Levitico 27:2 - Biblia Mixe de Quetzaltepec

² Jëtu'un xy'ënëëmëty yë Israel ja'ayëty, ko pën nyäkyukëpäta'anëtëty ma Tiosën ets jëtu'un ja wyaantakën tyaj'ëtuka'anëty.

Levitico 27:2 ပူးပေါင်းရင်းမြစ်များ

Números 6:2

Jëtu'un xy'ënëëmëty yë Israel ja'ayëty: Pën tu'uk yë to'oxytyëjk ëkë ye'etyëjk tyuunpy yë waantakën ma Wintsënën, ko jä'ä y'ita'any nazareo ja'ay, mëti'ipë jyuukyajtën të twaantä'äkyën ma yë'ëjën.

1 Samuel 1:28

Ëjts tëëjës ntuknipëjktaakë, koos yë'ë Wintsën nkë'ëmo'oja'any maapaat jyuuky'ätyën, jëtu'un yë'ë tmëtunëty ja Wintsën. Ënät ja teety Eli nyäkyoxtënaaytyakë ets wyintäky nyaaxkooy, tkukajpxë ja Wintsën.

1 Samuel 1:11

Ets ja wyaantakën tpëjktäky, t'ënëmaay ja Wintsën: Wintsën mëti'ipë maaytyääyëpën winë; pën mijts mpa'ëyoopy mnajts'ëyo'owëp ya'atë mtuunpë ets xyjyä'ämyäjtspës koos xymyo'ojëty tu'uk yë u'unk maay, ëjts nkë'ëyakëpës yë'ë ma mijtsën ets mëtunëtëty ets ka'ap ja kyuwaay nëjkx yajkeepy, yë'ë yajtuk'ixëp ko ënäty mijts të ntukmëyoxy.

Jueces 11:39

Ko nyäxy ja xëëw mäjtsk po'o, ënät ojts jatëkok wyimpijnë ma ja tyeety yajpaatyën ets jëtu'un ja Jefté ojts tyaj'ëtuky ja wyaantakën mëti'ipë ënäty të tunyën ma Tiosën. Yë Jefté yë nyëëx wa'ats y'o'ky, ni pën ye'etyëjk ojts mëët kyatsëënë.

Números 30:3

Ko tu'uk yë to'oxy'ëna'k tii twaanta'akëty ma Wintsënën ëkë tuna'anëty tii winë ma ja tyeety yë'ë myëët'atyënëm.

Números 21:2

Tä ja Israel ja'ayëty t'ënëmaaytyë ja Tios, ko pën yë'ë putëkëtëp, yajkutëkooytya'atëp ja naax kajpn ets mëët tëkokyë jënu'un jam yajpaatyën.

Levitico 27:1

Ënät yë Tios ojts tmëkäjpxy yë Moisés ets t'ënëmaay:

Deuteronomio 23:24

Ko muum mtëkëtëty kamjotm ma mëku'uk yë tsatsymkyam tmëët'atyën, jyëkyejpy xyjyë'kxtëty yë tsatym jënu'un xytyimjë'kxa'anyën. Yë'ë ko ka'ap tjëkyepy wäänë xymyënëjkxtëty ma mtëjkëtyën.

Eclesiastés 5:3

jä'ä ko nëkooyë ja'ay je'eyë tyäty myäy tyäty tsyäjy amëkëp ko myä'äy ets ko nëkooyë myëtyä'äky tsuu poj jyaak mëtyakta'ay.