Levitico 4:20 - Biblia Mixe de Quetzaltepec

²⁰ Ko näjyëtu'un yajyakëty ya'atë tsajpkaa ëna'k tä ja mëti'ipë yajkë'ëyajkpën ko ja nëë poky yajtukunaxy. Jëtu'un'äämpy ja teety ja pokymyä'kxën tpaatëty mëti'ipë ja naax kajpn jyä'ä'atëpën ets ja nyëë pyokyëty yajnimä'kxtëty.

Levitico 4:20 ပူးပေါင်းရင်းမြစ်များ

Éxodo 32:30

Ënät komjëpom ja Moisés t'ënëmaay ja mayjyä'äy. Miitsëty mëj këjää ja poky mëti'ipë të xytyuntën. E ëjts tyamtsës jatëkok nëjkxa'an ma ja kopkën ma Tios jam yajpaatyën etsës nnijawëja'any pën n'ëkyajjotujkpyës yë Tios ets jeexyë myajpokmyä'kxtë.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Levitico 1:4

Ets tkëxkonëty yë kyë'ë ma ja tsajpkaa ja kyëpajkën jëtu'un yajkupëkëty, mëti'ipë ënäty tyukunaxäämpyën ja nyëë pyoky.

Levitico 12:8

Pën yë u'unktaak ka'ap nyäy'a'ixëty tjuyëty tu'uk yë kupixyny, jyëkyäpëp je'eyë mäjtsk tyakëty yë muuxy ets mäjtsk yë pak, tu'uk mëti'ipë nyino'okëpën ets tu'uk mëti'ipë yakëpën, tääts ja pokymyä'kxën tpaatëty. E ja teety yë'ë y'amëtowëp ja pokymyä'kxën mëët ja to'oxytyëjk ets ja to'oxytyëjk wyë'ëmëty wa'ats.

Levitico 14:18

Ja on mëti'ipë natëjkëpën, jä'ä tyukujaaxëp ma kyëpajkën, mëti'ipë ënäty ja näypyuj näjyä'ätsë tyuunpyën. Jëtu'un ja teety tpaatëty ja pokymyä'kxën Wintsën wintum ma tääpë ja'ay ja nyëë pyokyën.

Levitico 15:15

Tu'uk ja teety tyakëty mëti'ipë ja nëë poky tyukunaxëpën ets tu'uk mëti'ipë yajno'okëpën. Jëtu'un ënäty yajtuny, ma ja ja'ay ja näypyuj näjyä'ätsë tpaatyën Wintsën wintum, mëti'ipë ja myëjaaw tukjënajkëpën ma ja ye'etyëjk'ajtënën.

Levitico 19:22

Mëët ya'atë kupixyny yä'äy mëti'ipë ja ja'ay yäjkpyën, mëti'ipë tyukunajxpën ma ja Tiosën. Ja teety yë'ë mëët t'amëtowëty ja pokymyä'kxën ja Tios, jëtu'un'äämpy tääpë ja'ay yajpokymyä'kxëty.

Levitico 4:21

Tä ënät jam jëkäm tmënëjkxëty ya'atë tsajpkaa ëna'k ets jam tyaj'ooktëty, näjyëtu'un tä ja mëtu'ukpë ja tsajpkaajën. Jä'ä ko ya'atë yë'ë ja naax kajpn ja nyëë pyoky yajtukunajxp.

Levitico 4:26

Ets ja nyi'on jam tnino'ktaayëty ma ja wintsë'këntyaknën, jëtu'un tä näjyëtu'un yajtunyën ja wintsë'kën mëti'ipë yajyajkpën, ko ja nay'ëëw'oy näykyajpx'oyë y'ity. Jëtu'un'äämpy ja teety tpaatëty ja pokymyä'kxën, mëti'ipë jyä'ä'atëpën ja ja'ay mëti'ipë wintsën ijtpën ets ja pokymyä'kxën tpaatëty.

Levitico 4:35

Tääts ënät tnëtsujktaayëty ja y'on, jëtu'un tä të yajnëtsujkta'ayën ja y'on ja kupixyny mëti'ipë wintsë'kën'ajtpën, ko ja nay'ëëw'oy näykyajpx'oyë y'ity ets jam tnino'oktëty ma ja wintsë'këntyaknën, tu'kmukyë mëët ja ayajk ako'onën mëti'ipë nino'oky yajtukwintsë'këpën ja Tios. Jëtu'un'äämpy ja teety tpaatëty ja pokymyä'kxën, mëti'ipë ja ja'ay jyä'ä'atëpën mëti'ipë ënäty të pyokytyunyën ets ja nyëë pyoky jëtu'un yajmä'kxëty.

Levitico 4:8

Tääts nëjkx tnëtsujktaayë ja tsajpkaa on ma xyixyën ets ma ja tyiintyën mëti'ipë ënäty ja Tios të tukwintsë'ëkën.

Levitico 5:10

E ja mëmäjtskpë jä'ä nyino'okëp, ejxtëm ja nyitëyajtën myinyën; jëtu'un'äämpy ja teety paatëty ja pokymyä'kxën ma Tiosën, ko ënäty ja ja'ay të pyokytyuny ets nëjkx yajpokymye'kxy.

Levitico 5:13

Ets jëtu'un ja teety tpaatëty ja pokymyä'kxën, mëët ja ja'ay mëti'ipë ënäty të pyokytyunyën ets jëtu'un'äämpy nëjkx ja poky yajme'kxy. E pën yë'ëts ayajkën'ajtp ako'onën'ajtp ja aaypyajk ujtspajk, ko nyatëkëty ja teety ja jyä'ä'atëp.

Levitico 5:16

Ya'atë ja'ay kopkpëky ko jatëkok tkë'ëyakëty mëti'ipë ënäty të tonyën ets ëpëky tjaaknikëjuuypyätëty, tu'kpëky ma ja mëkoxkpën. Yë teety yë'ë nëjkx tmo'oy. Ja teety ënät nëjkx ja pokymyä'kxën tpaaty mëët ko ënäty të tyäky ja kupixyny ayääkë mëti'ipë wintsë'kën'ajtpën, mëti'ipë ja ja'ay jä'ä jyä'ä'atëpën, mëti'ipë ënäty të pyokytyunyën.

Levitico 5:18

Ya'atë mëpaat ja'ay jëtu'unpë tuny, yë'ë yakëp tu'uk yë kupixyny yä'äy yä'kpetypë mëti'ipë oyën mëkën ets kë'ëm xy'a'ixëty jënu'un ja jyëyujk tsyowpaaty. Ets tukninëjkxëty ja teety, mëti'ipë ja pyoky tyukuyäjkpyën. Ets jëtu'un'äämpy ja pokymyä'kxën tpaatëty ja ja'ay mëti'ipë ënäty të pyokytyunyën ajotkumonë ets ja nyëë pyoky nëjkxëp yajme'kxy.

Levitico 5:6

Ets ja Tios tu'uk tukwintsë'ëkëty yë tsyajppax to'oxypyë, mëët ko ënäty jëtu'un të pyokytyuny. Jyëkyejpy tyakëty tu'uk yë tsajppax ëkë tu'uk yë kupixyny, jëtu'un'äämpy ja teety tpaatëty ja pokymyä'kxën, mëti'ipë ja pokyjyä'äy jä'ä jyä'ä'atëpën.

Levitico 6:7

Ja teety nëjkxëp ja pokymyä'kxën tpaaty Wintsën wintum, mëti'ipë ja ja'ay jyä'ä'atëpën, tëëpë tyuuntëkoyën, mëti'ipë mëjëyëjp të yajnikäjpxyën; jëtu'un'äämpy ja nëë poky nëjkx yajme'kxy.

Números 15:25

Ënät ja teety tyakëty ja wintsë'kën ets ja pokymyä'kxën tpaatëty ja Israel ja'ayëty; jä'ä ko ka'ap tsyokyëty të pyokytyuntë ets tëë xymyo'otës ja y'ayajk y'ako'onënëty ets ja wyintsë'kënëty mëti'ipë ja pyokyëty të tukunaxtën.

Números 15:28

Yë teety yë'ë kyë'ëyakëp ja wintsë'kën, mëët ko tääpë ja'ay të pyokytyuny ets ja pokymyä'kxën tpaatëty.

Romanos 5:11

Ets ka'ap yi'iyëty tyaapë, näjyëtu'un ntuk'ijt ntukxo'onëm ja mëti'ipë ja Tios të tunyën Jesukristë mëët, jä'ä ko Jesukristë mëët të nämyë'oypyëjkëmë ja Tios.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënäty ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Hebreos 1:3

Yë'ë kyujäjpy kyutë'kxyp ets yajknikëxë'kpy ja Tios ja myëj'ajt y'oyajtën. Jëtu'un ijxtëm ja Tios Teety, tim näjyëtu'un ja y'u'unk, ja y'u'unk tu'kë'ëyë winë wyijts'ijtääpy mëët ja y'aaw y'ayuk mëk'ajtënmëëtpë. Ko të xyajpokywyatsëmë, tääts të nyaaxweetsy tsajpjotm Tios pyë'aay aka'any'äämpy.

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Tios wyintuuy y'itëty teety wintsën oypyë ets pa'ëyoopë ets ja Tios ja ja'ay tpokmyä'kxëty mëët ja wintsë'kën.

Hebreos 9:14

Pën jëtu'un, ni'ik ja Kristë ja nye'pyny. Jä'ä ko mëët ja Kënu'kxymyëkajtën xëmëkyëjxmëpë y'ityën, ojts ja Kristë nyäkyë'ëyäkyë ets wyintsë'kën'atëty ma Tiosën wa'ats pëk, ets ja nye'pny yë'ë yajwatsyp ja njoot'ajt nwinma'any'ajtëmë oy ënäty të njatu'unëmë mëti'ipë yaj'o'kpën, ets jëtu'un npatmëty ja juukyajtën.

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

1 Juan 2:2

Tëë ja Jesukristë y'ëyoy kruutskëjxm ets ja npoky'ajtëm yajmä'kxëty ets ka'ap yi'iyëty npoky'ajtëm, näjyëtu'un ni'ëmukë ja naaxwiinyëtë ja'ay.

Apocalipsis 1:5

ets näjyëtu'un ja Wintsën Jesukristë, mëti'ipë ja Tios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,