Levitico 27:34 - Biblia Mixe de Quetzaltepec

³⁴ Ya'atë jëtu'un ënä'ämën'ajtp tëy'ajtën'ajtp, mëti'ipë yë Tios ojts tmo'oyën yë Moisés jam kopkkëjxm ma txëëwatyën Sinaí.

Levitico 27:34 ပူးပေါင်းရင်းမြစ်များ

Levitico 26:46

Ya'atë jëtu'un ënä'ämën'ajtp tëy'ajtën'ajtp ets ijxpëjkën'ajtp, mëti'ipë ojts yë Tios tyajwë'ëmyën mëët yë Moisés ma Israel ja'ayëtyën jam ma ja kopkën, mëti'ipë xyëëwajtypyën Sinaí.

Números 1:1

Ma tyu'uk'anyën yë mëmäjtskpo'opë, ma jajëmëjt ja mëmäjtskpë tsyo'ontä'äkyën. Tëë jëtää ënäty nyäxy tu'kjëmëjtnaxyën, ma Israel ja'ayëty jap tsyoontën Egiptë. Ënät ja Tios ojts tmëkäjpxy ja Moisés, jam ma ja të'ëts'it të'ëtsnaaxwiinyëtë txëëwatyën Sinaí. Jap ënäty yajpaaty ma wit tëjkën ma ja Tios mëët ja näpyaatë y'ityën, ko ojts y'ënë'ëmxëty:

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Tios të xykyënu'kxëmë ets të xytyuknija'awëmë ja tëypyë jaantypë.

Deuteronomio 4:45

Ja ënä'ämën tëyajtën, ja aaw ayuk ets ja jot winma'any mëti'ipë tyukmëmëtyakën, ko jap tsyo'ontë Egiptë.

Deuteronomio 4:5

Ëjts tëëjës yam nikäjpxy ja ënä'ämën tëyajtën, mëti'ipë yë Wintsën nTiosës të xytyuk'ëne'emyën ets yë'ë xykyuuytyuntëty ma ja naax kajpnën mëti'ipë mniwa'akantëpën.

Levitico 7:38

Yë Tios jam ojts tmo'oy ya'atë tëyajtën yë Moisés, ma Sinaí kopkën, ko ojts tni'ënä'ämë ets ja Israel ja'ayëty tmëmintëty ja y'ayajk y'ako'onënëty.

Números 36:13

Ya'atë ënä'ämën tëyajtën ojts yë Wintsën tmo'oy yë Israel ja'ayëty ma Moisesën, jam ma ja joyjyotën, mëti'ipë yë Moab ja'ay nyitënaaytyëpën winkon ma ja Jordán mëjnëëjën, ma Jericó mëët nyäwyinku'ixëtyën.

Deuteronomio 29:1

Jëtu'un ojts jyëjpkëxy ja mëtyä'äky mëti'ipë ja Wintsën tyuk'ënä'ämën ja Moisés ets tunëty tu'uk ja käjpxytyu'unën mëët ja Israel kajpn jam Moab. Ëpëky ja käjpxytyu'unën mëti'ipë tyuunën jam ma ja Horeb kopkën.

Números 3:1

Jä'ä xëëw ma ja Wintsën ojts tmëkäjpxyën ja Moisés jam ma ja Sinaí kopkën, yë Aarón ets Moisés yë'ë ojts t'u'unk'at t'ok'atë.

Números 28:6

Ya'atë wintsë'kën mëti'ipë oy xu'kp jojkpën, yë'ë jëtu'un ojts ja Wintsën xëmë yajtukwintsë'ëkë jam ma ja Sinaí kopkën ets jam ojts më''ëka'any jëtu'unpë tsyo'ontä'äky.

Deuteronomio 1:3

Ma tyu'uk'anyën ja majktu'uk po'opë, kom wëxtyikxy jyëmëjt ma ënäty ja Moisés të tyajkutëkoyën ja Sihón, mëti'ipë ënä'ämpën jam ma Amor ja'ayëtyën, jampë ënäty tsyëënën Hesbón ets ma ënäty näjyëtu'un të tyajkutëkoyën ja Ok, jampë y'ëne'emyën Basán ets jam tsyëënë Astarot ma ja Edrei ja nyaaxjotmën. Ënät ja Moisés tuk'ëwa'anëy ja naax kajpn, jëtu'un tä ënäty ja Tios të y'ënë'ëmxëtën ets tmooy ja aaw ayuk mëti'ipë mëpaat tpatuntën.