Levitico 4:13 - Biblia Mixe de Quetzaltepec

¹³ Pën naax kajpn të pyokytyuny ma ka'ap t'aawëty tjotëtyën ets ka'ap pën të tnijawë ko jä'ä kyäjpxykyutëjtëp ja Wintsën ja y'ënä'ämën tyiyajtën ets jëtu'un të pyokytyëëmë'ëktë.

Levitico 4:13 ပူးပေါင်းရင်းမြစ်များ

Esdras 10:19

ojts y'ëna'antë ko y'ëxmatsantëp ja tyo'oxytyëjkëty mëti'ipë ka'ap ja Wintsën t'ëwtatën ets ko ënäty tu'uk ja tsajppax ëna'k nyätyukniyajktu'uta'anëtë ko të pyok tyuntë.

Salmos 19:13

Jëpëk ma ya'atë mtuunpën yë amëj'ajt akëjxmajtën, ets këtii xy'ëwa'atsëty etsës amëj akëjxm nja'ay'atëty. Jëtu'unës ka'ap ëxëëk nyajpaatëty; nmëjëkäm'atëpës ja mëjpoky.

Ezequiel 45:22

Tu'uk nënjkx yë yajkutujkpë tyäky yë tsajpkaa ayääkë ets nyëë pyoky tukunaxëty ets näjyëtu'un ja naax kajpn ja nyëë pyoky,

Oseas 5:15

Etsës jatëkok nwinpita'any maas n'ityën, koonëm yë pyoky kë'ëm tja'awëy'itëty ets xy'ixta'atëtyës. Jam ma ënäty jë'ë ya'ax yajpaatën, jamës nëjkx xy'ixta'atë.

Levitico 16:5

Mäjtsk tmënëjkxëty ja tsajppax yä'äy, mëti'ipë ja Israel ja'ayëty tyuknikëpäjtu'utëpën ma ja nëë poky të tuntën ets tu'uk yë kupixyny yä'äy mëti'ipë nyino'okëpën.

Levitico 4:21

Tä ënät jam jëkäm tmënëjkxëty ya'atë tsajpkaa ëna'k ets jam tyaj'ooktëty, näjyëtu'un tä ja mëtu'ukpë ja tsajpkaajën. Jä'ä ko ya'atë yë'ë ja naax kajpn ja nyëë pyoky yajtukunajxp.

Levitico 5:17

Ko yë ja'ay yë Wintsën yë y'ënä'ämën tyiyajtën tkumëtoownaxëty, oy jëtu'un tkamay tkatajy, yë'ë pokymyëëtëmëtën je'eyëm wyë'ëmëty.

Levitico 6:4

pokymyëët nëjkx wyi'imy ets nëjkxëp tyajkta'ay winë jënu'un tä ënäty ja myëku'uk tii të tpëjkën, të tonyën ëkë të tpaatyën,

Números 15:22

Ko ajotkumonë xyjyä'äytyëkoytyëty ets ka'ap xy'ëkyajknëtëty ya'atë ayajk ako'onën, mëti'ipës yë Moisés ntuk'ënä'ämën ets miits xyaktëty.

1 Corintios 11:27

Jëtu'un, ko pën tkayëty t'uukëty ya'atë tsajpkääky ëkë ya'atë uuky ets ka'ap twinkutsë'ëkë, yë'ë ënäty ja Wintsën ja nyi'kx kyopk myëtëkoopy.

1 Timoteo 1:13

oyës ënäty ëxëëkjaty nnikäjpxy nimëtyä'äky ja Tios etsës n'ixjëtity npajëtity ja Jesús ja myëpëjkpëtëjk. E ojtsës ja Tios xypya'ëyoy, jä'ä ko ka'anëm ënäty nmëpekyës ets ka'anëmës ënäty nnijawë tiis ntuunpy.

Josue 7:11

Yë Israel ja'ayëty poky të tuntë, jä'ä ko ka'ap të tmëjpëjkta'aktë ja käjpxytyu'unën. Tëë tmënëjkxtë ma jyëën tyëjkëtyën mëti'ipës ënäty të ntuknipëjktaakën xyajkutëkoytyëty, tëë tontë tmäätstë ets t'apëjkmuktë mëët ma winë tyaj'itën mëti'ipë jyä'ä'ajtëpën.