Levitico 27:3 - Biblia Mixe de Quetzaltepec

³ Yë naaxwiinyëtë ja'ay pën jä'ä yë jyëmëjt i'px ets tëkë'pxpaat, jä'ä xytyuknipëkëty ets nyäkyuyakëtëty wëxtyikxy majk ja meeny aak poop pujxn ets yë'ë kijpxën'atëp ja kijpxën mëti'ipë jap ijtpën tsajptëkoty.

Levitico 27:3 ပူးပေါင်းရင်းမြစ်များ

Éxodo 30:13

Tëkokyë mëti'ipë yajkëxjaaytyën ma ja jaaymyujkën y'ijtyën, ya'atë nëjkx tyaktë ma ja Tiosën: mëkoxk nikonë yë poop pujxn, ya'atë kijpxën yë'ë mëti'ipë jap ijtpën ma tsajptëjkën.

Números 18:16

Jää nëjkx tjuuypyëtsimy ma ënäty të nyäxyën tu'kpo'o ma të myëxu'unk'atyën ets mëkoxk ja poop pujxn meeny tukukëpätëty mëti'ipë je'emtyën majktu'uk nikonë, yë'ë ja kyijpxën tunëp mëti'ipë jap ijtpën tsajptëkoty witnikojpyë.

Levitico 27:25

Tëkokyë jënu'un winë yajtsowmo'oyën, jëtu'un mëpaat y'ixë'aty tä jap tsajptëkoty myinyën. Yë'ë myajtunëp yë siclë meeny mëti'ipë tsoowpatpën i'px geras.

2 Reyes 12:4

Tëkok yë Joás, t'ënëmaay ja teetytyëjkëty: Yajmuktë tëkokyë ja wit meeny mëti'ipë yë ja'ayëty myëmiintëpën jap tsajptëkoty, mëti'ipë yojxtëpën ets mëti'ipë nätyukukëpäjtëtëpën ets tëkokyë ja mëti'ipë wyaantaktëpën jap tsajptëkoty ets ja Wintsën tukmëjjawëtë, ets xy'amëtowtëty yë ja'ayëty mëti'ipë jap winë y'ijxtëp tyuuntëp tsajptëkoty wä'än t'a'o'oyëtyä'äy winë mëti'ipë jap tuunpën.

Números 3:47

Jä'ä tyaktëty ja meeny mëkoxk mëti'ipë aak poop pujxnën ets jëtu'un nyäkyuyakëtëty nitu'ukjaty ja ja'ay, ja meeny jëtu'un nëjkx jye'emty'äty tä ja ja'ayëty jap tyaktën ma ja Tios ja wyittëjkën, majktu'uk nikonë jye'emty'atëty.

Levitico 27:14

Pën tu'uk yë tëjk wyaantäkpy ma ja Tiosën. Yë teety yë'ë nëjkx tpëjktakëyë yë tsyow. Jënu'un tä ënäty ja teety tnikäjpxyën, jëtu'un yajkupëkëty.

Levitico 6:6

Yë'ë nëjkx tmo'oy yë Tios tu'uk yë kupixyny yä'kpetypë mëti'ipë oyën mëkën ets mijts nëjkx xytsyowmo'oy, jam nëjkx tyajtsoony ma tyajtänën yë kyupixyny ets tmënëjkxëty ma ja teetyën, yë'ë tyukwintsë'ëkëp ja Tios mëëtkyëjxm ja nyëë pyoky ja ja'ay.

Levitico 5:15

Ko yë ja'ay pyokytyunëty ajotkumonë ets yajnijawëty ko tëëtëm kë'ëmwinma'any tii tnixajë, mëti'ipë ja Tios ënäty të yajtuknipëjktaakën. Yë'ë yakëp yë kupixyny yä'äy yä'kpetypë ets yë'ë nyätyukuyakëtëty, mëëtkyëjxm ko ënäty jëtu'un të pyokytyuny. Ets tukwintsë'ëkëty yë'ë yë Tios. Ja tsajpkaa ja tsyow jëtu'un mëpaat tsyoowtëkë, tä ja poop pujxn meeny tsyoowpaatyën ets ja poop pujxn meeny jëtu'un mëpaat yajkijpxy, tä ja kijpxën jap myinyën ma tsajptëjkën.

Levitico 27:4

E pën yë'ëts yë to'oxytyëjk, jä'ä xytyuknipëkëty ets nyäkyuyakëtëty i'px majk ja meeny aak poop pujxn.

Éxodo 38:24

Tëkokyë yë pu'ts pujxn mëti'ipë tuunën ma ënäty ja tsajptëjk të kyojyën yë'ë tuun mëti'ipë ja'ay yajktën, tä tu'uk yë ayajk ako'onën ma Tiosën. Ko yajkijpxmujktaay, jä'ä ojts wyinë'aty taxtujk mëko'px ja tëkë'px mëkoxk tsim ets jä'ä ojts kyijpxën'aty mëti'ipë jap tuunpën ma tsajptëjkën.