Levitico 5:16 - Biblia Mixe de Quetzaltepec

¹⁶ Ya'atë ja'ay kopkpëky ko jatëkok tkë'ëyakëty mëti'ipë ënäty të tonyën ets ëpëky tjaaknikëjuuypyätëty, tu'kpëky ma ja mëkoxkpën. Yë teety yë'ë nëjkx tmo'oy. Ja teety ënät nëjkx ja pokymyä'kxën tpaaty mëët ko ënäty të tyäky ja kupixyny ayääkë mëti'ipë wintsë'kën'ajtpën, mëti'ipë ja ja'ay jä'ä jyä'ä'atëpën, mëti'ipë ënäty të pyokytyunyën.

Levitico 5:16 ပူးပေါင်းရင်းမြစ်များ

Salmos 69:4

Nimay yë ja'ayëty mëti'ipës nanëkoo xy'ëxëëk ijxtëpën, këtiinëm jyëtu'unëty yë nkuwaayës; yajxon të nyimayëtë yë nmëtsiptëjkës, nanëkokyëjxmës ëxëëk xytyuntë xy'ënëëmëtë, etsës xytyukmatstë nyajwinpitëty mëti'ipës ka'ap të nmeetsyën.

Éxodo 22:1

Ko ënäty pën të twijtske'eky tu'uk yë tsajpkaa, ëkë tu'uk yë kupixyny ets tyaj'ookëty ëkë tookëty. Ko nëjkx tkëpäjnë, jä'ä nëjkx tyajknë mëkoxk ja nyitsajpkaa ja tu'ukpë ënäty të tmeetsyën ets taxk ja nyikupixyny ja tu'ukpë ënäty të tmeetsyën.

Levitico 22:14

Pën nëkoo jyi'kxyp ya'atë ka'ayën ukën, mëti'ipë wa'atsën, kopkpëky ko tmooytyëkatsëty ja teety, mëti'ipë ënäty të tjë'kxyën ets ëpëky tjaakyakëty jatu'kpëky ma ja mëkoxkpëkpyën.

Levitico 27:13

E pën mjuuypyëtsëmäämpts jatëkok ja mjëyujk, ni'ik nëjkx xykyëjuuynyë, jä'ä nëjkx jyaak ni'ikë ja mëkoxk nipätën, ëpëky ja nyikukëpät.

Levitico 27:15

E pën ja ja'ay jyuuypyëtsëmäämpts jatëkok ja tyëjk, nëjkxëp ëpëky mëkoxkpëky yajpupëky ja tëjk ja nyitsow ets ëpëky ja kyukëpät ets jëtu'un jatëkok ja tyëjk tjä'ä'atëty.

Levitico 27:27

Pën yë'ë tu'uk jëyujk mëti'ipë ëxëëk yajtijpën, jyëkyäpëp yajuuypyëtsëmëty, tä ënäty yajtsowmo'oyën ets ëpëky jyaak yajnikujuuypyätëty ja mëkoxkpëky. E pën kajts yajjuuypyëtsimy jyëkyäpëp yajtookëty tä ja tsyowën.

Levitico 27:31

Pën yë ja'ay jyä'ä'atäämpy yë tu'kpëkpyë ma majkjatypën, jyëkyejpy ja'ayë tkujuyëty jënu'un ënäty ja tsyowën ets ëpëky tjaaknikëjuuypyätëty ja kujkwä'kxy ma ja tu'ukpën.

Levitico 4:20

Ko näjyëtu'un yajyakëty ya'atë tsajpkaa ëna'k tä ja mëti'ipë yajkë'ëyajkpën ko ja nëë poky yajtukunaxy. Jëtu'un'äämpy ja teety ja pokymyä'kxën tpaatëty mëti'ipë ja naax kajpn jyä'ä'atëpën ets ja nyëë pyokyëty yajnimä'kxtëty.

Levitico 4:26

Ets ja nyi'on jam tnino'ktaayëty ma ja wintsë'këntyaknën, jëtu'un tä näjyëtu'un yajtunyën ja wintsë'kën mëti'ipë yajyajkpën, ko ja nay'ëëw'oy näykyajpx'oyë y'ity. Jëtu'un'äämpy ja teety tpaatëty ja pokymyä'kxën, mëti'ipë jyä'ä'atëpën ja ja'ay mëti'ipë wintsën ijtpën ets ja pokymyä'kxën tpaatëty.

Levitico 5:10

E ja mëmäjtskpë jä'ä nyino'okëp, ejxtëm ja nyitëyajtën myinyën; jëtu'un'äämpy ja teety paatëty ja pokymyä'kxën ma Tiosën, ko ënäty ja ja'ay të pyokytyuny ets nëjkx yajpokymye'kxy.

Levitico 5:13

Ets jëtu'un ja teety tpaatëty ja pokymyä'kxën, mëët ja ja'ay mëti'ipë ënäty të pyokytyunyën ets jëtu'un'äämpy nëjkx ja poky yajme'kxy. E pën yë'ëts ayajkën'ajtp ako'onën'ajtp ja aaypyajk ujtspajk, ko nyatëkëty ja teety ja jyä'ä'atëp.

Levitico 5:6

Ets ja Tios tu'uk tukwintsë'ëkëty yë tsyajppax to'oxypyë, mëët ko ënäty jëtu'un të pyokytyuny. Jyëkyejpy tyakëty tu'uk yë tsajppax ëkë tu'uk yë kupixyny, jëtu'un'äämpy ja teety tpaatëty ja pokymyä'kxën, mëti'ipë ja pokyjyä'äy jä'ä jyä'ä'atëpën.

Levitico 7:2

Ja jëyujk mëti'ipë ja nëë poky yajtukniyajkëpën, jam y'ookëty ma jam y'ooktën yë tsajpkaa mëti'ipë nitooytyëpën ets ja nyine'pny jam yajxijkxjëtitëty ma wintsë'këntyakn yë pya'ajën ets ma nyini'kxën.

Números 5:7

Ets kwanë ko tkupëkëty. E ja ja'ay mëti'ipë ënäty të yajmëtëkoyën, pën tëë tii mya'txëty, nëjkxëp yajkujuy ets ëpëky jyaak yajnikujuuypyätëty wäänkakujkwä'kxy.

Números 5:8

Pën ja ja'ay mëti'ipë ënäty të yajmëtëkoyën tëë y'o'knë. Ets ka'ap ma pën yajmo'ojëpën ja mëti'ipë ënäty yajkujuuypyën. Yë'ë ja Wintsën jyä'ä'ajtyp, paatykyëjxm ja teety nëjkx yajmo'oy. Ëpëky näjyëtu'un ja kupixyny yä'äy mëti'ipë tëë yä'kpetyën mëti'ipë ja teety tyukwintsë'ëkëpën ja Tios ets tääpë ja'ay tpaatëty ja pokymyä'kxën.

Lucas 19:8

Ënät ja Zaqueo wya'kujkëy ets t'ënëmaay ja Wintsën: Wintsën, tyamës nmo'ojëty ja ëyoopëja'ay kujkwä'kxy mëti'ipës nmëët'ajtypyën; pën tëëjës pën nmeetsy tyamës nyajwinpijtëty taxk jëtu'un.

Hechos 26:20

Täätsës jëyëjp ojts ntuk'ëwaanëtë ja Tios ja y'aaw y'ayuk ja ja'ayëty mëti'ipë jam tsënaaytyëpën Damaskë ets näjyëtu'un jam Jerusalén ets mëti'ipë jam ijtëpën Judea y'itjotm; näjyëtu'un ntuk'ëwa'anëtyës mëti'ipë ka'ap jyutiis ja'ay'atën. Jëtu'unës ja ja'ay n'ënëmaay ets jyotwinpitëty ets ja Tios tmëpëktëty ets jëtu'un tyajnikëxë'ëktëty ko tëë t'ëxmatstë ja y'ëxëëk winma'anyëty.

1 Samuel 6:3

Tä y'ëtsoowtë: Pën myajwinpitantëp jatëkok ja Tios ja kyaaxë mëti'ipë yë Israel ja'ayëty y'ëwtajtën, këtii jëtu'unyë xymyënëjkxtëty. Kwanë ko miitsëty winë xymyo'otëty yë Wintsën mëti'ipë mtukyajjotxäämtëpën. Jëtu'un'äämpy miitsëty mtso'oktëty ets xyjyä'äkyukëtëty wi'ixykyëjxm ko mtëytyunëtë.