eyë tpaaty ets ja wyaantakën tyaj'ëtukëty.

Levitico 5:11

E ko ja nyimeeny tkëpätëty ets jeexyë mäjtsk tjuy ja muuxy ëkë ja pak, jyëkyejpy yë'ë tmënëjkxëty mäjtsk tsimën yë tsajpmokway mëti'ipë jä'ä tyukunaxëpën ja nyëë pyoky. Ka'ap tjëkyepy t'onëty ets ni poom mëpaat tkapëjktä'äky, jä'ä ko ya'atë ayajk ako'onën yë'ë ënäty të yajtuknipëjktaakë ma nëë poky yajmä'kxëtyën.

Levitico 7:1

Ja wintsë'kën mëti'ipë yajtukuyajkpën ja nëë poky, yë'ë tu'uk yë wintsë'kën janty wa'atspë. Yaa yajnikäjpxy wi'ix mëpaat yajtunyën.

Levitico 9:3

Tääts ja Israel ja'ayëty xy'ënëëmëty ets t'ëxta'atëty tu'uk yë tsajppax yä'äy mëti'ipë tyukwintsë'ëkëtëpën ja Tios mëëtkyëjxm ja poky ets tu'uk yë tsajpkaa ayääkë ets tu'uk yë kupixyny ayääkë mëti'ipë yë jyëmëjtëtyën tu'uk ets oyjyäty mëkjatyëty, yë'ëts yë Tios yajtukwino'ok yajtukwinxamëp.

Números 5:6

Tyaa xy'ënëëmëty yë Israel ja'ayëty, ko tu'uk yë ye'etyëjk ëkë to'oxytyëjk tyajjotma'atëty yë Tios. Mëët ko ja jyiiky myëku'uk ka'ap twinkutsë'ëkë, ëkë ko ja jyiiky myëku'uk tyajjoot'anpëky. Poky jëtu'un tyuunpy.

Números 6:10

E kom tuktujk xëëw mäjtsk tmënëjkxëty yë muuxy ma teetyën, jam ma yajnitëkën yë wit tëjk ma ja näpyaatë y'ityën mëët yë Tios.

Números 6:11

Tu'uk yë teety nëjkx tyäky yë muuxy, mëti'ipë yë poky kyunaxëpën ets tu'uk mëti'ipë yajnino'okëpën. Mëët ko ënäty të y'ëxëëktëkë mëët ja o'kpë. Jä'ä xëëw nëjkx jatëkok ja kyuwaay wa'ats wyi'imy.

Mateo 10:16

Ëk'ixtë. Jëtu'un yam miits nkäxtë ijxtëm ja kupixyny nyëjkxtën pa'uk'akujky. Wijy kejy mnäpyëjkta'akëtëty ijxtëm ja tsa'anyën. Yujy mnäpyëjkta'akëtëty ijxtëm ja pakën.

Mateo 21:12

Ënät ja Jesús tyëjkëy tsajptëkoty ets twojpëtsëëmtaay ja ja'ay mëti'ipë ënäty jap to'ktëp yajktëpën ets ojts ja ja'ay ja tyo'kpäjn tijjë'ktaayë mëti'ipë ja meeny wyinkukoontëpën, ets ja tyo'kpäjnëty mëti'ipë pak to'ktëpën;

Mateo 3:16

Ko ja Jesús nyëëpäjtaay, ënät pyëtsiimy nëëjoty. Tääts ënätyë y'ëwatsy ja tsajp ets t'ijxy ja Kënu'kxymyëkajtën nyikëtä'äkyë ijxtëm tu'uk ja pakën.

Lucas 2:24

Tääts ojts nyëjkxtë Tios ëwtajtpë ijxtëm ja Tios ja y'ënä'ämën y'ënä'änyën: ets tmënëjkxtë mäjtsk ja kuuk ëkë mäjtsk ja pak mëti'ipë yajtukwintsë'këpën ja Tios.

2 Corintios 8:12

E pën winë aaw winëjot yoxäämpy ja myeeny, kyëwentëpëkäämpy ja Tios wi'ix pën myëtä'äkyën, Tios ka'ap pën t'amëtoy mëti'ipë ka'ap tii tmëëtëtyën.