Levitico 4:15 - Biblia Mixe de Quetzaltepec

¹⁵ Ma ja mëjja'aytyëjkëty tkëxkontëtyën ja kyë'ë ma ja tsajpkaa ayääkën ja kyëpajkën, jam ma ënäty yajpaatën Tios wintum, tëëjës ënäty jëtu'un tuntë, tääts jämyë tyo'kumtëty.

Levitico 4:15 ပူးပေါင်းရင်းမြစ်များ

Levitico 1:4

Ets tkëxkonëty yë kyë'ë ma ja tsajpkaa ja kyëpajkën jëtu'un yajkupëkëty, mëti'ipë ënäty tyukunaxäämpyën ja nyëë pyoky.

Números 11:25

Ënät ja Tios ojts jatëkok jap kyëtä'äky yootsjoty ets mëët ja Moisés myëtyäky. Ojts tpëky wäänë ja mëk'ajtën oyajtën ma ja Moisésën ets tmooy jä'ä ja mëjja'aytyëjkëty ja nitëkë'px majkpë. Ko ojts ja mëk'ajtën oyajtën tyukja'tëtë ja mëjja'aytyëjkëty, ënät tyëjkëtyë mëtyakpë tä jeexyë kyäjpxynyajxpë'atën. Je'eyë jëtu'un ets ka'ap ojts ok y'ëkkajpxnëtë.

Números 11:16

Ënät ja Tios y'ëtsoowë: Yajtu'ukmuk nitëkë'px majk yë mëjja'aytyëjk Israel ja'ayëty, mëti'ipë m'a'ijxëpën ko mëj'äämpy y'itë ma ja kajpnën. Ets xywyoowminëty ma wit tëjkën ma näpyaatë y'ityën mëët yë Tios. Jam y'ëwxitëty mëët mijts.

Números 8:10

Tääts nëjkx yë Leví ja'ayëty ëjts xywyinkuwa'akëtë ets nitëkokyë yë Israel ja'ayëty nëjkx yë kyë'ë tkëxkoonta'atë ma Leví ja'ayëty yë kyëpajkëtyën.

Levitico 16:21

ets tpëjkta'akëty jam ja kyë'ë ma ja tsajppax ja kyëpajkën ets tmaaywyajtsta'ajëty tëkokyë ja Israel ja'ayëty ja y'ëxëëktu'un y'ëxëëk kajpxënëty, kyäjpxykyumëto'ownajxënëty ets nyëë pyokyëty. Jëtu'un'äämpy ja nëë poky jam tpëjktakta'ajëty ma ja tsajppax ja kyëpajkën ets tu'uk ja ja'ay tuknipëkëty mëti'ipë nëjkx tnajtsmatsën jam të'ëts itjotm.

Levitico 8:22

Tä ja Moisés ojts tni'ënä'ämë ets wiinkpë ja kupixyny yä'äy tyajmintëty, mëti'ipë yajyakëpën ets ja näkyënu'kxë tpaatëty ja Aarón ets ja y'u'unk y'ëna'k ets jam ja kyë'ë tkëxkoontë ma ja kupixyny yä'äy ja kyëpajkën.

Levitico 8:14

Tä ojts ja Moisés tni'ënä'ämë ets ja tsajpkaa tyajmintëty mëti'ipë wintsë'kën'atëpën mëëtkyëjxm ja nëë poky. Tä ja Aarón ets ja y'u'unk y'ëna'k jam ja kyë'ë tkëxkoontë ma ja tsajpkaa ja kyëpajkën.

Levitico 4:4

Jam tmënëjkxëty Tios wintum, ma ja wit tëjk yajnitëkën, ma ja Tios mëët ja näpyaatë y'ityën, jamts tkëxkonëty ja kyë'ë ma ja tsajpkaakëpajkën, tääts ënät ok tyo'kumëty.

Éxodo 24:9

Tä ojts ja Moisés pyety jam kopkkëjxm mëët ja Aarón, Nadab ets Abihú ets mëët näjyëtu'un nitëkë'px majk ja mëjja'aytyëjkëty mëti'ipë nyimëjja'ay'ajtëpën ja Israel ja'ayëty.

Éxodo 24:1

Ënät ja Tios t'ënëmaay ja Moisés: Pät jam maas tyam nyajpaata'anyën, mëët yë Aarón, Nadab ets Abihú ets mëjja'aytyëjkëty oy nitëkë'px majkën, mëti'ipë nyimëjja'ay'ajtëpën yë Israel ja'ayëty, najëkämtëkë mtänëtëty ets mnäkyoxtënaaytya'akëtëty.

Levitico 1:3

Pën yë'ë tsajpkaa yakäämpy tä tu'uk yë wintsë'kënën, yë'ë yakëp yë oypyë mëkpë ets mëti'ipë kä'pxyën, jam tyaj'ookëty ma yajnitëkën yë wit tëjk ma näpyaatë y'ityën ets jam ja wintsë'kën tyakëty ets Wintsën tkupëkëty.

Levitico 4:16

Ënät ja teety kyopk wäänë tmënëjkxtëty ja ne'pny jap ma ja wit tëjkën ma ja näpyaatë y'ityën mëët yë Tios.

Levitico 8:18

Moisés ojts näjyëtu'un tni'ënä'ämë ets twijtsmintëty ja kupixyny yä'äy yä'kpetypë mëti'ipë yajnino'kpën, tä ja Aarón ets ja y'u'unk y'ëna'k jam ja kyë'ë tkëxkoontë ma ja kupixynykyëpajkën.

Números 8:12

Ënät ja Leví ja'ayëty näjyëtu'un jam ja kyë'ë tkëxkontëty ma ja nimäjtskpë ja tsajpkaa ja kyëpajkën, tu'uk nëjkx wyintsë'kën'aty ma ja nëë poky tkunaxëtyën ets tu'uk nëjkx yajnino'oky ets ja wa'atsajtën tpaatëty ja Leví ja'ayëty.

2 Crónicas 29:23

E ja tsajppax mëti'ipë ënäty ja nëë poky kyu'ookëjäämpyën, ojts tukninëjkxtë ja yajkutujkpë ets ja ja'ayëty, e yë'ëjëty jam ja kyë'ë tkëxkoontë ma ja tsajppax ja kyëpajkëtyën.