Levitico 3:2 - Biblia Mixe de Quetzaltepec

² Pën ja ayajk ako'onën yäjkpyën jam ja kyë'ë tkëxkonëty ma ja tsajpkaa ja kyëpajkën mëti'ipë ënäty ja Tios tyukwintsë'këpën ets jam tyo'kumëty ma ja wit tëjk yajnitëkën, ma ja Tios jap kyëtä'äkyën; ënät ja teetytyëjkëty jam txijkxjëtitëty ja tsajpkaa ne'pny ma ja wintsë'këntyakn ja pya'ajën.

Levitico 3:2 ပူးပေါင်းရင်းမြစ်များ

Éxodo 29:10

Ok xymyënëjkxëty ja tsajpkaa ëna'k ma ja wit tëjkën ma ja näpyaatë y'ityën. Ets ja Aarón mëët ja y'u'unk y'ëna'k, ënät jam ja kyë'ë tkëxkontëty ma ja jëyujk këpajkën.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

Hechos 3:26

Ko ja Tios tyajjuukpyijky ja y'u'unk, jëyëjp ojts miits mtuknikäxëtë ets mkënu'kxëtëty ets xy'ëxmatstëty ja m'ëxëëktu'un m'ëxëëk kajpxënëty.

Hechos 3:15

Jëtu'un xyaj'o'ktë mëti'ipë ja juukyajtën xymyo'oyëmën. E ja Tios tëë yajjuukpyikyë ets ëëtsëty tëëjës kë'ëm ntimy ixtë.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënät nëjkx t'ijxpaatë ja mëti'ipë ënäty të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Isaías 53:6

Ëëtsajtëm jëtu'unyë ojts axit ako'owë njajta'ayëmë tä kupixynyën, xim yam ja në'ë tu'u ojts npëjkëmë; e yë Wintsën yë'ë ojts tkexy ja tyuunpë ets jam tkëxpëjktaay ma yë'ëjën ja npoky'ajtëmë.

Levitico 8:22

Tä ja Moisés ojts tni'ënä'ämë ets wiinkpë ja kupixyny yä'äy tyajmintëty, mëti'ipë yajyakëpën ets ja näkyënu'kxë tpaatëty ja Aarón ets ja y'u'unk y'ëna'k ets jam ja kyë'ë tkëxkoontë ma ja kupixyny yä'äy ja kyëpajkën.

Levitico 1:11

ets xyo'kumtëty anëkëjxytsyow ma ja wintsë'këntyaknën, jam Wintsën wyintum. Yë Aarón yë y'u'unk y'ëna'këty mëti'ipë teety'ajtëpën yë'ë myënëjkxtëp ja ne'pny ets txijkxjëtitëty ma ja wintsë'këntyakn ja pya'ajën.

Éxodo 29:11

E jam Tios wintum ma ja wit tëjk yajnitëkën, jam ja tsajpkaa ëna'k xyaj'ookëty.

Éxodo 29:16

tääts ënät xyaj'ookëty, e ja nyine'pny jam xyijkxjëtitëty ma wintsë'këntyaknën.

Levitico 3:3

Pën ja Tios tyukwintsë'ëkëjäämpy ja tsajpkaa ets tuna'any ja nay'ëëw'oy näykyajpx'oyë, yë'ë nyino'okëp yë tsajpkaa on mëti'ipë ënäty jam mnëtsujkpyën ma ja myoxën ets ma ja myëj tiintsyën.

Levitico 3:8

Jam ja kyë'ë tkëxkonëty ma ja kupixyny ja kyëpajkën ets ënät ok tyo'kumëty jam wintum ma ja wit tëjkën ma Tios kyëtä'äkyën, tääts ja teetytyëjkëty txijkxjëtitëty ja ne'pny ma ja wintsë'këntyakn ja pya'ajën.

Números 18:17

E pën yë'ë yë tsajpkaa yë kyä'äxkopk, këtii xy'ëwa'atsëty ets pën tjuuypyëtsëmëty, oy yë'ëjëty yë tsajppax ëkë kupixyny. Jä'ä ko yë'ëjëty ëjts yë xypyatp, paaty kopkpëky yë'ë ets xyaj'ookëty. Yë nye'pny jam xyijkxjëtijtëty ma wintsë'këntyaknën, yë y'on mnino'okëp ets yë'ë y'ayajkën'at y'ako'onën'atëty mëti'ipë oy xuukëpën jokëpën ëjts nwintuuyës.

Éxodo 29:15

Mëjwits tu'uk yë kupixyny yä'äy yä'kpetypë ma jam nimäjtsk tyänëtën ets xymyëjwowëty yë Aarón mëët ja y'u'unk y'ëna'k ets jam ja kyë'ë tkëxkontëty ma ja kupixyny ja kyëpajkën,

Éxodo 29:19

Mëjwits ënät näjyëtu'un ja wiinkpë ja kupixyny ets jam ja kyë'ëjëty tkëxkontëty ja Aarón mëët ja y'u'unk y'ëna'k, ma ja kupixyny ayääkë ja kyëpajkën.

Levitico 17:3

Pën yaj'o'kpy tu'uk yë tsajpkaa, tu'uk yë kupixyny ëkë tu'uk yë tsajppax naaxjoty kajpnjoty, ëkë jam muum kajpnpë'am,

Levitico 17:4

ets ka'ap jam tmënëjkxëty ma ja wit tëjkën ma ja näpyaatë y'ityën ets jeexyë yë'ë tukwintsë'ëkë. Pokytyuunp jëtu'un ënäty, mëët ko ja ne'pny temy tje'etsy, kopkpëky ko nëjkx yajjo'otsy ma ja myëkunaax myëkukajpnën.