Levitico 27:28 - Biblia Mixe de Quetzaltepec

²⁸ Pën tu'uk yë ja'ay tyukmëyoxäämpy yë Tios oytyiijëty, mëti'ipë myëët'ajtypyën, wä'än yë'ëjëty: yë ja'ay, jëyujk tsajpkaa, ëkë naax kam mëti'ipë näkyumayë'ajtpën, yë'ë ka'ap yë tjëkyepy yajtookëty, ëkë yajjuupyëtsëmëty. Tëkokyë mëti'ipë ënäty yë Tios të yajtukmëyoxyën, wa'ats yë nëjkx wyë'ëmtaaynyë.

Levitico 27:28 ပူးပေါင်းရင်းမြစ်များ

Éxodo 22:20

Pën myoopy yë wyintsë'kën yë wiink tios, jëtu'un tä jeexyë yi'iyë atu'uk yajmo'oyën yë Wintsën, yë jëtu'unpë ja'ay nän nitëjkëyëp y'ookëty.

Levitico 27:21

Ko ënäty ja naax wyi'imy ëwaatsëtuuy ma tnixëëw tnijëmëjtëtyën ets ëwaatsëtuuy winë wyi'imy, jam ja nyajxnëty ma Tios winë yë'ë tjä'ä'atyën ets ja teety yë nëjkx t'ëxajënë.

Deuteronomio 25:19

E paaty n'ënëëmëtë, ko ënäty ja Wintsën tëë mputëkëtë ets ja mmëtsip tëë xyajkutëkooytya'atë, mëti'ipë winkon tsënaaytyëpën ma ja naax kamën mëti'ipë ja Wintsën mo'ojanëtëpën. Yë Amalec këtii xyjyä'äytyëkoytyëty, nëjkxëp xyajkutëkooytya'atë yë y'u'unk y'ëna'këty ets nyaax kyajpnëty.

1 Samuel 15:18

Yë'ë të mtuk'ëne'emyë ets xyajkutëkoyëty tääpë pokyjä'äytyëjk, yë Amalec ja'ayëty ets xynyitëkëty koonëm xy'ijxnajxta'ajëty.

Josue 7:1

Tu'uk yë ja'ay mëti'ipë xyëëwajtypyën Acán yë'ë Judá jyä'äy, yë myaank yë Carmí, y'ok'u'unk yë Zabdí ets Zara, ojts kanaak winë tmënëjkxy ma tyëjkën mëti'ipë ënäty yë Tios të tni'ënä'ämën ets kyutëkoyëty, e mëët ko ojts toonpë mëti'ipë ënäty ja Wintsën të tnikäjpxyën ets kyutëkoyëty, tëkokyë ja Israel ja'ayëty ojts pyokytyëëmë'kta'atë. Yë Wintsën ojts tyukjoot'anpëkëtë.

Josue 6:26

Ënät yë Josué ojts yajxon timnyikäjpxy ya'atë aaw ayuk mëët yë Wintsën xyëëwkyëjxm ets y'ënäny: Poky nëjkx yë ja'ay wyi'imy mëti'ipë ok kyoj'o'oyëpën ya'atë Jericó kajpn. Ko tkojtsoonëty ja kajpn potsy'ëjx yë'ë nëjkx y'ooky ja kyä'äxkopk, e ko tpëjktaknëty ja nyi'akaj yë'ë nëjkx y'ooky ja kyutëëm.

Números 18:14

Tëkokyë yë ayajk ako'onën mëti'ipë yë Israel ja'ayëty ëjts xymyooytyëpën, mijts mjä'ä'atëp.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënäty ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Gálatas 3:10

Mëti'ipë yi'iyë tyuk'ijxpäjtëpën ja Moisés ja y'ënä'ämën, kajpxpoky ja yajpaatë, jä'ä ko jëtu'un ja Tios ja y'aaw y'ayuk y'ënä'äny mëti'ipë këxja'ay miinpën: Kajpxpoky ja ja'ay y'ity mëti'ipë ka'ap kä'pxy tpatunyën ja ënä'ämën mëti'ipë këxja'ay miinpën.

1 Corintios 16:22

Pën jää jënaakën ka'apë tsokyën ja Wintsën Jesukristë, wä'än t'ity kajpxpoky. Min tsojk Wintsën Jesukristë.

Romanos 9:3

ja ënaanpës ets jeexyë kajpxpoky n'ityës, nmëjëkäm'atyës ja Kristë ets tuk'oy'atëty ja nmëku'uktëjkës, nmëjutiis ja'ayës.

Mateo 25:41

Ënät ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.

Jueces 21:18

E yë'ë tëy, ëëtsajtëm ka'ap tjëkyepy yë nëëx'ajtëmë nmo'omyëty ets mëët pyëktëty. Jä'ä ko tëë tu'ukyë nkäjpxy'ajtëmë Tios wintum ko ka'ap yë nnëëx'ajtëm ntukpëka'anëmë, jä'ä ko pën kyumëtoownajxyp ya'atë ja käjpxytyu'unën kopkpëky ko y'ookëty.

Jueces 21:5

Ets aakyë'ë nyäyajtëëwëtë, ¿Ma ëëtsajtëmën, pën ka'ap të y'otsy jam Mizpá ma ja nätyu'ukmukë të y'ityën? Jam Mizpá tëë ënäty jam tkäjpxy'atë, ko pën të kya'otsyën ma ja nätyu'ukmukë të y'ityën yaj'ookantëp.

Josue 7:25

Ënät ja Josué t'ënëmaay: ¿Tii ko jëtu'unpë ëyo'on jotmay të xyajminy ma ja naax kajpnën? Tyam wä'än yë Wintsën yë'ë ëxëëk mtunyë, jëtu'un tä ëëts miits të xyajjat të xyajkëpätën. Ko jëtu'un kyajpxtaay ja Josué, ënät nitu'kë'ëyë ja ja'ayëty ojts pyëtë'kta'atë ets tyaj'o'ktë ja Acán kuka'atsy, ko y'o'këtäky ja nyini'kx ojts tnino'këtë.

Levitico 27:27

Pën yë'ë tu'uk jëyujk mëti'ipë ëxëëk yajtijpën, jyëkyäpëp yajuuypyëtsëmëty, tä ënäty yajtsowmo'oyën ets ëpëky jyaak yajnikujuuypyätëty ja mëkoxkpëky. E pën kajts yajjuuypyëtsimy jyëkyäpëp yajtookëty tä ja tsyowën.

Levitico 27:29

Näyjyëtu'un ja ja'ay mëti'ipë ënäty jä'ä të yajwaantä'äkyën ma Tiosën, ka'ap nëjkx t'ëkjëkyäjpnë yajuuypyëtsëmëty, kwanë jëtu'un ko nëjkx y'ooky.

Deuteronomio 7:26

E paaty yam myajtuk'ëwaanëtë ko këtii jëtu'unpë xymyënëjkxtëty ma mjëën mtëjkëtyën mëti'ipë Wintsën y'ëxëëk'ijxypyën, këtiipë näjyëtu'un m'o'ktëpëty. Jä'ä ko mëti'ipë ënäty yë Wintsën të tuknipëjktaakën ets kyutëkoyëty kopkpëky ko kyutëkoyëty, jä'ä ko yë'ë mëti'ipë ënäty yë Wintsën y'ëxëëk'ijxypyën.

Ezequiel 44:29

Jyëkyejpy tjë'kxtëty tpëktëty yë aaypyajk ujtspajk mëti'ipë yë Israel ja'ayëty ëjts xytyukwintsë'këtyëpën ets jyëkyejpy tsu'utstëty yë tsu'utsy mëti'ipë yë Israel ja'ayëty näjyëtu'un yajktëpën ko ja jëyujk tukunaxtë ja nyëë pyokyëty. Näyjyëtu'un tëkokyë mëti'ipë yë Israel ja'ayëty ëjts të xytyukmëyoxtën yë'ë jyä'ä'atëp.

Ezequiel 48:14

Yë'ë nëjkx ya'atë naax ni'ik mëj nyaax'aty ma naax kajpnën. Tyaapë naax ka'ap tjëkyepy yajtookëty nitu'kjënu'un ets nän ka'ap tjëkyepy pën yajmo'ojëty, jä'ä ko yë'ë të yajtuknipëjktaakë yë Wintsën.

Levitico 21:22

Pën kyayäämpy jyëkyäpëp yë tkayëty, oy yë'ëjëty mëti'ipë kënu'kxyën ets mëti'ipë wa'atsën.

2 Crónicas 31:14

Ja mëti'ipë yajtuknipëjkën ets tkëwent'atëty ja tsajptëjk'aaw matsow ja xëëw pyëtsimyën, yë'ë Coré, mëti'ipë ojts näjyëtu'un yajtuknipëkyën tkëwent'atëty ja mëti'ipë ja ja'ay nyayajktëpën jëtu'unyë ets tpëjkwa'kxëty mëti'ipë ja'ay näjyëtu'un myëmiintëpën ets nyätyukuyakëtë ets näjyëtu'un tkëwent'atëty mëti'ipë ja ja'ayëty jä'ä ja Wintsën tyukwintsë'këtyëpën.