Levitico 5:11 - Biblia Mixe de Quetzaltepec

¹¹ E ko ja nyimeeny tkëpätëty ets jeexyë mäjtsk tjuy ja muuxy ëkë ja pak, jyëkyejpy yë'ë tmënëjkxëty mäjtsk tsimën yë tsajpmokway mëti'ipë jä'ä tyukunaxëpën ja nyëë pyoky. Ka'ap tjëkyepy t'onëty ets ni poom mëpaat tkapëjktä'äky, jä'ä ko ya'atë ayajk ako'onën yë'ë ënäty të yajtuknipëjktaakë ma nëë poky yajmä'kxëtyën.

Levitico 5:11 ပူးပေါင်းရင်းမြစ်များ

Números 5:15

Pën jëtu'un y'ixë'aty, yë ye'etyëjk mëpaat tmënëjkxy yë tyo'oxytyëjk ma ja teetyën. Ets tkuyakëty yë tyo'oxytyëjk. Yë'ë yakëp yë tsajpmok mäjtsk tsim. Ka'ap tjëkyäpëty tuknitämëty yë on ja tsajpmokway mëti'ipë yäjkpyën. Jä'ä ko yë'ëkyëjxm ja tyäky ko të jyoot'anpëky. Ets yë'ëkyëjxm ja yajyäky, mëët ko tu'uk ja poky yajnijawëja'any.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

Números 7:13

Yë'ë ojts tyäky tu'uk yë poop pujxn texy. Jä'ä jye'emtyëty tu'uk mil ja taxk mëko'px ja i'px majk nikonë ets tu'uk yë mëj poop pujxn a'ukën, mëti'ipë je'emtyën wëxtujk mëko'px ja tëkë'px majk nikonë. Jä'ä ja kijpxën yajtuuntë mëti'ipë jap ijtpën ma ja Tios ja wyittëjkën. Ma ja poop pujxntexyën ets ma ja poop pujxn a'ukën ujts ojts tyäky mëët yë tsajpmokway mëti'ipë mëët tyijjëtityëtyën ja on ets yë'ë y'ayajkën'at ako'onën'atëty ma ja aaypyajk ujtspajk yajyäkyën,

Levitico 5:12

Tääts ja teety tuknixijkxëty ets wäänë tja'axpëtsëmëty ja ne'pyny, mëti'ipë yajtukja'amyätsëpën ets ënät tu'ukyë tnino'kta'ajëty mëët ja wiinkëtypë ja ayajk ako'onën jam ma jä'ä ja jëyujk ne'pny mëti'ipë ënäty ja nëë poky kyunajxypyën mëti'ipë ja Tios yajtukmëjja'apën. Ya'atë ayajk ako'onën yë'ë mëti'ipë ja poky kyunajxypyën.

Levitico 5:9

Ets ënät ja jëyujk ne'pny mëti'ipë nëë poky kyunajxypyën xyijkxjëtitëty ma ja wintsë'këntyakn ja pya'ajën. E ja ne'pyny mëti'ipë ënäty natëjkëpën jam tjaakxijkxjëtitëty ma ja wintsë'këntyakn ja tyënaaypyäjnën. Yë'ë jëtu'un mëti'ipë ja poky kyunajxypyën.

Levitico 5:6

Ets ja Tios tu'uk tukwintsë'ëkëty yë tsyajppax to'oxypyë, mëët ko ënäty jëtu'un të pyokytyuny. Jyëkyejpy tyakëty tu'uk yë tsajppax ëkë tu'uk yë kupixyny, jëtu'un'äämpy ja teety tpaatëty ja pokymyä'kxën, mëti'ipë ja pokyjyä'äy jä'ä jyä'ä'atëpën.

Éxodo 16:36

Ja kijpxën mëti'ipë yajtijpën gomer, jä'ä ënäty jye'emtyëty tu'kpëky je'eyë ma ja majk pëkpyën.

Éxodo 16:18

Jëtu'un ijxtëm ënäty të yajtuk'ëwaanëtën tyajmuktëty, jëtu'un ojts tjanty yajmuktë, mëti'ipë ja jyä'ä may pyëjkmujkën ka'ap ojts tii nyatëkë, e ja mëti'ipë wäänë ja jyä'ä yajmujkën, nän ka'ap ojts tii myëyajtxëty; jä'ä ko nitu'ukjaty ja ja'ayëty jëtu'un ënäty të tyajmuktë, tä tyajmëyatën.

Lucas 2:24

Tääts ojts nyëjkxtë Tios ëwtajtpë ijxtëm ja Tios ja y'ënä'ämën y'ënä'änyën: ets tmënëjkxtë mäjtsk ja kuuk ëkë mäjtsk ja pak mëti'ipë yajtukwintsë'këpën ja Tios.

Hebreos 9:22

Jëtu'un ja Moisés ja y'ënä'ämën tnikäjpxy ets oy tyimtiijëty, ne'pny mëët wya'atsëty, ets ko ja ne'pyny kya'itëty, ka'ap ja poky yajmä'kxëty.

Levitico 1:14

Pën tyukwintsë'ëkëjäämpy yë Tios tu'uk yë joon ets nino'oky tyaka'any, yë'ë yajtunëp tu'uk yë muuxy ëkë yë kuuk.

Levitico 6:20

Ya'atë yë Aarón ets y'u'unk y'ok yaktëp ma Wintsënën ko ënäty yajtuknipëktë ja teety'ajtk, mäjtsk tsim yë tsajpkääkwyäy, kujkwä'kxy tyakëty jopyëp ets kujkwä'kxy tjaakyakëty jënäkxyëëw. Jëtu'un winjëpom tunëty, ka'ap mëpaat nitu'kxëëw nyinaxy.

Levitico 14:21

Pën ja ja'ay mëti'ipë pëjkëpën ka'ap nëkooyë ja wit meeny tmëëtëty, oy yë'ë'ajty tyakëty tu'uk yë kupixyny mëti'ipë tyukwintsë'ëkëpën yë Tios, mëët ko ënäty tii tëkatsy të tuny ets tpaatëty ja pokymyä'kxën, näjyëtu'un tyakëty mäjtsk tsim yë tsajpmokway mëti'ipë xëpinyën mëët yë on. Tääts yë'ë tyakëty ets ëpëky tu'k'a'ukën yë on,

Levitico 27:8

E pën ja ja'ay ëyoop ets ka'ap tjëkyepy jëtu'un nyäkyuyakëtëty, tä jyapaatë'atyën, yë'ë nëjkx tyajtëy ja teety, e yë'ëts nyikajpxëp pën jënu'un mëpaat ja ja'ay nyäkyuyäkyë ets jënu'un mëpaat naje'eyë tpaaty ets ja wyaantakën tyaj'ëtukëty.

Levitico 12:8

Pën yë u'unktaak ka'ap nyäy'a'ixëty tjuyëty tu'uk yë kupixyny, jyëkyäpëp je'eyë mäjtsk tyakëty yë muuxy ets mäjtsk yë pak, tu'uk mëti'ipë nyino'okëpën ets tu'uk mëti'ipë yakëpën, tääts ja pokymyä'kxën tpaatëty. E ja teety yë'ë y'amëtowëp ja pokymyä'kxën mëët ja to'oxytyëjk ets ja to'oxytyëjk wyë'ëmëty wa'ats.