Levitico 4:32 - Biblia Mixe de Quetzaltepec

³² Pën tääpë ja'ay yë'ë tu'uk myëmiinpy yë kupixyny ets yë'ë pyoky tyukunaxäämpy, yë'ë mëpaat tmëminy yë to'oxypyë, mëti'ipë oy mëkën ets kä'pxyën.

Levitico 4:32 ပူးပေါင်းရင်းမြစ်များ

Levitico 4:28

Ko tnijawëty ko tëëtëm pyokytyuny, yë'ë yakëp tu'uk yë tsajppax mëti'ipë oy mëkën ets mëti'ipë kä'pxyën, yë'ëts ja pyoky tyukunaxëp.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

1 Pedro 2:22

Nitii poky ja Kristë tkatuuntëkooy ets ka'ap ojts ni pën twin'ëëny.

Apocalipsis 5:6

Ënätës n'ijxy tu'uk mëti'ipë yajtijpën Kupixyny U'unk, itkujky tyänë ma ja kutujktaknën, ma ja nimajktaxkpë juukyajtpën ets ja mëjja'aytyëjkëty. Jëtu'un kyëxë'ëky tëë yowë wyintsë'kën'aty. Wëxtujk ja wyaj tmëëtëty ets wëxtujk ja wyiin. Ja wëxtujkpë ja wyiin, yë'ë ja wëxtujkpë ja'awën mëti'ipë ja Tios të tkexyën yaa naaxwiiny.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

Hebreos 9:14

Pën jëtu'un, ni'ik ja Kristë ja nye'pyny. Jä'ä ko mëët ja Kënu'kxymyëkajtën xëmëkyëjxmëpë y'ityën, ojts ja Kristë nyäkyë'ëyäkyë ets wyintsë'kën'atëty ma Tiosën wa'ats pëk, ets ja nye'pny yë'ë yajwatsyp ja njoot'ajt nwinma'any'ajtëmë oy ënäty të njatu'unëmë mëti'ipë yaj'o'kpën, ets jëtu'un npatmëty ja juukyajtën.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënäty nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Efesios 5:27

ets tyaj'ita'any wa'ats, oy, ka'ap xyootsëty ets ka'ap y'äämyëty.

Juan 1:36

Ko t'ijxy ja Jesús nyäxy ets y'ënäny: Ixtë, yë'ë ya'atë Tios wyintsë'kën, ijxtëm ja kupixyny u'unkën.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Tios wyintsë'kën mëti'ipë ja naaxwiinyëtë ja'ay yajpokywyätsëpën.

Lucas 1:35

Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Tios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Tios U'unk yë'ë.

Isaías 53:7

O'ktëy yajtuuny yaj'ënëmaay, niwi'ix ojts kya'ëna'any, amonyë tkupëjky ja nätyiytyunë; jëtu'un ojts yajmënëjkxy ma o'ktaknën tä tu'uk kupixyny yajmënëjkxyën ma y'o'ktaknën, amonyë y'ijty, nitu'k'aaw kyakajpxpëtsëëmy, jëtu'un tä tu'uk kupixyny ayääkën mëti'ipë yajnikä'ptutpën.

Levitico 5:6

Ets ja Tios tu'uk tukwintsë'ëkëty yë tsyajppax to'oxypyë, mëët ko ënäty jëtu'un të pyokytyuny. Jyëkyejpy tyakëty tu'uk yë tsajppax ëkë tu'uk yë kupixyny, jëtu'un'äämpy ja teety tpaatëty ja pokymyä'kxën, mëti'ipë ja pokyjyä'äy jä'ä jyä'ä'atëpën.

Éxodo 12:5

Ja jëyujk mëti'ipë nëjkx xyaj'ooktën, yë'ë mëti'ipë ënäty ja jyëmëjt tu'uk të t'apetyën, yä'äypyë ets oypyë mëkpë; oy yë'ë'atëty yë kupixyny ëkë tsajppax.

Éxodo 12:3

Jëtu'un xy'ënëëmëty tëkokyë yë Israel ja'ay: Ko ya'atë po'o myajk'anëty, jää nëjkx xyaj'ooktë nitu'ukjaty yë mtsajppaxëty ëkë mkupixynyëty ets nitëkokyë jëtu'un maajaty yë jëën tëjkën.

Levitico 1:3

Pën yë'ë tsajpkaa yakäämpy tä tu'uk yë wintsë'kënën, yë'ë yakëp yë oypyë mëkpë ets mëti'ipë kä'pxyën, jam tyaj'ookëty ma yajnitëkën yë wit tëjk ma näpyaatë y'ityën ets jam ja wintsë'kën tyakëty ets Wintsën tkupëkëty.