Levitico 4:2 - Biblia Mixe de Quetzaltepec

² Ënëëmë yë Israel ja'ayëty, ko pën pyokytyunëty ajotkumonë ets tkäjpxykyutëjëty ja ënä'ämën tëyajtën mëti'ipë ënäty ja Tios të tni'ënä'ämën yajpatunëty, ya'atë nëjkx tuntë:

Levitico 4:2 ပူးပေါင်းရင်းမြစ်များ

Génesis 20:9

Yë Abimélec ojts twoowtsoy ja Abraham ets t'ënëmaay: Ëk'ix tii ko jëtu'un të xytyunyës, tii mijts të ntukmëtuuntëkoy. ¿Tii ko ya'atë nëë poky të xymyëminy të xyajminy maas ëjts yë njëën ntëjkën ets maas tu'kë'ëyë nmëkunaax nmëkukajpnën? Ya'atë ka'ap jëtu'un tyuunpëty.

Salmos 19:12

¿Pën jëtää kë'ëm y'ëkja'awëy'ijtyp ko tii oy tkatuny? Wintsën, mä'kxkës yë ntuuntëko'oy nkajpxtëko'oyën mëti'ipë yu'utsy ijtpën.

Salmos 19:13

Jëpëk ma ya'atë mtuunpën yë amëj'ajt akëjxmajtën, ets këtii xy'ëwa'atsëty etsës amëj akëjxm nja'ay'atëty. Jëtu'unës ka'ap ëxëëk nyajpaatëty; nmëjëkäm'atëpës ja mëjpoky.

Eclesiastés 5:6

Këtii xykyupëkëty ets mwiin m'aaw myajtëkoyëtëty, këtiipë ok m'ëna'anëty ma ja Wintsën ja kyäjpxynyajxpën: tëëjës ntëkoy. Këtii nëkoo Tios je'eyë xyajjoot'anpëkëty këtiipë tyajkutëkoyëty mëti'ipë të xy'oytyunyën.

Levitico 22:14

Pën nëkoo jyi'kxyp ya'atë ka'ayën ukën, mëti'ipë wa'atsën, kopkpëky ko tmooytyëkatsëty ja teety, mëti'ipë ënäty të tjë'kxyën ets ëpëky tjaakyakëty jatu'kpëky ma ja mëkoxkpëkpyën.

Levitico 4:1

Ënät ja Tios ojts tmëkäjpxy ja Moisés ets t'ënëmaay:

Levitico 4:13

Pën naax kajpn të pyokytyuny ma ka'ap t'aawëty tjotëtyën ets ka'ap pën të tnijawë ko jä'ä kyäjpxykyutëjtëp ja Wintsën ja y'ënä'ämën tyiyajtën ets jëtu'un të pyokytyëëmë'ëktë.

Levitico 4:22

Ko tu'uk yë wintsën pyokytyunëty ets jä'ä tunëty mëti'ipë ka'ap ja ënä'ämën tëyajtën tyajkutukyën, mëti'ipë yë Wyintsën Tios ënäty të tni'ënä'ämën, pokymyëët wyë'ëmëty, oy ënäty tsyokyëty kya'ëtë'ëtsy.

Levitico 4:27

Pën tu'uk yë ëyoopëja'ay pokytyuunp ets ka'ap jëtu'un t'aawëty tjotëty ets pokymyëët wyë'ëmëty, mëët ko ënäty të tuny mëti'ipë ja Wintsën ja y'ënä'ämën tyiyajtën yajkupojkpyën.

Números 35:11

Nëjkxëp ëpëky xykyojtë yë naax kajpn mëti'ipë tsoktaknën, ma tpaatëtyën yë käktsokn mëti'ipë ënäty yë myëku'uk ajotkumonë të tyaj'ookyën ets ka'ap tsyokyëty të tuny.

Deuteronomio 19:4

Pën ënäty ja myëku'uk të tyaj'ooky, jyëkyäpëp jam kyäktso'okëty, pën ka'ap ënäty tsyokyëty tuny ets ka'ap ma ja myëku'uk të tmëjëën'aty të tmëtsip'aty.

1 Timoteo 1:13

oyës ënäty ëxëëkjaty nnikäjpxy nimëtyä'äky ja Tios etsës n'ixjëtity npajëtity ja Jesús ja myëpëjkpëtëjk. E ojtsës ja Tios xypya'ëyoy, jä'ä ko ka'anëm ënäty nmëpekyës ets ka'anëmës ënäty nnijawë tiis ntuunpy.

Hebreos 5:2

Jä'ä ko näjyëtu'un ja teety wintsën pyokyjyä'äy'atë, jyëkyejpy tpa'ëyowëty mëti'ipë kyanija'awëtëpën ets mëti'ipë tëkooytyëpën.

Hebreos 9:7

Ma ja mëmäjtskpë ja tëkotën yi'iyë teety jap tëjkëp winjëmëjt; ko jap tyëkë myënëjkxyp ja jëyujk ne'pyny ets ja pyoky tukunaxy ets ja mayjyä'äy ja pyoky näjyëtu'un mëti'ipë tyuuntëpën oy jëtu'un tkatuknipëjktaakëtë.

Santiago 3:10

Aawjoty pyëtsimy ja ayuk ko ja'ay oy yajnikäjpxy ets ko ja'ay yajkajpxpoky. Mëku'uktëjkëty, ka'ap jëtu'un y'oyëty.

1 Samuel 14:27

E yë Jonatán mëët ko ënäty ka'ap të tmëtoy wi'ix ja tyeety të t'ënëëmën ja tsiptuunpëtëjk, ojts ja tjë'kxy ja uuxpa'ak ets jëtu'un'äämpy jatëkok myëjaawpëjky.