Levitico 27:30 - Biblia Mixe de Quetzaltepec

³⁰ Ja tu'kpëkpyë ma ja majkjatypë winë pyëtsimyën kamwinm tu'uwinm, Tios yë jyä'ä'ajtyp ets yë'ë mëpaat yajmo'oy.

Levitico 27:30 ပူးပေါင်းရင်းမြစ်များ

Génesis 28:22

Ya'atë tsaa mëti'ipës yam npëjktäkpyën ijxpäjtën yë'ë, Tios jëna'a tyëjk'atëp ets xëmës nmo'oja'any tu'kpëkyjyäty ja majkpë, mijts Tios koos tii npaatëty n'ixëty, mëti'ipës ënäty mijts xymyoopyën xykyäjxpën.

Mateo 23:23

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Mjatukniwë'ëmtëp ja Tios ja jyä'ä ko tii xyajwintëwtë, ijxtëm: ja menta, anis ets cominë; je'eyëp ko ka'ap xymyëjpëjkta'aktë ja ënä'ämën tëyajtën mëti'ipë kopkpëkyën yajpatunëty, ijxtëm: ja nipaye'eyën mëtëypyë, ja pa'ëyo'ow najts'ëyo'owën ets oypyë juukyajtën. Ya'atëtën ijty ni'ik oy ja kopkpëky, oknëm ma ja Tios ja y'ayajk y'ako'onën yajmo'oyën.

Nehemías 13:12

tä ja Judá ja'ayëty tmëye'eymyujktë ja jë'kxy pëky mëti'ipë tu'kpëkyjyäty yajyajkpën ma ja majk pëkpyë yajyäkyën, ijxtëm yë tsajpmokën, tsatsymnyëëjën mëti'ipë yaj'ukpën ets onën.

Lucas 18:12

Ëjts mäjtsk okës n'ayuu'aty tu'ukpë sëmaan, nmoopy xëmë ja nkëpäjtënës, tu'kpëkyës xëmë njëpëky ma ja majk pëkpyën mëti'ipës npatyp n'ijxypyën.

2 Crónicas 31:12

tääts jap tpëjktaktaaytyë mëti'ipë ja ja'ay ënäty të tyaktën ets mëti'ipë ënäty ja Wintsën të yajtuknipëjktaakën. Conanías mëët ja y'uty Simí yë'ë ojts tuknipëktë ets tkëwent'atëty.

Génesis 14:20

Tukxoontä'äky xëmë y'itëty yë Tios Ni'ik Këjxmëpë, mëti'ipë të mputëkëtyën, ko tëë yë mëtsip xymyëmëtakta'ay. Ënät yë Abram ojts majk tpupëky mëti'ipë ënäty myëët'ajtypyën.

Lucas 11:42

Miits fariseë ja'ayëty mon tuk myajpaatë, ko tu'pëky xyjyajëpëktë ma ja majk pëkpyën ets ja Tios xyjyatukwintsë'ëkëtë; tä ja menta, rudë ets wiinkëtypë aay ujts mëti'ipë tojkx tsooy'ajtpën; je'eyëp ko ka'ap xymyëjpëjkta'aktë ja mëtëypyë ja nipaye'eyën ets ja Tios ja tsyojkën jya'awën.

Nehemías 13:5

ojts tëjkmo'oy jap mëjtëkoty ya'atë Tobías, jap ma ënäty ja jë'kxy pëky yajnipëjkpetyën, ja poom, ja apëjk atu'unën, ja tu'kpëkpyë mëti'ipë yajjëpëjkpën ko majkpëky yajpëjkwä'kxy tä ja tsajpmokën, ja uuky ets ja on, mëti'ipë yajmooytyëpën ja Leví ja'ayëty, ëëpë xuxpëty, ëëpë yaxpëty ets ja tëjkëwent'ajtpëty, ëpëky ja ayajk ako'onën mëti'ipë yajyajkpën kë'ëmwinma'any mëti'ipë yajmooytyëpën ja teetytyëjkëty.

Nehemías 12:44

Jä'ä xëëw jä'ä jëmëjt ojts yajnikajpxpätë ja'ayëty mëti'ipë y'ijx'it kyëwent'atëpën ja jëën tëjk maajaty nyipetyën ja jë'kxy pëky, ja ayajk ako'onën japë tsajptëkoty myukyën ets ja pëjktä'äky mëti'ipë kyëjääjë yajpëjkp yajtuunpën ets mëti'ipë yajpupëjkpën ma ja majkjatypë yajpëjkwä'kxyën, mëti'ipë mujkpën ets yajtukniyajkëtyëpën yë teetytyëjkëty ets Leví ja'ayëty; ya'atë ja ayajk ako'onën paaty tyajktë ëmuumtu'ukjot jä'ä ko y'oyjya'awëtyëp ijty ja teetytyëjkëty ets ja Leví ja'ayëty mëti'ipë jam tuuntën.

Levitico 27:29

Näyjyëtu'un ja ja'ay mëti'ipë ënäty jä'ä të yajwaantä'äkyën ma Tiosën, ka'ap nëjkx t'ëkjëkyäjpnë yajuuypyëtsëmëty, kwanë jëtu'un ko nëjkx y'ooky.

Levitico 27:31

Pën yë ja'ay jyä'ä'atäämpy yë tu'kpëkpyë ma majkjatypën, jyëkyejpy ja'ayë tkujuyëty jënu'un ënäty ja tsyowën ets ëpëky tjaaknikëjuuypyätëty ja kujkwä'kxy ma ja tu'ukpën.

Deuteronomio 18:8

Näyjyëtu'un nëjkx tjä'ä'aty ja jë'kxy pëky, tä ja myëku'uktëjkëtyën, ëpëky mëti'ipë ënäty ja tyeety tukumaayëpën.

Deuteronomio 26:12

Ko ja mëtëkëëk jëmëjtpë tpaatëty, ma yajyäkyën mëti'ipë ënäty majk të yajpupëkyën ma ja mëko'pxpën oy tyimtiijëty, mëti'ipë të xyajpëtë'ëkyën mkamwinm mtu'uwinm ets ënäty ëpëky të xypyëjktakta'ay ets pën tëë näjyëtu'un xymyo'oy ja Leví ja'ayëty, jaaypyaat jaaypyo'kxyëty, ku'ooky'u'unk, ku'ookytyo'oxëty mëti'ipë yajpatëpën ma mnaax mkajpnëtyën ets jotkujk të xyajkay të xyaj'uuky.

Génesis 47:24

Mëti'ipë tëy mtuntëp, tu'kpëkyjyäty nëjkx xypyupëktëty ma ja mëkoxkjatypyën ets yë'ë ja yajkutujkpë xymyo'otëty, e ja taxkpëkpyë ënäty wyi'imyën yë'ë ja mëti'ipë mni'iptëpën ets mëti'ipë mjë'kxtëpën mpëktëpën mëët yë m'u'unk m'ëna'këty ets tu'kë'ëyë jënu'un y'itën ma mjëën mtëjkëtyën.

Génesis 47:26

Jëtu'un ojts yë José tyajwë'ëmy yë ënä'ämën, ko tëkokyë yë naax kajpn kopkpëky ko tmo'otëty yë yajkutujkpë tu'kpëkyäty ma ja mëkoxkjatypyën, jënu'un ënäty winë tyaj'it tyajwintëwtën ma ja nyaax kyamëtyën. Ya'atë ënä'ämën kutujkën je'eyëm tyampaat tpatuntë yë ja'ayëty, yi'iyë yë teetyëjkëty ka'ap nitii ayajk ako'onën tyaktë, jä'ä ko yë nyaaxëty ka'ap ojts tkë'ëyaktë ma yajkutujkpën.