Levitico 5:13 - Biblia Mixe de Quetzaltepec

¹³ Ets jëtu'un ja teety tpaatëty ja pokymyä'kxën, mëët ja ja'ay mëti'ipë ënäty të pyokytyunyën ets jëtu'un'äämpy nëjkx ja poky yajme'kxy. E pën yë'ëts ayajkën'ajtp ako'onën'ajtp ja aaypyajk ujtspajk, ko nyatëkëty ja teety ja jyä'ä'atëp.

Levitico 5:13 ပူးပေါင်းရင်းမြစ်များ

Levitico 2:3

Ja ayajk ako'onën mëti'ipë natëjkëpën, ja natëkë mëti'ipë kënu'kxyëtyën mëti'ipë yë Wintsën yajtukmëjja'apën, yë'ë ja Aarón jyä'ä'atëp ets ja y'u'unk y'ëna'k.

Levitico 4:26

Ets ja nyi'on jam tnino'ktaayëty ma ja wintsë'këntyaknën, jëtu'un tä näjyëtu'un yajtunyën ja wintsë'kën mëti'ipë yajyajkpën, ko ja nay'ëëw'oy näykyajpx'oyë y'ity. Jëtu'un'äämpy ja teety tpaatëty ja pokymyä'kxën, mëti'ipë jyä'ä'atëpën ja ja'ay mëti'ipë wintsën ijtpën ets ja pokymyä'kxën tpaatëty.

1 Corintios 9:13

Mnija'awëtëp miits ja ja'ayëty wi'ix jyuuky'atën mëti'ipë tuuntëpën jap mëjtsajptëkoty, yë'ë tyukjuuky'ajtëp mëti'ipë ja ja'ay yojxtëpën ets mëti'ipë tuuntëpën ma ja wintsë'këntyaknën; tsyu'tstëp ja jëyujk tsu'utsy mëti'ipë wintsë'kën'ajtpën.

Oseas 4:8

Yë'ë nnaax nkajpnës nëë poky tyukjuuky'äjtyp, paaty tsojkën'atë ets ja'ay pyokytyuntëty.

1 Samuel 2:28

E ma tëkokyë yë Israel ja'ayëtyën, mijts ojts nwin'ixtë etsës xymyëtuntëty ets mteety'atëty. Xyaktëty ja wintsë'kën ets xynyino'oktëty jam ma ja wintsë'këntyaknën, xyajtoytyëty ja poom ets xëmë xymyëët'atëty ja mwitëty mëti'ipë mëteety'atëpën ëjts nwintuuyës. Ojts näjyëtu'un nmo'oyës yë m'ap m'okëty ja jë'kxy pëky tä ja tsyu'utyën mëti'ipë myëmiintëpën ja Israel ja'ayëty ets yë'ë tsu'utstëty tjë'kxtëty.

Levitico 7:6

Tëkokyë yë teetytyëjkëty jyëkyäpëp tsu'utstëty tääpë tsu'utsy, jam mëpaat tsu'utstë ma tu'uk ja itjotmën wa'atspë, jä'ä ko tääpë wa'ats yë'ë.

Levitico 5:6

Ets ja Tios tu'uk tukwintsë'ëkëty yë tsyajppax to'oxypyë, mëët ko ënäty jëtu'un të pyokytyuny. Jyëkyejpy tyakëty tu'uk yë tsajppax ëkë tu'uk yë kupixyny, jëtu'un'äämpy ja teety tpaatëty ja pokymyä'kxën, mëti'ipë ja pokyjyä'äy jä'ä jyä'ä'atëpën.

Levitico 4:31

Näyjyëtu'un nëjkx yë y'on yajnëtsujkta'ay, tä ja mëti'ipë wintsë'kën'ajtpën ko ja nay'ëëw'oy näykyajpx'oyë y'ity. Jam tnino'okëty ma ja wintsë'këntyaknën mëti'ipë ja Tios yajtukwino'kp yajtukwinxaanpën ets oy xyuuky jyoky. Jëtu'un'äämpy ja teety ja pokymyä'kxën tpaatëty mëti'ipë tääpë ja ja'ay jyä'ä'atëpën.

Levitico 4:20

Ko näjyëtu'un yajyakëty ya'atë tsajpkaa ëna'k tä ja mëti'ipë yajkë'ëyajkpën ko ja nëë poky yajtukunaxy. Jëtu'un'äämpy ja teety ja pokymyä'kxën tpaatëty mëti'ipë ja naax kajpn jyä'ä'atëpën ets ja nyëë pyokyëty yajnimä'kxtëty.

Levitico 2:10

E ko nyatëkëty, mëti'ipë ënäty ja Tios të yajtukmëyoxyën, ja ayajk ako'onën ja kënu'kxypyë, mëti'ipë të tyoy të jyemyën, yë'ë ja Aarón jyä'ä'atëp ets ja y'u'unk y'ok.

Levitico 5:4

Ko pën tnikajpxëty ets winë oy tuna'any, ëkë ëxëëk tuna'any ets ka'ap jëyëjp tmëmay tmëtajy; je'eyëp ko ma jëtu'un y'ënä'änyën ka'ap tnijawë pën kajtëm nëjkx y'oy'äty ets ok tnija'awënëty, ko kajtëm jëtu'un y'oyëty, tä të y'ënä'änyën, pokymyëët nëjkx wyi'imy.

Levitico 5:5

Ko yajnijawëty ja mëti'ipë ënäty ja jëtu'unpë të t'ëy të tkäjpxyën, nyikajpxëp jëtu'un mëti'ipë ënäty të tuuntëkoyën.

Levitico 5:10

E ja mëmäjtskpë jä'ä nyino'okëp, ejxtëm ja nyitëyajtën myinyën; jëtu'un'äämpy ja teety paatëty ja pokymyä'kxën ma Tiosën, ko ënäty ja ja'ay të pyokytyuny ets nëjkx yajpokymye'kxy.

Levitico 5:12

Tääts ja teety tuknixijkxëty ets wäänë tja'axpëtsëmëty ja ne'pyny, mëti'ipë yajtukja'amyätsëpën ets ënät tu'ukyë tnino'kta'ajëty mëët ja wiinkëtypë ja ayajk ako'onën jam ma jä'ä ja jëyujk ne'pny mëti'ipë ënäty ja nëë poky kyunajxypyën mëti'ipë ja Tios yajtukmëjja'apën. Ya'atë ayajk ako'onën yë'ë mëti'ipë ja poky kyunajxypyën.

Levitico 5:14

Ënät ja Tios ojts tmëkäjpxy ja Moisés ets t'ënëmaay:

Levitico 5:16

Ya'atë ja'ay kopkpëky ko jatëkok tkë'ëyakëty mëti'ipë ënäty të tonyën ets ëpëky tjaaknikëjuuypyätëty, tu'kpëky ma ja mëkoxkpën. Yë teety yë'ë nëjkx tmo'oy. Ja teety ënät nëjkx ja pokymyä'kxën tpaaty mëët ko ënäty të tyäky ja kupixyny ayääkë mëti'ipë wintsë'kën'ajtpën, mëti'ipë ja ja'ay jä'ä jyä'ä'atëpën, mëti'ipë ënäty të pyokytyunyën.