Levitico 27:25 - Biblia Mixe de Quetzaltepec

²⁵ Tëkokyë jënu'un winë yajtsowmo'oyën, jëtu'un mëpaat y'ixë'aty tä jap tsajptëkoty myinyën. Yë'ë myajtunëp yë siclë meeny mëti'ipë tsoowpatpën i'px geras.

Levitico 27:25 ပူးပေါင်းရင်းမြစ်များ

Éxodo 30:13

Tëkokyë mëti'ipë yajkëxjaaytyën ma ja jaaymyujkën y'ijtyën, ya'atë nëjkx tyaktë ma ja Tiosën: mëkoxk nikonë yë poop pujxn, ya'atë kijpxën yë'ë mëti'ipë jap ijtpën ma tsajptëjkën.

Números 18:16

Jää nëjkx tjuuypyëtsimy ma ënäty të nyäxyën tu'kpo'o ma të myëxu'unk'atyën ets mëkoxk ja poop pujxn meeny tukukëpätëty mëti'ipë je'emtyën majktu'uk nikonë, yë'ë ja kyijpxën tunëp mëti'ipë jap ijtpën tsajptëkoty witnikojpyë.

Números 3:47

Jä'ä tyaktëty ja meeny mëkoxk mëti'ipë aak poop pujxnën ets jëtu'un nyäkyuyakëtëty nitu'ukjaty ja ja'ay, ja meeny jëtu'un nëjkx jye'emty'äty tä ja ja'ayëty jap tyaktën ma ja Tios ja wyittëjkën, majktu'uk nikonë jye'emty'atëty.

Ezequiel 45:12

Näyjyëtu'un ma yajkijpxyën mëti'ipë je'emtyjyätyën, ya'atë kijpxn tunëp: I'px geras, tu'k siclë yë'ë, e tu'k ciclëpë, majktu'uk gramo yë'ë; tëkë'px ciclë, tu'k mina yë'ë.

Levitico 27:3

Yë naaxwiinyëtë ja'ay pën jä'ä yë jyëmëjt i'px ets tëkë'pxpaat, jä'ä xytyuknipëkëty ets nyäkyuyakëtëty wëxtyikxy majk ja meeny aak poop pujxn ets yë'ë kijpxën'atëp ja kijpxën mëti'ipë jap ijtpën tsajptëkoty.

Éxodo 38:24

Tëkokyë yë pu'ts pujxn mëti'ipë tuunën ma ënäty ja tsajptëjk të kyojyën yë'ë tuun mëti'ipë ja'ay yajktën, tä tu'uk yë ayajk ako'onën ma Tiosën. Ko yajkijpxmujktaay, jä'ä ojts wyinë'aty taxtujk mëko'px ja tëkë'px mëkoxk tsim ets jä'ä ojts kyijpxën'aty mëti'ipë jap tuunpën ma tsajptëjkën.

Levitico 27:24

E ko ënäty ja xëëw jëmëjt tpaaty ma ja it naaxwiinyëtë ëwaatsëtuuy wyi'imyën, ja naax yë'ë nëjkx tjä'ä'ajnë ja ja'ay mëti'ipë ënäty mëjëyëjp të nyaaxtookyën, jä'ä jëtu'un ja naaxwintsën.

Números 7:67

ets näjyëtu'un ojts yë y'ayajk y'ako'onën tyäky, tä ja mëjëyëjpë ja jyä'äjëty tyajktën.

Levitico 5:15

Ko yë ja'ay pyokytyunëty ajotkumonë ets yajnijawëty ko tëëtëm kë'ëmwinma'any tii tnixajë, mëti'ipë ja Tios ënäty të yajtuknipëjktaakën. Yë'ë yakëp yë kupixyny yä'äy yä'kpetypë ets yë'ë nyätyukuyakëtëty, mëëtkyëjxm ko ënäty jëtu'un të pyokytyuny. Ets tukwintsë'ëkëty yë'ë yë Tios. Ja tsajpkaa ja tsyow jëtu'un mëpaat tsyoowtëkë, tä ja poop pujxn meeny tsyoowpaatyën ets ja poop pujxn meeny jëtu'un mëpaat yajkijpxy, tä ja kijpxën jap myinyën ma tsajptëjkën.