Levitico 3:3 - Biblia Mixe de Quetzaltepec

³ Pën ja Tios tyukwintsë'ëkëjäämpy ja tsajpkaa ets tuna'any ja nay'ëëw'oy näykyajpx'oyë, yë'ë nyino'okëp yë tsajpkaa on mëti'ipë ënäty jam mnëtsujkpyën ma ja myoxën ets ma ja myëj tiintsyën.

Levitico 3:3 ပူးပေါင်းရင်းမြစ်များ

Salmos 119:70

Yë'ëjëty tëë yë jyot wyinma'any jyo'ptaaynyëtë, e ëjts ntukxoontäkpyës mëti'ipës mijts xytyukni''ijxëpën.

Éxodo 29:13

Ja tyiinty, ja jyot, ja myääts mjëpëjktaayëp ets ja y'on jam xynyino'okëty ma wintsë'këntyaknën.

Éxodo 29:22

Tëkokyë y'on xyajjënajktaayëty mëti'ipë myëët'ajtypyën ma pyi'ixyën, ma tyiintyën ets ma jyotën; pëjkë näjyëtu'un mäjtskpë yë myëjtiinty ets y'on mëti'ipë nëkëjxy nyijuux'ajtypyën, näjyëtu'un ma ja pyuuyën a'oypyë, paatykyëjxm yajyäky ya'atë kupixyny yä'äy mëët ko ja teetyëjk ënäty yajkënu'kxtë.

Proverbios 23:26

U'unk maay, pëjkta'ak yë mjot mwinma'any ma ëjtsën, ets m'oy'ixëp mëti'ipës ntuuntäkpy nkajpxtäkpyën.

Isaías 6:10

Jëtu'unyë ja naax kajpn nëjkx xyajwinkumon xyajjotkumonë, wiinkutsum wiinkumotsëpën nëjkx yajpaatë ets ka'ap nëjkx jyä'äkyukë, oy tii tja'ix tjamëtowtëty, ka'ap nëjkx t'ijxkuk tja'akyukëtë.

Ezequiel 36:26

etsës mpëjkta'aka'any ma miitsëtyën jemypyë jot ja'awën ets jemypyë jot winma'any. Njuutäämpyës ma miitsëtyën tääpë juunpë jot ja'awën, jëtu'unpë jyuunëtyën tä tsaajën etsës mpëjkta'aka'any yu'unkpë jot ja'awën.

Ezequiel 44:15

Yë teetytyëjkëty, Leví ja'ayëty, yë Sadoc yë y'ok'u'unk y'ok'ëna'k, mëti'ipë ojts ka'ap yë tyuunk t'ëxmatstën maas yë ntsajptëjkën oy ja Israel ja'ayëty ojts jyanäyajtu'utëkatsëtë, yë'ëjëty patëtëp etsës xynyimintëty ets xymyëtuntëtyës. Mëpaat xymyëwinkontës ets xytyukwintsë'ëkëtëtyës yë jëyujk on ets jëyujk ne'pny. Ëjts Wintsën, ëjts jëtu'un ni'ënä'ämëp.

Levitico 1:12

Ënät ëpëkyjyäty tpëktakta'ajëty ja jëyujk'ooky ets ja teety jam tkëxma'kxëty ma ja wintsë'këntyaknën, mëët ja jëyujk këpajk, ja tyiinty ets ja y'on.

Levitico 1:8

Jamts tpëjkta'aktëty ja tsu'utsy mëti'ipë të yajtsujktä'äkyën, ja kyëpajk, y'on ets tyiinty.

Levitico 16:25

Ja wintsë'kën ja nyi'on jam tnino'kta'ajëty ma wintsë'këntyaknën.

Levitico 3:16

Ja teety yë'ë nëjkx tnino'oky tëkokyë ya'atë ma wintsë'këntyaknën, tu'uk ja jë'kxy pëky mëti'ipë ja Tios yajtukwinno'kp yajtukwinxaanpën oypyë xyuukyën, tu'kë'ëyë ja on Tios jyä'ä'ajta'ajëp.

Levitico 3:2

Pën ja ayajk ako'onën yäjkpyën jam ja kyë'ë tkëxkonëty ma ja tsajpkaa ja kyëpajkën mëti'ipë ënäty ja Tios tyukwintsë'këpën ets jam tyo'kumëty ma ja wit tëjk yajnitëkën, ma ja Tios jap kyëtä'äkyën; ënät ja teetytyëjkëty jam txijkxjëtitëty ja tsajpkaa ne'pny ma ja wintsë'këntyakn ja pya'ajën.

Levitico 3:4

Ja nyi'on mëti'ipë jamën ma mäjtskëty ja myëjtiintyën mëti'ipë anëkëjxy yajpatpën ma ja pyuuyxyixy y'ityën ets näjyëtu'un ja on mëti'ipë nyiwits'ajtypyën ja myääts, tu'ukyë yajnëtsukëty mëët mäjtskëty ja myääts.

Levitico 4:10

jëtu'un tä ja tsajpkaa yajpëjkën ja jyä'ä, ko yajyäky ma Tiosën, mëët ko ja nay'ëëw'oy näykyajpx'oyë y'ity. Tääts ja teety ënät jam tno'okëty ma ja wintsë'këntyaknën ma ja jëyujk nyitoytyën.

Levitico 7:30

Kë'ëm mëpaat tmënëjkxy yë ayajk ako'onën mëti'ipë të tno'okyën jam ma Tiosën, tä ja jëyujk'onën mëti'ipë kyätykyijxy të tyajjënajkën ets jëtu'un yajmo'ojëty ja Tios tä tyu'unën'atyën.

Levitico 7:5

Ënät ja teety tnino'okëty ma ja wintsë'këntyaknën ets ja Tios jä'ä yajtukwintsë'ëkëty. Ya'atë ayajk ako'onën yë'ë yajtukniyajkëp ko ënäty pën tii poky tmëëtëty.

Levitico 9:10

E ja jëyujk ojts tnino'oky jam ma ja wintsë'këntyaknën, mëët ja tyiinty ets ja on mëti'ipë nyiwits'ajtypyën ja myääts. Jä'ä jëtu'un ja jëyujk mëti'ipë ënäty wintsë'kën'ataanpën mëët pokykyëjxm, jëtu'un tä ënäty ja Tios të tni'ënä'ämën.

Mateo 13:16

E miitsëty akujk jotkujk myajpaatë, jä'äkyëjxm ko ja mwiin xytyuk'ixtë ets ko ja mtatsk xytyukmëtowtë.

Mateo 15:8

Winkë'ëy akë'ëyës ya'atë ja'ay xywyintsë'ëkëtë; yë jyot wyinma'anyëty jëkäm yajpaaty.

Romanos 5:5

Ya'atë mëpëjkën ka'ap maa tëkatsy xyajwë'ëmëty, jä'ä ko yë Tios tëë xymyo'oyëm ja tsyojkën jya'awën ma njoot'ajt nwinma'any'ajtëmën mëët ja kënu'kxymyëk'ajtën.

Romanos 6:6

Nnija'awëm ko ëëtsajtëm ëxëëk ijty njuuky'ajtëmë, e tëë ja njuukyajtën'ajtëm mëët tu'ukyë ja Kristë kyëruutspety, ets jëtu'un kyutëkoyëty ja ëxëëk winma'any ets ka'ap ja poky xy'ëktëytyu'unënëty,

Deuteronomio 30:6

Nëjkxëp jap tpëjktä'äky ja oy'aaw oy'ayuk ma ja mjot mwinma'anyëtyën ets ma ja m'u'unk m'ok ja jyot wyinma'anyëtyën. Yë'ë nëjkx tu'ukyë xytsyoktë xyjyawëtë winë aaw winëjot, tu'ukyë jot tu'ukyë winma'any ets nëjkx jotkujk mjuuky'ajnëtë.

1 Samuel 2:15

Näyjyëtu'un ma ënäty ka'ap tnino'oktën ja on jam ma wintsë'këntyaknën, tä ijty myiny tu'uk ja teety ja tyuunpë ets t'ënëëmë ja mëti'ipë ja wintsë'kën yakäämpyën: Mooykyës wäänë yë tsu'utsy wä'änës yë teety ntsaayë, yë'ë tsyojkpy. Jä'ä ko yë'ë ka'ap ënät tkupëkëty jëtu'un kë'ëw, jëtu'unyë tsoky tsuxk.