Levitico 5:17 - Biblia Mixe de Quetzaltepec

¹⁷ Ko yë ja'ay yë Wintsën yë y'ënä'ämën tyiyajtën tkumëtoownaxëty, oy jëtu'un tkamay tkatajy, yë'ë pokymyëëtëmëtën je'eyëm wyë'ëmëty.

Levitico 5:17 ပူးပေါင်းရင်းမြစ်များ

Levitico 4:27

Pën tu'uk yë ëyoopëja'ay pokytyuunp ets ka'ap jëtu'un t'aawëty tjotëty ets pokymyëët wyë'ëmëty, mëët ko ënäty të tuny mëti'ipë ja Wintsën ja y'ënä'ämën tyiyajtën yajkupojkpyën.

Levitico 4:13

Pën naax kajpn të pyokytyuny ma ka'ap t'aawëty tjotëtyën ets ka'ap pën të tnijawë ko jä'ä kyäjpxykyutëjtëp ja Wintsën ja y'ënä'ämën tyiyajtën ets jëtu'un të pyokytyëëmë'ëktë.

Salmos 19:12

¿Pën jëtää kë'ëm y'ëkja'awëy'ijtyp ko tii oy tkatuny? Wintsën, mä'kxkës yë ntuuntëko'oy nkajpxtëko'oyën mëti'ipë yu'utsy ijtpën.

Levitico 5:15

Ko yë ja'ay pyokytyunëty ajotkumonë ets yajnijawëty ko tëëtëm kë'ëmwinma'any tii tnixajë, mëti'ipë ja Tios ënäty të yajtuknipëjktaakën. Yë'ë yakëp yë kupixyny yä'äy yä'kpetypë ets yë'ë nyätyukuyakëtëty, mëëtkyëjxm ko ënäty jëtu'un të pyokytyuny. Ets tukwintsë'ëkëty yë'ë yë Tios. Ja tsajpkaa ja tsyow jëtu'un mëpaat tsyoowtëkë, tä ja poop pujxn meeny tsyoowpaatyën ets ja poop pujxn meeny jëtu'un mëpaat yajkijpxy, tä ja kijpxën jap myinyën ma tsajptëjkën.

Levitico 4:22

Ko tu'uk yë wintsën pyokytyunëty ets jä'ä tunëty mëti'ipë ka'ap ja ënä'ämën tëyajtën tyajkutukyën, mëti'ipë yë Wyintsën Tios ënäty të tni'ënä'ämën, pokymyëët wyë'ëmëty, oy ënäty tsyokyëty kya'ëtë'ëtsy.

Lucas 12:48

E pën ja tuunpë ka'ap timnyija'apë pën wi'ixtëm ja wintsën tjatsokyën ets ka'ap tjëjp'ixy ets ka'ap jëtu'un winë tuny ijxtëm jyapaatë'atyën, wäänë yajktukëpätëty; ka'ap nëkoo yajtukwopëty. Pën tii may yajmoopy, näjyëtu'un yaj'amëtowëty may'äämpy. Pën tii wäänë yajmoopy, näjyëtu'un wäänë yaj'amëtowëty.

Romanos 14:23

Ja ja'ay mëti'ipë ka'ap oy yajxon tnijawën pën mëpaat tjë'kxy tkajë'kxy winë, ko tjë'kxy kë'ëm tpokyjyawë ok, jä'ä ko ka'ap të tjë'kxy akujk jotkujk mëët ja mëpëjkën; tu'kë'ëyë mëti'ipë ka'ap tii ëmuumtu'ukjot yajtunyën, poky yë'ë.

Levitico 5:18

Ya'atë mëpaat ja'ay jëtu'unpë tuny, yë'ë yakëp tu'uk yë kupixyny yä'äy yä'kpetypë mëti'ipë oyën mëkën ets kë'ëm xy'a'ixëty jënu'un ja jyëyujk tsyowpaaty. Ets tukninëjkxëty ja teety, mëti'ipë ja pyoky tyukuyäjkpyën. Ets jëtu'un'äämpy ja pokymyä'kxën tpaatëty ja ja'ay mëti'ipë ënäty të pyokytyunyën ajotkumonë ets ja nyëë pyoky nëjkxëp yajme'kxy.

Levitico 5:19

Ya'atë wintsë'kën yë'ë jëtu'un ja poky yajtukuyajkp. Jä'ä ko tääpë ja'ay pokymyëët ënäty të wyi'imy ma Tiosën.