Levitico 3:17 - Biblia Mixe de Quetzaltepec

¹⁷ Ya'atë ënä'ämën xëmëkyëjxm y'itëty ets u'unk ok yajpaatëty, oy jëtu'un maa mtimjyuuky'atëty, ka'ap mëpaat ja jëyujk on xyjyë'kxtë ets ni nye'pny mëpaat xykyajë'kxtë.

Levitico 3:17 ပူးပေါင်းရင်းမြစ်များ

Génesis 9:4

Yë'ë tëy ka'ap xyjyë'kxtëty yë ne'pny, tsu'utsy mëti'ipë ne'pnytyuk'ookën këtii yë xyjyë'kxtëty. Jä'ä ko yë ne'pny, yë'ë juukyajtën'ajtp.

Mateo 26:28

jëtu'un ya'atë uuky nyäxy tääjës yë ne'pnyën, ma y'atëyën ja käjpxytyu'unën, ja ne'pny mëti'ipë täämp jä'tspën ets ja naaxwiinyëtë ja'ay yajpokymyä'kxtëty.

Deuteronomio 15:23

Yë'ë tëy yë nye'pny këtii yë xyjyë'kxëty, je'eyë xynyaaxnitajëty ëkë xy'ixtämëty tä nëëjën.

Deuteronomio 12:23

Yë'ë tëy yë nye'pyny këtii xyjyë'kxëtëty, jä'ä ko yë'ë juukyajtën'ajtp. Paatykyëjxm ka'ap mëpaat yë ne'pyny mëti'ipë juukyajtën'ajtpën xy'ajë'kxmuktë mëët yë nyitsu'utsy.

Levitico 7:23

Jëtu'un xy'ënëëmëty yë Israel ja'ayëty: Ka'ap mëpaat xyjyë'kxtë yë tsajpkaayä'äy yë y'on, ni yë'ë yë kupixyny y'on ets ni yë'ë yë tsajppax y'on.

Deuteronomio 12:16

Yë tëy yë nye'pny këtii xyjyë'kxëtëty, mnitajtëp naaxkëjxy.

Levitico 17:7

Ets nijëna'a ka'ap xy'ëkmooynyëtëty ja wintsë'kën tääpë mëjku'u, mëti'ipë jeky të xy'ëwtatën ets mëti'ipë ëxëëk të myaj'ëtë'ëts të myaj'ëna'anëtën. Ya'atë ënä'ämën xëmëkyëjxm jëtu'un y'itëty ma miitsëtyën mëti'ipë itaanpën u'unk ok.

Levitico 6:18

Jëtu'un xëmë y'itëty, nyaxëty ja xëëw jëmëjt, tëkokyë yë yä'äy'ëna'ktëjkëty mëti'ipë yë Aarón y'u'unk'ajtyp y'ëna'k'ajtypyën, jyëkyäptëp tjë'kxtëty ja ayajk ako'onën mëti'ipës ëjts yajmoopyën, mëti'ipë ja ayajk ako'onën nyo'ktëpën ma ja wintsë'këntyaknën mëti'ipë tyukwintsë'këtëp yë Wintsën. Oy tyimtiijëty mëti'ipë ya'atë ayajk ako'onën patëpën, wa'ats wyë'ëmëty.

Levitico 3:16

Ja teety yë'ë nëjkx tnino'oky tëkokyë ya'atë ma wintsë'këntyaknën, tu'uk ja jë'kxy pëky mëti'ipë ja Tios yajtukwinno'kp yajtukwinxaanpën oypyë xyuukyën, tu'kë'ëyë ja on Tios jyä'ä'ajta'ajëp.

Efesios 5:26

Paaty jëtu'un tuuny ets ja mëpëjkpëtëjk y'itëty oy ets wa'ats mëët ja aaw ayuk,

Efesios 1:7

Mëët yë'ë ko xytsyojkëmë tëë ja Tios xyaj'ëwaatsëpëtsë'emëmë ko ja y'u'unk ja nye'pyny të tsyuny të xye'kxy ets ja npoky'ajtëm të xynyimä'kxëmë.

Hechos 15:29

ka'ap ja jëyujk xytsyu'utstëty mëti'ipë tsaamëxan të yajtukwintsë'ëkën, ka'ap ja ne'pyny xyjyë'kxtëty, ka'ap ja jëyujk xytsyu'utstëty mëti'ipë ka'anëm wyintaxynyëmën, ets ka'ap mëpaat xytyuunk'atë ja pëjkën ukën ka'apë myëtëyëtyën, ma ja wiink ye'etyëjk ëkë ja wiink to'oxytyëjk xymyëët'ajnëtën. Pën mpatuuntëp ya'atë, oypyë ënäty mtuuntëp. Tios mkënu'kxëtëp.

Ezequiel 44:15

Yë teetytyëjkëty, Leví ja'ayëty, yë Sadoc yë y'ok'u'unk y'ok'ëna'k, mëti'ipë ojts ka'ap yë tyuunk t'ëxmatstën maas yë ntsajptëjkën oy ja Israel ja'ayëty ojts jyanäyajtu'utëkatsëtë, yë'ëjëty patëtëp etsës xynyimintëty ets xymyëtuntëtyës. Mëpaat xymyëwinkontës ets xytyukwintsë'ëkëtëtyës yë jëyujk on ets jëyujk ne'pny. Ëjts Wintsën, ëjts jëtu'un ni'ënä'ämëp.

Ezequiel 33:25

Paaty mijts, jëtu'un xy'ënëëmëty: Jëtu'un yë Wintsën y'ënä'äny: Miitsëty mëët yë tsu'utsy yë nyine'pny xyjyë'kxëtë, wiink tios m'ëwtajtëp, myajja'ay o'ktëp, ¿m'ënantëp ënät miits xyjyä'ä'atëty yë naaxwiinyëtë mëti'ipë të myajtukwinwanëtën?

Deuteronomio 32:14

Ma tsyajpkaato'oxyëtyën jam ja y'on tpatë ets quesë; ojts tsu'utstë yë tsajppax ets kupixyny oyëtypë ni'kxëtypë aakyë'ë jëtu'unpë tä mëti'ipë jamën Basán; aakyë'ë kyääytyë y'uktë oyëtypë tsajpmok ets yë'ë tyukpa'uktëp tsatym nyëë, jëtu'unpë ja nyëë y'akëxë'ëkën tä ne'pynyën.

Levitico 23:14

Ma ënäty ja ayajk ako'onën xymyënëjkxa'antën Tios wintum, ka'ap mëpaat xykyäytyë yë tsajpkääky ets tsajpmokwaytyë'ëts, ëkë jëtu'unyë tsuxk. Ya'atë jëtu'unpë ënä'ämën jä'ä jëtu'un wyi'imy xëmëkyëjxm ets jëtu'un y'itëty u'unk ok, oy ënäty matsow mtimjyuuky'atë.

Levitico 7:36

Ojts ja Tios tni'ënä'ämë mëti'ipë mëpaat yë Israel ja'ayëty tmo'otën ja Aarón ma ojts yajkënu'kxyën ets yë'ë tyeety'atëty. Ya'atë ojts tni'ënä'ämë yë Tios ets kopkpëky jëtu'un ko tuntëty ja Israel ja'ayëty ets jëtu'un xëmë y'itëty u'unk ok.

1 Timoteo 4:4

Jä'ä ko tu'kë'ëyë mëti'ipë Tios të tyajkojyën aak'oy yë'ë; ets ka'ap tjëkyepy yajjëjpmëkajpxëty mëti'ipë ja Tios jëyëjp të yajkukajpxën,

Mateo 16:24

Tääts ja Jesús t'ënëmaay ja y'ijxpëjkpëtëjk: Pën tsyojkpy etsës n'ijxpëjkpë'atëty, wä'än ja kyë'ëm winma'any tja'atyëkoy ets ja wyinma'any mëk tpëjkta'akëty ijxtëm tu'uk ja ja'ay kyëruuts tpatsëmyën ko ja y'o'kën t'anëjkxë, etsës xypyatsoonëty.

Ezequiel 44:7

Miitsëty je'eyës yë ntsajptëjk xyaj'ëxëëkëtë ko jap xyajnaxtë jaaypyaat jaaypyo'kxy, ja ja'ay mëti'ipë ka'ap tmëët'atyën ja nkäjpxytyu'unënës ma jyot wyinma'anyën ets ma jyot nyini'kxën.

Nehemías 8:10

Ets ja Esdras y'ënëmaayëtë: Nëjkx mkaytyë m'uuktë akujk jotkujk, uuktë pëktë mpa'aknëëjëty, wowtë witstë mëti'ipë ka'ap tii të tnipëjktaakën ma jyëën tyëjkën jä'ä tyampë xëëw tëë yajtuknipëjktaakë ets Wintsën tjä'ä'atëty. Këtiimës yë mmontë mtuktë jä'ä ko ja Wintsën ja jyotkujk'ajtën yë'ë nwa'anëm tsoktakn.

Números 19:21

Ya'atë ënä'ämën xëmëkyëjxm y'itëty. Pën ënäty ja myëku'uk ja kënu'kxynyëë tyuknixijkxyp kopkpëky ko ja wyit tpujëty. Pën ja kënu'kxynyëë ënäty të tony ëxëëk nëjkx wyi'imy ets jëtu'un tyimkutsu'ujëty.

Levitico 16:34

Ya'atë ënä'ämën tëyajtën xëmëkyëjxm y'itëty ma miitsëtyën, ma tu'kjëmëjtpë nyäxyën yë xëëw jëmëjt, tu'k'okjaty mëpaat miitsëty xymyëjjawëtë ja xëëw ma ja pokymyä'kxën y'itëtyën mëët ma tyuuntëkoy kyajpxtëkoytyën yë Israel ja'ayëty. Ets jëtu'un ojts winë tuntë, tä ja Tios ja Moisés ojts tuk'ëne'emyën.

Éxodo 27:21

Yë Aarón ets y'u'unk y'ëna'k yë'ë ya'atë kutë'kxn xëmë yaj'oyëtëp ets jëtu'un tu'ktsu'um tyë'kxëty jyajëty ma ja wit tëjkën ma ja näpyaatë y'ityën mëët yë Wintsën, jëxkë'ëytsyow ma ja wit'atëëytyukën mëti'ipë y'atëëytyujkypyën ja kaaxë mëti'ipë ja käjpxytyu'unën myë'ijtypyën. Ya'atë ënä'ämën xëmëkyëjxm y'itëty ma ja Israel ja'ayëtyën ets ma ja y'ok'u'unk y'ok'ëna'këtyën.

Levitico 4:1

Ënät ja Tios ojts tmëkäjpxy ja Moisés ets t'ënëmaay:

Levitico 6:22

Jëtu'un tyaj'oyëty ja teety, mëti'ipë ënäty wintsën ijtpën ma ja Aarón ja y'u'unk y'okën, mëti'ipë ja tuunk të tmëwë'ëmyën, tä ja Aarón ënäty të tyunyën. Ya'atë ayajk ako'onën yë'ë Tios patëp, e paaty kopkpëky ets yajno'kta'ajëty.

Levitico 7:34

Jä'ä ko ja wintsë'kën mëti'ipë yajktëpën ja Israel ja'ayëty ets tuntë ja nay'ëëw'oy näykyajpx'oyë, ëjts yi'iyës ntsojkëp yë kyätsy, tä tu'uk yë ayajk ako'onën ets pyuuy yë'ë ja ja'ay natyukuyakëtëp. E yë Aarón mëët yë y'u'unk y'ok tëëjës yë jyä'ä nmo'otë mëti'ipë patëtëpën ma ja ayajk ako'onën tyaktën yë Israel ja'ayëty.

Levitico 10:9

Ko mtëkëja'anëty jap tsajptëkoty ma ja wit tëjkën ma näpyaatë y'ityën, ëkë ko ja m'u'unk m'ëna'k jap tyëkëja'antëty; ka'ap mëpaat xy'uuktë oy tii nëë mëti'ipë mukpën, këtiipë m'ooktëty, tyaapë jëtu'unpë ënä'ämën kë'ëyxyëëw kë'ëyjyëmëjt y'itëty, tä tu'uk yë ënä'ämën tëyajtënën mëti'ipë itëpën u'unk ok.

Levitico 10:15

Ja kyejky mëti'ipë ëpëky yajyajkpën, ja kyäty mëti'ipë ja Tios yajmoopyën, jam yajmënëjkxëty ma ja Tiosën ets yajtukwintsë'ëkëty ets yajtukwintsë'ëkëty tu'ukyë mëët ja nyi'on mëti'ipën yajtukwintsë'ëkëjaanpën, tyaapë yajnikäjpxyën yë'ë mjä'ä'atëp ets näjyëtu'un ja m'u'unk m'ëna'këty.

Levitico 16:29

Ya'atë ënä'ämën itëp jëtu'un xëmë ma miitsëtyën. Ma myajk'anyën ja mëwëxtujkpo'opë nitii jää xykyajë'kxtëty, ayuu jä'ä mxëëwnaxtëty ets nitii jää xykyatontëty, wä'än timpyënëty, oy yë'ëjëty yë Israel ja'ayëty ets oy yë'ëjëty yë jaaypyaat jaaypyo'kxyëty, mëti'ipë ijtëpën ma miitsëtyën.

Levitico 23:21

Jä'ä xëëw mye'eymyuktëty ets wa'ats nëjkx xytyijtë ya'atë nyänyiye'eypyätë, ni pën mëpaat tiituunk pën tkatuny. Ya'atë ënä'ämën jä'ä jëtu'un wyë'ëmëty kë'ëyxyëëw kë'ëyjyëmëjt ets u'unk ok jëtu'un xypyatuntëty.

Levitico 24:3

Yë Aarón tëë tnijawë wi'ix t'oytyunyën yë kutë'kxn ets jap kyutë'kxëty tu'ktsu'um Wintsën wintum, ma ja wit tëjkën ma näpyaatë y'ityën, jää ma y'atëëytyukëtyën ja kaaxë mëti'ipë myë'ijtypyën ja käjpxytyu'unën. Ya'atë ënä'ämën xëmëkyëjxm jëtu'un y'itëty ets u'unk ok nyëjkxëty.

Éxodo 28:43

Yë'ë ya'atë wit pyëjkta'aktëp yë Aarón mëët yë y'u'unk y'ëna'këty ko jap tyëkëtëty ma wit tëjkën ma näpyaatë y'ityën ets näjyëtu'un ko twinkuwa'akëtëty yë wintsë'këntyakn, ëkë ko ënäty jap yë tyuunk tyajtu'uye'eytyë mëët ko tyeety'atë, këtiipë nëjkx tii tëkatsy tuntë ets y'ëk'o'knëtëty. Ya'atë ënä'ämën tëyajtën yë'ë xëmë itëp ma yë'ëjëtyën ets ma ja y'u'unk y'okëtyën.

Levitico 6:15

Nitu'uk pën tja'axpëtsëmëty yë tsajpmokway mëët yë nyi'on mëti'ipë yajyajkpën ets mëët näjyëtu'un ja poom mëti'ipë mëët nyijkxyën tu'ukyë ja ayajk ako'onën. Ënät jam tno'okëty ma ja wintsë'këntyaknën mëti'ipë yajtukja'amyätsëpën ja wintsë'kën ets jëtu'un jya'tëty ja xu'kën jojkën jam ma Tiosën.

Levitico 19:26

Këtii nitii xytsyu'utsëty mëti'ipë ne'pnymyëëtën. Këtii xytyuunk'atëty yë nasja'awën, ëkë ma ja'ay tii t'akäjpxyën tii tunan jatanëp.

Levitico 24:9

Ya'atë yë'ë yë Aarón mëët yë y'u'unk y'ok nëjkx tjä'ä'aty ets jëtu'un xëmë y'itëty. Ets ya'atë tsajpkääky jam mëpaat yajkay, ma tu'uk yë it naaxwiinyëtën wa'atspë. Jä'ä ko yë ayajk ako'onën mëti'ipë yë Tios yajtukwinno'kpën, wa'ats yë oy nyäxy.

Deuteronomio 12:24

Yë ne'pyny naaxkëjxy nëjkx xynyitajtë.

2 Crónicas 29:35

Ja Leví ja'ayëty paatykyëjxm ojts yë'ë ja teetytyëjkëty tjaakputëkëtë jä'ä ko ja teetytyëjkëty ka'ap y'ëknipatënëtë, tam ënäty may jyajtënë ja jëyujk'ooky mëti'ipë yajktëpën nino'oky nixämy ets may ja jëyujk on jam jya'ajtënë mëti'ipë ja Wintsën tyukwintsë'ëkëjantëpën mëti'ipë ëëw'o'oy kajpx'o'oyën mëët tuktuna'antën ja Wintsën, ëpëky ja uuky ets ja nëë mëti'ipë ja ja'ay të tmëmintën. Jëtu'un'äämpy jatëkok ojts tsyo'ontä'äky ja oypyë ja tu'unën ma ja Wintsën yaj'ëwtatyën.