Levitico 4:3 - Biblia Mixe de Quetzaltepec

³ Pën yë'ë pokytyuunp yë teety wyintsën ets jëtu'un'äämpy ja naax kajpn tyaj'ëxëëktëkë, yë'ë yakëp tu'uk yë tsajpkaa u'unk, mëti'ipë oyën mëkën ets kä'pxyën jam ma Tiosën ets yë'ë ja nyëë pyoky tukunaxëty.

Levitico 4:3 ပူးပေါင်းရင်းမြစ်များ

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

Levitico 9:2

Ets t'ënëmaay ja Aarón: Yaj'ook tu'uk yë tsajpkaayä'äy ayääkë ets xytyukwintsë'ëkëty yë Wintsën mëti'ipë ja nëë poky kyunaxëpën ets tu'uk yë kupixyny yä'äy mëti'ipë yajnino'okëpën ets jam xymyënëjkxëty ma ja Tiosën.

Levitico 4:14

Tim je'eyë ko nijawëtëty ko tëë pyokytyuntë, kopkpëky ko tkë'ëyaktëty tu'uk ja tsajpkaa ayääkë ets ja Tios tukwintsë'ëkëtëty ets jä'ä kyunaxëtëty, mëët ko të pyokytyuntë. Jam nëjkx tmënëjkxtë ma ja wit tëjkën ma ja näpyaatë y'ityën mëët ja Tios.

Hebreos 5:3

Jä'äkyëjxm ja wintsë'kën tyäky ko pyokyjä'äyëty ets näjyëtu'un ko ja ja'ay pyokyjyä'äy'atë.

Esdras 8:35

Ok, ja ja'ayëty tkë'ëyajktë ja wintsë'kën ma Tiosën, mëti'ipë ënäty të yaj'ëxwoptën ets ënäty tsumy matsy të yajmënëjkxtë wiink kajpn. Ojts tmëjjaw tkënu'kxyjyawëtë ko ënäty jatëkok të tpaatë ja nyaax kyajpnëty, paaty ojts ja Tios ja wyintsë'kën tmo'otë. Majkmäjtsk yë tsajpkaa tyaj'o'ktë, majkta'px majkmokx tu'uk yë tsajppax, tëkë'px majkmokx mäjtsk yë kupixyny ets majkmäjtsk yë tsajppax ayääkë. Yë'ë ojts yë nyëë pyoky tukunaxtë ya'atë jëyujk ooky, aak tsa'ay aak no'oky yë Tios tukwintsë'ëkëtë.

Romanos 8:3

Tëë ja Tios tuny mëti'ipë ja ënä'ämën ka'ap myääyën tunëty, jä'ä ko ënäty ja myëk'ajtën kyujënäkyëty ets ko ja ja'ay ëmaay paki'ix yajpaatë. Paaty ja Tios ja y'u'unk të tkexy ets yaj'ijxy ijxtëm ja pokyjyä'äyën ets wyintsë'kën'atëty, tkunaxëty ja ja'ay ja pyoky, jëtu'un tyajkutëkoy ja poky ma ëëtsajtëmën.

Ezequiel 43:19

Ja teetytyëjkëty mëti'ipë Leví ja'ayëtyën, yë Sadoc y'u'unk y'ëna'k, mëti'ipë patëtëpën tyaktëty ja wintsë'kën maas ëjtsën, yë'ë nëjkx xymyo'otë tu'uk yë tsajpkaa ayääkë mëti'ipë nëjkx tkunaxyën ja nëë poky. Ëjts, mëti'ipë Wintsën'ajtpën, ëjts yam jëtu'un ni'ënä'ämëp.

Éxodo 29:21

E ja ne'pny mëti'ipë jam wë'ëmpën wintsë'këntyakn nëkëjxm ets ja on mëti'ipë yajtukkënu'kxpën mëti'ipë natëjkëpën, mpëjkë'ëkëp ets xytyuknixijkxëty yë Aarón ets näjyëtu'un jam wyitkëjxm, ma ja y'u'unk y'ëna'kën nëjkxëp xykyënu'kxta'atë mëët tu'kë'ëyë ja wyitëty tyujkxëty.

Éxodo 29:14

E ja nyitsu'utsy, ja nyi'ak ets ja tyi'iny, jëkäm nëjkx xynyino'oky, jä'ä ko ya'atë wintsë'kën yë'ë kyunajxyp ja nëë poky.

Éxodo 29:7

Tääts xypyëjkë'ëkëty ja on mëti'ipë yajtukkënu'kxpën ets xykyënu'kxëty ja Aarón ko tyeetyëjkënë, jam kyëpajkëjxm jam ja on xykyëxtämëty.

Números 8:8

Ënät näjyëtu'un xyaktëty tu'uk yë tsajpkaa ets wäänë yë nyitsajpmokway mëti'ipë ontë'ëtsën. Yë'ë ya'atë ayajk ako'onën mëti'ipë aaypyajk ujts pajkën. Ëpëky ja wiinkpë ja tsajpkaa mëti'ipë yajyajkpën ets ja nëë poky tkunaxëty.

Levitico 16:11

Mëëtkyëjxm ja Aarón ja kyë'ëmpoky, yë'ë ja Tios tyukwintsë'ëkëp ja tsajpkaa ets ja pokymyä'kxën tpaatëty, näjyëtu'un ja y'u'unk y'ëna'k ets y'u'unk tyo'oxytyëjk.

Levitico 16:6

Ets ënät tukwintsë'ëkëty ja Tios ja tsajpkaa, mëti'ipë ja kyë'ëmpoky tyuknikëpäjtu'utëpën ets näjyëtu'un ja y'u'unk y'ëna'k ets ja y'u'unk tyo'oxytyëjk.

Levitico 8:12

Tä ja Moisés tukuja'axnë ja kënu'kxy on ja Aarón ets ojts tukmëkënu'kxë ja teety'ajtk.

Levitico 5:6

Ets ja Tios tu'uk tukwintsë'ëkëty yë tsyajppax to'oxypyë, mëët ko ënäty jëtu'un të pyokytyuny. Jyëkyejpy tyakëty tu'uk yë tsajppax ëkë tu'uk yë kupixyny, jëtu'un'äämpy ja teety tpaatëty ja pokymyä'kxën, mëti'ipë ja pokyjyä'äy jä'ä jyä'ä'atëpën.

Éxodo 30:10

Ya'atë wintsë'këntyakn wa'ats mëpaat y'ity mëti'ipë yë Tios yë'ë të yajtuknipëjktaakën, winjëmëjt yë Aarón tukuutsëty yë kupixyny nye'pny, mëti'ipë yajyajkpën ma ja nëë poky yajtukunaxyën, winjëmëjt xykyë'ëyaktëty tu'uk yë wintsë'kën mëti'ipë mnatyukunaxëtëpën mëëtkyëjxm ja mpokyëty ets jëtu'un myajpokywyinmä'kxtëty.

Hebreos 9:12

ka'ap yë'ëjëty tsajppax ne'pyny ets tsajpkaa ne'pyny të tmëtëkë ma ja itën wäänë wa'atspën, kyë'ëm ne'pyny tu'ktëkokyë je'eyë të tmëtëkë ets të xyajnitsokëm xëmëkyëjxm.

Levitico 4:5

Yë'ë näjyëtu'un kë'ëm myënëjkxëp ja ne'pny jap tsajptëkoty ma ja wit tëjkën;

Levitico 4:23

E ko tja'amyätsëty ko tëëtëm pyokytyuny, yë'ë yakëp tä ayajk ako'onën tu'uk yë tsajppax mëti'ipë oy mëkën ets kä'pxyën.

Levitico 4:28

Ko tnijawëty ko tëëtëm pyokytyuny, yë'ë yakëp tu'uk yë tsajppax mëti'ipë oy mëkën ets mëti'ipë kä'pxyën, yë'ëts ja pyoky tyukunaxëp.

Números 16:22

E yë'ëjëty koxtänë kyëtaktë ets tmënu'kxtaktë ja Tios, t'ënëmaaytyë: Tios mijts mëti'ipë juukyajtën myäjkpyën ets xymyooytyä'äy yë ja'ay, ¿tii tëkokyë yë ja'ay xytyimtukjoot'anpëjkta'ay ets tu'uk je'eyë mëti'ipë pokytyuunpën?

2 Crónicas 29:21

Wëxtujk ja tsajpkaa ojts tmënëjkxtë, wëxtujk ja tsajppax, wëxtujk ja kupixyny ets wëxtujk ja tsajppax mutskjatyëtypë ets yë'ë ja Wintsën tmo'oja'antë ma t'amëtowa'an tpëjktsowa'antën ja pokywyinmä'kxën ma ja yajkutujkpë ja jyëën tyëjkën, jyiiky myëku'ukën, y'u'unk y'ëna'kën ets ma ja tsajptëjkën ets ma tëkokyë ja Judá kajpnën. Ja yajkutujkpë yë'ë ja teetytyëjkëty tyuknipëjk ets ja wintsë'kën tyaktëty nino'oky nixämy jam ma ja Wintsën ja wyintsë'këntyaknën.

Levitico 1:3

Pën yë'ë tsajpkaa yakäämpy tä tu'uk yë wintsë'kënën, yë'ë yakëp yë oypyë mëkpë ets mëti'ipë kä'pxyën, jam tyaj'ookëty ma yajnitëkën yë wit tëjk ma näpyaatë y'ityën ets jam ja wintsë'kën tyakëty ets Wintsën tkupëkëty.

Levitico 1:10

Pën Tios mtukwintsë'këtyëp yë kupixyny ëkë ja tsajppax, yë'ë myaktëp yë yä'äypyë

Levitico 6:18

Jëtu'un xëmë y'itëty, nyaxëty ja xëëw jëmëjt, tëkokyë yë yä'äy'ëna'ktëjkëty mëti'ipë yë Aarón y'u'unk'ajtyp y'ëna'k'ajtypyën, jyëkyäptëp tjë'kxtëty ja ayajk ako'onën mëti'ipës ëjts yajmoopyën, mëti'ipë ja ayajk ako'onën nyo'ktëpën ma ja wintsë'këntyaknën mëti'ipë tyukwintsë'këtëp yë Wintsën. Oy tyimtiijëty mëti'ipë ya'atë ayajk ako'onën patëpën, wa'ats wyë'ëmëty.

Levitico 9:3

Tääts ja Israel ja'ayëty xy'ënëëmëty ets t'ëxta'atëty tu'uk yë tsajppax yä'äy mëti'ipë tyukwintsë'ëkëtëpën ja Tios mëëtkyëjxm ja poky ets tu'uk yë tsajpkaa ayääkë ets tu'uk yë kupixyny ayääkë mëti'ipë yë jyëmëjtëtyën tu'uk ets oyjyäty mëkjatyëty, yë'ëts yë Tios yajtukwino'ok yajtukwinxamëp.

Levitico 16:3

Yë Aarón ko jap tyëkëja'anëty tsajptëkoty, yë'ë mëpaat tmëtëkë tu'uk yë tsajpkaayä'äy ayääkë, mëti'ipë yë pyoky tyuknikëpäjtu'utëpën ets tu'uk yë kupixyny yä'äy mëti'ipë nyino'okëpën.

Levitico 16:5

Mäjtsk tmënëjkxëty ja tsajppax yä'äy, mëti'ipë ja Israel ja'ayëty tyuknikëpäjtu'utëpën ma ja nëë poky të tuntën ets tu'uk yë kupixyny yä'äy mëti'ipë nyino'okëpën.

Ezequiel 40:39

Ma ja tëjkwiinën mëti'ipë yajpatpën ma tëjkëtyaknën taxk ja kaaypyäjn jam kyiiynyë, mäjtskjaty pa'apa'a, jamts ja jëyujk tyajkëx'ooktë mëti'ipë wintsë'kën'ataanpën ets mëti'ipë ja poky kyunaxäämpyën.

Ezequiel 44:27

Ko jatëkok tyëkëtëty jap tsajptëkoty ets ja tuunk jatëkok tyajtu'uye'eya'antëty mëti'ipë tyuunk'ajtëpën, nëjkxëp tu'uk tyaktë yë wintsë'kën mëti'ipë nyëë pyoky tyukunaxtëpën. Ëjts Wintsën, ëjts jëtu'un ni'ënä'ämëp.