Levitico 4:21 - Biblia Mixe de Quetzaltepec

²¹ Tä ënät jam jëkäm tmënëjkxëty ya'atë tsajpkaa ëna'k ets jam tyaj'ooktëty, näjyëtu'un tä ja mëtu'ukpë ja tsajpkaajën. Jä'ä ko ya'atë yë'ë ja naax kajpn ja nyëë pyoky yajtukunajxp.

Levitico 4:21 ပူးပေါင်းရင်းမြစ်များ

Esdras 8:35

Ok, ja ja'ayëty tkë'ëyajktë ja wintsë'kën ma Tiosën, mëti'ipë ënäty të yaj'ëxwoptën ets ënäty tsumy matsy të yajmënëjkxtë wiink kajpn. Ojts tmëjjaw tkënu'kxyjyawëtë ko ënäty jatëkok të tpaatë ja nyaax kyajpnëty, paaty ojts ja Tios ja wyintsë'kën tmo'otë. Majkmäjtsk yë tsajpkaa tyaj'o'ktë, majkta'px majkmokx tu'uk yë tsajppax, tëkë'px majkmokx mäjtsk yë kupixyny ets majkmäjtsk yë tsajppax ayääkë. Yë'ë ojts yë nyëë pyoky tukunaxtë ya'atë jëyujk ooky, aak tsa'ay aak no'oky yë Tios tukwintsë'ëkëtë.

Éxodo 29:14

E ja nyitsu'utsy, ja nyi'ak ets ja tyi'iny, jëkäm nëjkx xynyino'oky, jä'ä ko ya'atë wintsë'kën yë'ë kyunajxyp ja nëë poky.

Ezequiel 45:22

Tu'uk nënjkx yë yajkutujkpë tyäky yë tsajpkaa ayääkë ets nyëë pyoky tukunaxëty ets näjyëtu'un ja naax kajpn ja nyëë pyoky,

Levitico 16:15

E ko jëtu'un t'ëktuunta'ajëty, ënät ja tsajppax ok tyaj'ookëty, mëti'ipë ja naax kajpn jyä'ä'ajtypyën, mëët ma ja poky këtyey tuuntëkoy tkajpxtëkoytyën. Ënät ja nye'pny jap tmënëjkxëty jap wit'atëëytyuk jëxkë'p, jap ma kaaxë yajpaatyën ets tuknixijkxëty ja kaaxë akë'ë ets ja jyëjp, jëtu'un tä ënäty të tunyën mëët ja tsajpkaa ne'pny,

Levitico 16:21

ets tpëjkta'akëty jam ja kyë'ë ma ja tsajppax ja kyëpajkën ets tmaaywyajtsta'ajëty tëkokyë ja Israel ja'ayëty ja y'ëxëëktu'un y'ëxëëk kajpxënëty, kyäjpxykyumëto'ownajxënëty ets nyëë pyokyëty. Jëtu'un'äämpy ja nëë poky jam tpëjktakta'ajëty ma ja tsajppax ja kyëpajkën ets tu'uk ja ja'ay tuknipëkëty mëti'ipë nëjkx tnajtsmatsën jam të'ëts itjotm.

Levitico 16:27

Ja tsajpkaa ets ja tsajppax mëti'ipë ënäty të wyintsë'kën'atën mëët ma ja poky yajtuny yajkäjpxyën, mëti'ipë ja nye'pny të yajmënëjkxtën jap ma tsajptëjkën ets ja pokymyä'kxën yajpaatëty, jam nëjkx yajmënëjkxtë kajpnpë'am, ja pyo'o, ja nyitsu'utsyëty ets ja tyi'iny jëtu'unyë nëjkx yajnino'kta'ay.

Levitico 4:13

Pën naax kajpn të pyokytyuny ma ka'ap t'aawëty tjotëtyën ets ka'ap pën të tnijawë ko jä'ä kyäjpxykyutëjtëp ja Wintsën ja y'ënä'ämën tyiyajtën ets jëtu'un të pyokytyëëmë'ëktë.

Levitico 4:20

Ko näjyëtu'un yajyakëty ya'atë tsajpkaa ëna'k tä ja mëti'ipë yajkë'ëyajkpën ko ja nëë poky yajtukunaxy. Jëtu'un'äämpy ja teety ja pokymyä'kxën tpaatëty mëti'ipë ja naax kajpn jyä'ä'atëpën ets ja nyëë pyokyëty yajnimä'kxtëty.

Levitico 6:11

Ënät ja wyit tjääntëkätsëty ets ja kuyjaam jam jëkäm tmënëjkxëty ma jam tsyëënëtën.

Levitico 6:23

Tëkokyë ja ayajk ako'onën mëti'ipë yë teetytyëjkëty yajktëpën, yajnino'kta'ajëp, jëtu'un ni pën mëpaat tkajë'kxy.

Levitico 8:17

Tëkokyë ja nyini'kx ja tsajpkaa tä yë nyipo'ojën nyitsu'utsyën, tyi'inyën, jam ojts ja Moisés tnino'kta'ay kajpnpë'am, jëtu'un tä ënäty ja Tios të tni'ënä'ämën.

Números 15:24

Pën ajotkumonë të xyjyä'äytyëkoytyë ets tëkokyë ja naax kajpn nän tëë tja'atyëkoy. Nikajpn tu'uk ja tsajpkaa u'unk xytyukwintsë'ëkëtëtyës, mëti'ipë mnino'oktëpën ets oy ja xu'kën jojkën jya'tëty ma ëjtsën, mëët ja nyi'aaypyajk nyi'ujts pajk mëti'ipë mëët yajtukmëyakën ets näjyëtu'un ja tsatym nyëë, mëti'ipë yë Tios të tni'ënä'ämën. Nëjkxëp ëpëky näjyëtu'un xytyukwintsë'ëkëtës tu'uk yë tsajppax mëti'ipë ja nëë poky kyunaxëpën.

Mateo 20:28

Jëtu'un ijxtëm ëjtsën, ka'apës yë'ëjëty të niminy etsës yë ja'ay xymyëtunëty, yë'ëjës të niminy etsës ja ja'ay nmëtunëty etsës nkëpätëty ja naaxwiinyëtë ja'ay ja nyëë pyoky.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

Hebreos 13:11

Ja teety wintsën ijty tëëyëp yajktëp ja jëyujk ne'pyny ma ja tsajptëkotën wäänë wa'atspë, mëti'ipë ja poky tyukunajxtëpën; je'eyëp ko tääpë jëyujk ooky jam ijty nëjkx tyajnitoytyë ma ja kajpn pa'ajën.