Levitico 5:18 - Biblia Mixe de Quetzaltepec

¹⁸ Ya'atë mëpaat ja'ay jëtu'unpë tuny, yë'ë yakëp tu'uk yë kupixyny yä'äy yä'kpetypë mëti'ipë oyën mëkën ets kë'ëm xy'a'ixëty jënu'un ja jyëyujk tsyowpaaty. Ets tukninëjkxëty ja teety, mëti'ipë ja pyoky tyukuyäjkpyën. Ets jëtu'un'äämpy ja pokymyä'kxën tpaatëty ja ja'ay mëti'ipë ënäty të pyokytyunyën ajotkumonë ets ja nyëë pyoky nëjkxëp yajme'kxy.

Levitico 5:18 ပူးပေါင်းရင်းမြစ်များ

Levitico 4:20

Ko näjyëtu'un yajyakëty ya'atë tsajpkaa ëna'k tä ja mëti'ipë yajkë'ëyajkpën ko ja nëë poky yajtukunaxy. Jëtu'un'äämpy ja teety ja pokymyä'kxën tpaatëty mëti'ipë ja naax kajpn jyä'ä'atëpën ets ja nyëë pyokyëty yajnimä'kxtëty.

Levitico 1:4

Ets tkëxkonëty yë kyë'ë ma ja tsajpkaa ja kyëpajkën jëtu'un yajkupëkëty, mëti'ipë ënäty tyukunaxäämpyën ja nyëë pyoky.

Levitico 5:17

Ko yë ja'ay yë Wintsën yë y'ënä'ämën tyiyajtën tkumëtoownaxëty, oy jëtu'un tkamay tkatajy, yë'ë pokymyëëtëmëtën je'eyëm wyë'ëmëty.

Levitico 5:19

Ya'atë wintsë'kën yë'ë jëtu'un ja poky yajtukuyajkp. Jä'ä ko tääpë ja'ay pokymyëët ënäty të wyi'imy ma Tiosën.

Levitico 14:12

Ënät tyaj'ookëty tu'uk ja kupixyny ets tukwintsë'ëkëty ja Tios mëët tu'k'a'ukën ja on, yë'ë nätyuknikëpäjtu'utëtëp mëëtkyëjxm ja pyoky ets jëtu'un tkë'ëmo'ojëty ja Tios ja wintsë'kën tä tyuny'ätyën.

Números 15:24

Pën ajotkumonë të xyjyä'äytyëkoytyë ets tëkokyë ja naax kajpn nän tëë tja'atyëkoy. Nikajpn tu'uk ja tsajpkaa u'unk xytyukwintsë'ëkëtëtyës, mëti'ipë mnino'oktëpën ets oy ja xu'kën jojkën jya'tëty ma ëjtsën, mëët ja nyi'aaypyajk nyi'ujts pajk mëti'ipë mëët yajtukmëyakën ets näjyëtu'un ja tsatym nyëë, mëti'ipë yë Tios të tni'ënä'ämën. Nëjkxëp ëpëky näjyëtu'un xytyukwintsë'ëkëtës tu'uk yë tsajppax mëti'ipë ja nëë poky kyunaxëpën.

Levitico 1:3

Pën yë'ë tsajpkaa yakäämpy tä tu'uk yë wintsë'kënën, yë'ë yakëp yë oypyë mëkpë ets mëti'ipë kä'pxyën, jam tyaj'ookëty ma yajnitëkën yë wit tëjk ma näpyaatë y'ityën ets jam ja wintsë'kën tyakëty ets Wintsën tkupëkëty.