Levitico 3:9 - Biblia Mixe de Quetzaltepec

⁹ Pën yäjkpyën ja tsyajpkaayä'äy ëkë tsyajpkaato'oxy ets tuna'any ja nay'ëëw'oy näykyajpx'oyë, yë'ë yajnitoyëp ets tmo'ojëty ja Tios ja y'on ets ja pyi'ixy mëti'ipë ënäty nyëtsujkëp ma ja jyëwiitsën ets ja nyi'on mëti'ipë jam nyëtsujkëpën ma ja tyiintyën,

Levitico 3:9 ပူးပေါင်းရင်းမြစ်များ

Levitico 9:19

Ojts näjyëtu'un myo'ojëtë ja tsajpkaa on ja tsajppax'on ets ja pyi'ixy ets ja on mëti'ipë yajpatpën ma ja tsajpkaa moxën, ma ja myëjtiintyën ets ma ja myäätsën.

Éxodo 29:22

Tëkokyë y'on xyajjënajktaayëty mëti'ipë myëët'ajtypyën ma pyi'ixyën, ma tyiintyën ets ma jyotën; pëjkë näjyëtu'un mäjtskpë yë myëjtiinty ets y'on mëti'ipë nëkëjxy nyijuux'ajtypyën, näjyëtu'un ma ja pyuuyën a'oypyë, paatykyëjxm yajyäky ya'atë kupixyny yä'äy mëët ko ja teetyëjk ënäty yajkënu'kxtë.

Isaías 53:10

Ja Wintsën ojts mëk yaj'ëyoyë mëët ja pëjkën ijxën. E yë'ëkyëjxm ko nyäkyë'ëyajkë tä tu'uk wintsë'kënën, winë xëëw winë jëmëjt jyuuky'ata'any ets y'ixäämpy ja y'u'unk y'ok, mëët yë'ëkyëjxm nëjkx oy wyimpëtsëmy jyëjpëtsëmy mëti'ipë ja Wintsën të tuknipëjktaakën.

Proverbios 23:26

U'unk maay, pëjkta'ak yë mjot mwinma'any ma ëjtsën, ets m'oy'ixëp mëti'ipës ntuuntäkpy nkajpxtäkpyën.

Levitico 8:25

Ënät ja Moisés ojts tpëjkta'ay ja on mëti'ipë jamën ma ja pyi'ixyën, ma ja myoxën, ma ja myäätsën, ma ja myëjtiintyën ets mëti'ipë jamën ma ja myoxpa'ajën.

Levitico 7:3

Tëkokyë ja y'on mëti'ipë jam yajnëtsujkpën ma pyi'ixyën, ma tyiintyën,

Levitico 17:5

Ya'atë paatykyëjxm yajnikäjpxy ets Israel ja'ayëty tukwintsë'ëkëtëty ja Wintsën yë jëyujk mëti'ipë ënäty muum wintë'ëtstuuy yaj'o'ktëpën ets tukninëjkxtëty yë teety ma yajnitëkën ja wit tëjk ma näpyaatë y'ityën ets yë'ë tukwintsë'ëkëty yë Wintsën mëët yë'ëkyëxm ko ënäty tuna'antë ja nay'ëëw'oy näykyajpx'oyë.

Números 7:88

Ja jëyujkëty mëti'ipë ojts wyintsë'kën'atën ets ja näy'ëëw'oy näykyajpx'oyë y'ity, jä'ä ojts nyiwinë'atë: i'px majktaxk yë tsajpkaa, tëkë'px yë tsajpkaa u'unk, tëkë'px majk yë tsajppax ets tëkë'px yë kupixyny mëti'ipë yë jyëmëjtëtyën tu'uk. Ya'atë jëtu'un ojts y'ayajkën'aty y'ako'onën'aty, ko ja wintsë'këntyakn ojts yajkënu'kxy.

1 Samuel 10:8

Ets ënät jam mnëjkxëty ok Guilgal, jamts näpyatëmëty ets ja Wintsën ja wyintsë'kën yajmo'ojëty tu'ukmukyë mëti'ipë yajyajkpën, ko ja nay'ëëw'oy näykyajpx'oyë mëët y'ity. Jam m'ëwxitëty oy wëxtujk xëëwën, koonëmës nja'tëty eets ntuk'ëwaanëty tii mtunëpën.

2 Samuel 6:17

Ja Wintsën ja kyaaxë jap ojts yajpëjktä'äky ma të yajnipëjktaakën, ma tu'uk ja wit tëjkën mëti'ipë ënäty ja David të tuknikojën. Ënät ja David ojts tyäky ja wintsë'kën ma Wintsënën, tyajnitooy ja tsajpkaa kanaak, ma t'ëëwkëxy tkajpxkëxyën ja tsip äkë mëët ja Wintsën,

1 Reyes 3:15

Ko ja Salomón ojts myä'äywyijy, tääts nyäjya'awëyë ko wiinkumaaptëm ënäty. E ko jam jyä'äjty Jerusalén, ënätyë ojts nyijkxy ma ja Wintsën ja kyaaxën ets ja Wintsën tmooy ja wyintsë'kën ma ja näy'ëëw'oy näykyajpx'oyë tuunyën. Ënät tyajkaaytyääy tyaj'uktaay tëkokyë ja tyuunpëtëjk ets ja wyintsëntëjk.

1 Reyes 8:63

Salomón jä'ä Wintsën tukwintsë'këy i'px mäjtsk mil ja tsajpkaa ets mëko'px ja i'px mil ja kupixyny, tyaktë jëtu'un ja wintsë'kën mëët ko yajtuny ja nay'ëëw'oy näykyajpx'oyë. Tääts ja yajkutujkpë ets ja Israel ja'ayëty tkënu'kxtaaytyë ja tsajptëjk mëti'ipë ënäty të kyoj'apaatën.

1 Reyes 8:64

Jä'ä xëëw ja yajkutujkpë ojts tkënu'kxy ja tëja'aw mëti'ipë yajpatpën tsajptëjkwintuuy, ma tyäjkyën ja wintsë'kën mëti'ipë yajtukuyajkpën ja nay'ëëw'oy näykyajpx'oyë, tä ja ujts pajkën ets ja jëyujk onën, paaty jää tyäjky ma ja tsajptëjk tëja'awën jä'ä ko ja wintsë'këntyakn mëti'ipë oytyunyën mëët ja tsuxkpujxn mëti'ipë jap tëkotyën, mutsk ënäty, ka'ap pyäjta'ay ja wintsë'kën, tä ujts pajkën ets ja tsajpkaa onën mëti'ipë nätyukuyajkëpën ja naax kajpn ma ja nay'ëëw'oy näykyajpx'oyë tuntën mëët ja Wintsën.

1 Crónicas 16:1

Ja kaaxë ojts ja yajmënëjkxy ets ojts yajpëjktä'äky ma tu'uk ja wit tëjkën mëti'ipë ënäty David të tnipëjktaakën. Ko jëtu'un y'ëkwintu'upëjktaay, tä ja wintsë'kën ojts tyaktë mëti'ipë nino'oky nixämyën ets mëti'ipë yajyajkpën ko ja nay'ëëw'oy näykyajpx'oyë y'ity mëët ja Tios,