Levitico 27:32 - Biblia Mixe de Quetzaltepec

³² Ma ja majkpë ja jëyujk tsajpkaajën tu'uk mëpaat ja Tios yajmo'oy.

Levitico 27:32 ပူးပေါင်းရင်းမြစ်များ

Jeremias 33:13

Ma ja kajpnëtyën mëti'ipë ets joyjyotm yajpatëpën, ma Négueb ets Benjamín y'itjotmën, jampaat ma Jerusalén ets Judá nyaaxjotmën, yonaanp jam jatëkok yë mëëy ets aay ujts mëti'ipë jyë'kxtëpën yë kupixyny, nëjkxëp jatëkok yë ja'ayëty jam tmëtyowtë yë kyupixynyëty mëti'ipë kyëwent'ajtëpën. Ëjts Wintsën, ëjts ënaanp.

Ezequiel 20:37

N'ijxka'pxta'ajantëp nitu'ukjaty jëtu'un tä yë kupixyny këwent'ajtpë t'ijxkä'pxyën yë kyupixyny ets ntukwanë'ata'antë ets xytyuktëkëtëty ja käjpxytyu'unën.

Miqueas 7:14

Wintsën, këwent'at ja mnaax mkajpn, ja mkupixyny mëti'ipë mjä'ä'ajtypyën, ma aakyë'ë yajpaatën yuukjotm; jë'kxynyaaxjotm jam Basán ets Galaad. Jëtu'un yajnëjkx jam jë'kxyotm tä ijty tëëyëpën.

Levitico 27:31

Pën yë ja'ay jyä'ä'atäämpy yë tu'kpëkpyë ma majkjatypën, jyëkyejpy ja'ayë tkujuyëty jënu'un ënäty ja tsyowën ets ëpëky tjaaknikëjuuypyätëty ja kujkwä'kxy ma ja tu'ukpën.

Génesis 28:22

Ya'atë tsaa mëti'ipës yam npëjktäkpyën ijxpäjtën yë'ë, Tios jëna'a tyëjk'atëp ets xëmës nmo'oja'any tu'kpëkyjyäty ja majkpë, mijts Tios koos tii npaatëty n'ixëty, mëti'ipës ënäty mijts xymyoopyën xykyäjxpën.

Números 18:21

E yë Leví ja'ayëty, yë'ëjës yam nmoopy ets yë'ë tjä'ä'atëty mëti'ipë yë Israel ja'ayëty yajktëpën, tu'kpëky ma ja majk pëkpyën ko winë tpaatë t'ijxtë. Yë'ë myëju'uny'atëp, mëët ko jap tyuntë ma wit tëjkën ma näpyaatë y'ityën mëët yë Tios.