Levitico 3:1 - Biblia Mixe de Quetzaltepec

¹ Ko pën tukwintsë'ëkëja'anëty yë tsyajpkaa wä'än yë'ëjëty yë tsajpkaato'oxy ëkë tsajpkaayä'äy, mëët ko ja nay'ëëw'oy näykyajpx'oyë tmëët'ata'any mëët ja Tios, ja jëyujk oy mëk mëpaat jyëyujk'aty ets kä'pxy

Levitico 3:1 ပူးပေါင်းရင်းမြစ်များ

1 Crónicas 21:26

jam ojts tkojy tu'uk ja wintsë'këntyakn, ma tmooyën ja Wintsën ja wyintsë'kën nino'oky nixämpyë, ets ja nay'ëëw'oy näykyajpx'oyë ttuuny mëët ja Wintsën. Tä ja Wintsën tmënu'kxtäky ets y'ëtsoowë mëët mëj jëën, jam tsajpjotm tsyo'ony ets tukkëtäky ja jëyujk ooky nino'okpyë mëti'ipë ënäty jamën ma wintsë'këntyaknën.

Éxodo 20:24

Paaty yam n'ënëëmëtë ets xy'oytyuntëty tu'uk yë wintsë'këntyakn, yë naax mtukpotstëp ets jamts xymyo'otëtyës yë mjëyujk mtsajpkaajëty ets xynyino'oktëty, jëtu'un'äämpy ntu'unmëty ja nay'ëëw'oy näykyajpx'oyë. Ëjts minaanpës ma miitsëtyën ets nkënu'kxa'antë, oy jëtu'un tyimmaa'atëty maas ënäty ntsokyën etsës ja nxëëw mëj jaanty y'itëty.

Éxodo 24:5

Ënät ojts tuk'ëne'emy ja ëna'ktëjkëty ets tyaj'ooktëty ja tsajpkaa ets jä'ä tukwintsë'ëkëtëty ja Tios, jëtu'un'äämpy ja nay'ëëw'oy näykyajpx'oyë tuntëty mëët yë'ë.

Éxodo 29:28

Tääpë yë'ë nëjkx tjä'ä'atë yë Aarón ets y'u'unk y'ëna'k, ya'atë ënä'ämën xëmë jëtu'un y'ijtëwëty ma Israel ja'ayëtyën. Ya'atë wintsë'kën yë'ë yajtukniyajkëtëp yë Israel ja'ayëty, ets Tios yajtukwintsë'ëkëp; ma jëtu'un ja nämyë'oyë y'ityën.

Proverbios 7:14

Ëjts tëëjës tu'uk yë waantakën mpëjktä'äky, wintsë'kën nyakäämpyës, maas ja nay'ëëw'oy näykyajpx'oyë ntuna'anyën, e tyam të tpaaty maas ja jëtu'unpë ntunëtyën,

Ezequiel 43:27

Jëtu'un kya'pxëty wëxtujk xëëw, e kom tuktujk xëëw jää nëjkx wiinkpë tsyo'ontä'äky ma ja wintsë'kën yajyäkyën ko ja nay'ëëw'oy näykyajpx'oyë y'itëty. Ënät nëjkx miitsëty n'ëxaj nkupëktë winë aaw winëjot. Ëjts mëti'ipë Wintsën'ajtpën, ëjts jëtu'un nikäjpxyp.

Ezequiel 45:15

E ma kupixynyëtyën, tu'uk xypyuyaktëty ma ja mäjtsk mëko'pxjatypyën, mëti'ipë oyëtyën mëkëtyën jampë yajpaatën Israel. Yë'ë yajtukniyakëp ko ënäty yajyoxy yë aaypyajk ujtspajk, ko ënäty yajyäky ja jëyujk ooky nino'okpyë ets ko ënäty ja wintsë'kën yajyäky ma ja nay'ëëw'oy näykyajpx'oyë y'ityën.

Levitico 1:10

Pën Tios mtukwintsë'këtyëp yë kupixyny ëkë ja tsajppax, yë'ë myaktëp yë yä'äypyë

Levitico 1:3

Pën yë'ë tsajpkaa yakäämpy tä tu'uk yë wintsë'kënën, yë'ë yakëp yë oypyë mëkpë ets mëti'ipë kä'pxyën, jam tyaj'ookëty ma yajnitëkën yë wit tëjk ma näpyaatë y'ityën ets jam ja wintsë'kën tyakëty ets Wintsën tkupëkëty.

Levitico 17:5

Ya'atë paatykyëjxm yajnikäjpxy ets Israel ja'ayëty tukwintsë'ëkëtëty ja Wintsën yë jëyujk mëti'ipë ënäty muum wintë'ëtstuuy yaj'o'ktëpën ets tukninëjkxtëty yë teety ma yajnitëkën ja wit tëjk ma näpyaatë y'ityën ets yë'ë tukwintsë'ëkëty yë Wintsën mëët yë'ëkyëxm ko ënäty tuna'antë ja nay'ëëw'oy näykyajpx'oyë.

Levitico 3:6

Pën yë'ë yë kupixyny yë Tios mtukwintsë'ëkëjantëp, mëët ko xytyuna'antë ja nay'ëëw'oy näykyajpx'oyë. Yë mwintsë'kën'atëp mëti'ipë oy mëkën ets kä'pxyën oy yë'ë yä'äypyë ëkë to'oxypyë.

Levitico 9:18

Aarón ojts ja tsajpkaayä'äy tyo'kumy, näjyëtu'un ja kupixyny yä'äy mëti'ipë ja Israel ja'ayëty yajktëpën ets ja nay'ëëw'oy näykyajpx'oyë tuntë. Tä ja ne'pny ojts ja y'u'unk y'ëna'k tmëmintë ets ja Aarón ojts txijkxjëtity ma ja wintsë'këntyakn ja pya'ajën.

Levitico 9:4

Näyjyëtu'un t'ëxta'atëty tu'uk yë tsajpkaayä'äy ets tu'uk yë kupixyny yä'äy mëti'ipë yë Wintsën yajmo'ojëpën, mëëtkyëjxm ko ënäty ja näy'ëëw'oyë näykyajpx'oyë y'ity mëët yë'ë. Myëmintëp yë y'ääypyajk y'ujts pajk me'eypyë mëët yë on xyëpiny'atëty, jä'ä ko tyam nänyikëxë'ëkanëp yë Tios ma miitsëtyën.

Amós 5:22

Ka'apës nkupëky yë wintsë'kën mëti'ipë miits mjayajktëpën no'oky xämy etsës nyätyukwintsë'ëkëty; ka'apës nkupëka'any oy jënu'un tsajpkaani'kx xytyukwintsë'ëkëtëtyës ma ja nay'ëëw'oy näykyajpx'oyë xytsyoktën.

Malaquías 1:14

Poky yë ja'ay wyi'imy, mëti'ipë ënaanpën ko oypyë jëyujk xytyukwintsë'ëkëja'anyës ets jä'ä xytyukwintsë'këpës mëti'ipë ka'ap y'oyëtyën myëkëtyën. Ëjts yajkutujkpë'ajtp ets aak xytsyë'këpës yë naax kajpn. Jëtu'un y'ënä'äny yë Wintsën mëti'ipë maaytyääyëpën winë.

Malaquías 1:8

ets ko ka'ap kyupoky oy yë'ë Wintsën yajtukwintsë'ëkëja'anëty yë jëyujk mëti'ipë pëjkëpën mëti'ipë wiintsën, mëti'ipë tekymya'atën. Mënëjkxtë tääpë jëtu'unpë wintsë'kën, ma yajkutujkpëtëjkën ets xy'ëkjanty y'ixtëty pën kyupëjktëp tääpë jëtu'unpë wintsë'kën.

Números 15:8

Pën yë'ë myakantëp nino'oky tu'uk yë tsajpkaa u'unk, ëkë mwaantakën myaj'ëtukantëp mëët yë Wintsën.

Números 6:14

Ets Tios tukwintsë'ëkëty tu'uk yë kupixyny yä'äy mëti'ipë yë jyëmëjtën tu'uk ets yë'ë ja oypyë mëkpë, mëti'ipë ja nëë poky kyunaxëpën. Tu'uk yë kupixynytyo'oxy mëti'ipë jyëmëjtën tu'uk, oypyë mëkpë mëti'ipë wintsë'kën'atëpën ma ja näy'ëëw'oy näykyajpx'oyë y'ityën.

Números 7:17

ets mäjtsk ja tsajpkaayä'äy mëti'ipë yajyakëpën ma Tiosën ets ja näy'ëëw'oy näykyajpx'oyë y'itëty, mëkoxk ja kupixynytyo'oxy, mëkoxk ja tsajppax ets mëkoxk ja kupixyny mëti'ipë tu'uk ja jyëmëjtëtyën. Ya'atë ojts tyäky ja Nahasón, yë myaank yë Aminadab.

Deuteronomio 12:27

E jam ma wintsë'këntyaknën, jam xymyo'otëty ja Wintsën tii ënäty mo'ojantëpën. Pën yë'ë jëyujk'ooky, jam nëjkx xyajnitoytyë ma ja nyipotsyën ma ja wintsë'kën yajyäkyën. Yë jëyujk ne'pny nëjkxëp xytyuknixijkxtë ja Wintsën mëti'ipë miits mTiosajtëpën ja wyintsë'këntyakn, e yë nyitsu'uty jyëkyejpy xytsyu'utstëty.

Colosenses 1:20

ets mëët yë'ëkyëjxm ojts tëkokyë nyänyimä'kxta'ayë ets jam yajpaatëty ma yë'ëjën, naaxwiinypë ets tsajpjotmëpë, ets jëtu'un ja jotkujk'ajtën tpaatëty tëkokyë winë ko ja Kristë ja nye'pyny të temy të tje'etsy kruutskëjxm.

Hebreos 10:22

Tsojk nmëwinko'onëm ja Tios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.

1 Juan 1:3

Yë'ë yam ntuk'ëwa'anëtyëp mëti'ipë të n'ijxtë nmëto'owëmën ets jëtu'un tu'kmukyë n'ijtmëty, ijxtëm mëët n'ijtëmën ja Tios Teety ets ja y'u'unk Jesukristë.

Jueces 20:26

Ënät jatëkok ojts nyëjkxtaaykyojnëtëpë ja tsiptuunpëtëjkëty ets tëkokyë ja ja'ayëty jam Betel ets jyiiytyë yaxtë Tios wintum mëët ko ënäty may ja myëku'uk të y'o'kojnëtëpë. Tu'kxëëw yajxon ka'ap kyääytyë y'uktë ets ja Wintsën tmooytyë ja wyintsë'kën ma tuntën mëët ja näy'ëëw'oy näykyajpx'oyë.

Jueces 21:4

Ko kyomjëpom'ajty janty tsojk ojts yë Israel ja'ayëty pyëtë'kojtë, tääts t'oytyuuntë tu'uk yë wintsë'këntyakn ma Wintsën ojts tmo'otën yë wintsë'kën nino'okpyë, ets mëët tyaj'apaatëja'antë ja nay'ëëw'oy näykyajpx'oyë.