Levitico 5:4 - Biblia Mixe de Quetzaltepec

⁴ Ko pën tnikajpxëty ets winë oy tuna'any, ëkë ëxëëk tuna'any ets ka'ap jëyëjp tmëmay tmëtajy; je'eyëp ko ma jëtu'un y'ënä'änyën ka'ap tnijawë pën kajtëm nëjkx y'oy'äty ets ok tnija'awënëty, ko kajtëm jëtu'un y'oyëty, tä të y'ënä'änyën, pokymyëët nëjkx wyi'imy.

Levitico 5:4 ပူးပေါင်းရင်းမြစ်များ

2 Samuel 21:7

oy ojts tjapa'ëyoy ja Mefi-bóset, Jonatán ja myaank, Saúl yë y'u'unk, mëët ko tjaja'aymyejtsy wi'ix ënäty mëët ja Jonatán ja käjpxytyu'unën të tunyën.

2 Reyes 6:31

Ënät ja yajkutujkpë mëk yujk'ënany: Yë Wintsën yë'ëjës mëk xytyiytyunëp pën ëjts ka'apës tyam yë Elisejë yë kyëpajk nyajjënajkë, yë myaank yë Safat.

Salmos 106:33

ojts tyajkumon tyajkutukëtë ets y'ëëwnë kyajpxnë tëkatsy, ka'ap t'ëkmëmaay t'ëkmëtajnë tii kyäjpxyp.

Levitico 5:13

Ets jëtu'un ja teety tpaatëty ja pokymyä'kxën, mëët ja ja'ay mëti'ipë ënäty të pyokytyunyën ets jëtu'un'äämpy nëjkx ja poky yajme'kxy. E pën yë'ëts ayajkën'ajtp ako'onën'ajtp ja aaypyajk ujtspajk, ko nyatëkëty ja teety ja jyä'ä'atëp.

Levitico 5:3

Ko pën tonëty yë ëxëëkpë, mëti'ipë yë ja'ay nipëtsëëmëpën, ëkë oy tyimtiijëty mëti'ipë ëxëëkën ets jam tsyoony ma ja'ayën, jä'ä nëjkx wyi'imy ëxëëk.

Números 30:6

Ko tu'uk yë to'oxytyëjk tii twaanta'akëty ma Wintsënën ets tii tukwinwanëty. E jä'ä jëtu'unpë tuny mäjtsk aaw mäjtsk jot ets ok pyëjknë.

Números 30:8

E pën ja nyiye'etyëjk nyija'ap ets ka'ap tkupëkëty ja jëtu'unpë ja waantakën, ka'ap y'atsipëty nëjkx tyäky ets tkuuytyunëty mëti'ipë wyaantakën. Yë Wintsën ka'ap nëjkx atsip y'amëtoyë ets tpatunëty ëkë tyakëty ja wyaantakën.

Mateo 14:7

Ënät tukwinwa'anëy wä'än tiijëty, tii y'amëtoopyën.

Mateo 14:9

Ja yajkutujkpë Herodes ko jëtu'un tmëtooy ka'ap ojts jotkujk nyäjyawëty, e komë tëë ënäty ja mayjyä'äy tukmëtoy ko yakäämpy tii tyim'amëtoopy ja to'oxy'ëna'k, ënät ni'ënä'ämëy ets ja Juan ja kyëpajk yajmo'ojëty texyjoty.

Marcos 6:23

Ojts ja Tios tyajkäjpxy ko tmo'oja'any pën tii ja to'oxy'ëna'k y'amëtoopy, yë'ëpaat ojts ja kutujkën kujkwä'kxy tukwinwanë.

Hechos 23:12

Komjopy ja jutiis ja'ay tkäjpxy'ajtë ets ja Pablo y'ookëty, mëk'äämpy ojts tuknipëjktaakëtë ets ja Tios tyajkajpxtë ets ojts timkyu'ëyuu'atëtë koonëm ja Pablo y'ookëty.

Josue 2:14

Ënät y'ëtsoowëtë: Ëëts nëjkx kë'ëm ntimkyuwa'antës yë mjuukyajtënëty, këtii ni pën xytyuk'ëwaanëty mëti'ipës yam të nkuminëtën, ko yë Wintsën ënäty ya'atë it naaxwiinyëtë ëëts të xymyo'otë. Miitsëty oy nëjkx myajjawëtë ets myajmëët'atë.

Josue 9:15

Josué ojts jëtu'unpë ja aaw ayuk tkupëky ets tuuny ja käjpxytyu'unën mëët yë'ëjëty, ënät nyäy'ënanëtë ko ka'ap maa tsip käjpxy tmëët'ata'antë ets jëtu'un ojts tnima'kxtë ja jyuuky'ajtënëty. Näyjyëtu'un ja Israel mëjja'aytyëjkëty ojts t'a'ixëtë.

Jueces 11:31

yë'ë nëjkx ntukwintsë'ëkë no'oky xämy mëti'ipë ënäty pëtsëëmpën mëjëyëjp maas yë njëën ntëjkën koos nwinpitëty tsiptuunpë.

Jueces 21:18

E yë'ë tëy, ëëtsajtëm ka'ap tjëkyepy yë nëëx'ajtëmë nmo'omyëty ets mëët pyëktëty. Jä'ä ko tëë tu'ukyë nkäjpxy'ajtëmë Tios wintum ko ka'ap yë nnëëx'ajtëm ntukpëka'anëmë, jä'ä ko pën kyumëtoownajxyp ya'atë ja käjpxytyu'unën kopkpëky ko y'ookëty.

Jueces 21:7

¿Tyam wi'ix ënät yë tyo'oxytyëjkëty npatmëty mëti'ipë të wyë'ëmtën? Ëëtsajtëm tëë yë Wintsën n'ënëma'ayëmë ko yë nnëëx'ajtëm ka'ap nkë'ëyaka'anëmë ma yë'ëjëtyën ets mëët pyëktëty y'uuktëty.

Jueces 9:19

E tyam miits n'ënëëmëtë: Pën tëë jëtu'un oy winë xytyuntë ma ja Jerubaal ja y'u'unk tyo'oxytyëjkën ets tëë xymyëjjawëtë xy'oyjyawëtë, oy myajpaata'antë mëët yë Abimélec ets yë'ë mëët miitsëty.

1 Samuel 1:11

Ets ja wyaantakën tpëjktäky, t'ënëmaay ja Wintsën: Wintsën mëti'ipë maaytyääyëpën winë; pën mijts mpa'ëyoopy mnajts'ëyo'owëp ya'atë mtuunpë ets xyjyä'ämyäjtspës koos xymyo'ojëty tu'uk yë u'unk maay, ëjts nkë'ëyakëpës yë'ë ma mijtsën ets mëtunëtëty ets ka'ap ja kyuwaay nëjkx yajkeepy, yë'ë yajtuk'ixëp ko ënäty mijts të ntukmëyoxy.

1 Samuel 25:22

Paaty ojts tnikäjpxy Tios wintum ets y'ënäny: Tios yë'ëjës xytyiytyunëp pën ëjts ka'apës tääpë ja'ay nyajkëjxta'ay mëët tëkokyë yë y'u'unk tyo'oxytyëjk, jyiiky myëku'uk.