Levitico 26:9 - Biblia Mixe de Quetzaltepec

⁹ Janty oy miitsëty nëjkx njawëtë ets nëjkxëp nyajnimayëtë, yë nkäjpxytyu'unënës xëmës nmëët'ata'any mëët miitsëty.

Levitico 26:9 ပူးပေါင်းရင်းမြစ်များ

Salmos 107:38

Yë'ë kyënu'kxyp ets yë'ë kë'ëm tyuknipëjktakëp ets myëjwiin kyëjääjëty yë jyëyujk tsyajpkaajëty.

Ezequiel 16:62

Nëjkxëpës nyaj'ajämë ja nkäjpxytyu'unënës mëët mijts, ënät nëjkx xynyijawë ko ëjts Wintsën.

Nehemías 9:23

Nimay ja y'u'unk y'ëna'k xymooy tä mëtsa'ajën tsajpkëjxm yaj'ixyën, tääts jam xywoownëjkxtaay ma ja it naaxwiinyëtën mëti'ipë ënäty ja y'aptëjk të xytyukwinwanën.

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

Génesis 28:3

Yë Tios mëti'ipë myëët'ajtypyën yë mëj'ajtën ets kutujkën yë'ë mkënu'kxëtëp ets mo'ojëtëty ja m'u'unk m'ok nimay ets jëtu'un kanaak ja naax kajpn kyojëty ma ja m'u'unk m'ëna'kën.

Jeremias 33:3

Ëjts mëkajpxk ets n'ëtsowëty ets ntuk'ixëty mëjwiinpë këjääpë ja winma'any mëti'ipë yu'utsy'ijtpën, mëti'ipë ka'ap xynyijawën.

Deuteronomio 28:11

Yë Wintsën nëjkxëp mtuk'ixyë yë y'oyjyot y'oywyinma'any ets m'u'unk m'ëna'k nëjkxëp tyajnimayë, nëjkxëp tyajnimayë näjyëtu'un yë mjëyujk mtsajpkaa ets ja kyënu'kxën yajkëta'akäämpy jam ma ja mkam mtu'ujën, tëkokyë ya'atë kënu'kxën jam tyaka'any ma ja it naaxwiinyëtën mëti'ipë ja m'aptëjk tyukwinwa'anëyën, ko miits mo'oja'anëtë.

Lucas 1:72

ko tpa'ëyowa'any ja n'ap'ajtëmë, ets ko ka'ap tja'atyëkoyä'äny ja käjpxytyu'unën.

Salmos 89:3

Ojts tu'uk yë käjpxytyu'unën xytyuny mëët yë David, ets ojts xytyukwinwanë ja mtuunpë mëti'ipë ojts kë'ëm xywyin'ixyën:

Deuteronomio 28:4

Kënu'kxy y'itëty yë m'u'unk m'ëna'k, yë mkam mtu'u ets mjëyujk mtsajpkaa, mtsajppax mkupixyny.

Éxodo 6:4

Ntuunës tu'uk yë käjpxytyu'unën mëët yë'ëjëty etsës ojts ntukwinwanëtë, ko nmo'oja'antë tu'uk yë it naaxwiinyëtë jam Canaán. Yë'ës n'antijpy ja naax kam ma ojts miitsëty m'ëk tsënaaytyëpën, tä yë jaaypyaat jaaypyo'kxyën.

Éxodo 2:25

Yë Tios ojts y'ixëtë, ojts tnijawë ets ojts näjyëtu'un tja'akyukë ko ënäty jap mon tuk yajpaatë.

Éxodo 1:7

Yë Israel ja'ayëty janty nimayëty yë y'u'unk y'ëna'k myiintë naaxwiiny naaxkëjxy, jëtu'un'äämpy ojts yajxon nyimayëtë ets y'awinpijtë tu'uk mëj kajpn jap Egiptë ets mapaat yë Egiptë kajpn tnitänën yë naax kam, aakyë'ë ënäty yë Israel ja'ayëty yajpatnëtë oymyaajëty.

Génesis 28:14

Yë m'u'unk m'ok jëtu'un nyimay'ata'antë ijxtëm yë naaxwayën ets xiitsow yaatsow tyajwintuka'antë yë naaxwiinyëtë, jëtu'un anëkëjxy'äämpy ets ëpa'tkë'ëy'äämpy, a'oytsyow ets anajnytsyow. Tu'kë'ëyë ja'ayëty kënu'kxy y'ita'antë mëët mijtskyëjxm ets m'u'unk m'ëna'këty.

Génesis 26:4

Yë m'u'unk m'ok jëtu'unës nyajnimayëja'antë ijxtëm yë mëtsa'a mëti'ipë tsajpjotm këxë'kpën. Miitsëty nmo'ojantëp tëkokyë ya'atë naax kam ets näjyëtu'un nkënu'kxta'ajäämpyës naaxwiinyëtë ja'ayëty mëëtkyëjxm mijts yë m'u'unk m'ok.

Génesis 17:20

Näyjyëtu'un yë Ismael ijxtëm mijts të m'ëna'anyën: tyamës nkënu'kxa'any. Myëët'atäämpy may yë u'unk ëna'k ets nimayëjantëp yë'ë y'u'unk y'ok. Ismael yë'ë teety'ataanp ma ja nimajkmäjtskpë ja'ayëtyën mëj'äämpyë ets tu'uk yë mëj kajpn nyajkoja'anyës mëët yë'ë.

Génesis 6:18

E mëët mijts ntunäämpyës tu'uk yë käjpxytyu'unën. Mijts jap nëjkx mtëkë ma kepytyëjkën nëëwinye'epyë ets m'u'unk m'ëna'k ets mto'oxytyëjk ets mtsu'utëjk.

Hebreos 8:9

Ka'ap y'ëkjëtu'un'ajnë ijxtëm ja y'aptëjk ojts mëët nkäjpxy'ätyësën ko ojts nyajpëtsëmtës jap Egiptë y'itjotm; jä'ä ko ka'ap tpatuuntë mëti'ipës ojts mëët nkäjpxy'atën, paatyës ojts n'ëxmatstë.

Nehemías 2:20

E ëjts tyaajës n'ëtsooy: Yë Wintsën tsajpjotmëpë y'ityën yë'ëjës xypyutëkëtëp. Ëëtsëty maas yë'ë nmëtuntën, tuuntsoonantëpës yam, e miitsëty nitii xykyajatë xytyuntëty oy ets ka'ap mpaatëtë tii xytyuntëty Jerusalén.

2 Reyes 13:23

E ja Wintsën ojts tpa'ëyoy ja ja'ay mëti'ipë jam ëxëëk yajtuun yaj'ënëmaaytyëpën, mëët ko tja'amyejtsy ja kyäjpxytyu'unën mëët ja Abraham, Isaac ets Jacob; ka'ap t'a'ijxëy kyutëkoytyëty ja jyä'äy ets ka'ap tjo'tsy. Tyampaat kä'äpyëm wi'ix tuny.

Génesis 1:28

Tääts tmooy yë kyënu'kxën ets t'ënëmaay: Mëët'atë ënät yë m'u'unk m'ëna'këty, yajwintuktë yë naaxwiinyëtë ets xy'ënä'ämtëty. Mijts m'ënä'ämta'atëp yë nëë jëyujk ets yë joon jëyujk ets tu'kë'ëyë jëyujk mëti'ipë myox tyukye'epyën.

Génesis 22:17

ko nkënu'kxa'any mëjwiin këjää. Yë m'u'unk m'ok janty nimay y'ita'antë jëtu'un tä yë mëtsa'ajën ets jëtu'un nyimay'ata'antë ijxtëm yë jin kyëxë'ëkyën nëë''ëkë'ëy. Yë'ëjëty xëmë tmëmëta'aka'antë yë myëtsipëty,

Génesis 48:4

mëët ya'atë aaw ayuk: Ëk'ix, ëjtsës nyajnimayëjäämpy yë m'u'unk m'ëna'k ets m'ok'u'unk m'ok'ëna'k nyimayëtëty. Ko nyämyukëtëty, naax kajpn nëjkx mëjpë tyajkojtë ets yë'ëjës näjyëtu'un nmo'ojäämpy ya'atë it naaxwiinyëtë ets yë'ë xëmëkyëjxm tjä'ä'atëty.

Levitico 26:15

Ets ka'ap xy'ëkmëjpëjktaknëtë ja n'ënä'ämënës ntëyajtënës ets ka'ap xy'ëkpatuunëtëty ja n'aaw n'ayukës, xyjyä'äytyëkooynyëtëty jëtu'unyë ja käjpxytyu'unën, mëti'ipës të njatunyën mëët miitsëty.

Deuteronomio 7:13

Nëjkxëp mtsokëtë mjawëtë, mkënu'kxëtë ets myajmëj myajmayëtë; nëjkxëp tkënu'kxy ja m'u'unkëty m'ëna'këty, mpëjktä'äkyëty, mjë'kxyëty mpëkyëty, mka'ayënëty m'ukënëty, m'uukyëty mtojkxëty ets ja mjëyujk mtsajpkaajëty jam ma ja it naaxwiinyëtën ma ojts Tios ja m'ap m'ok tukwinwanën.

Ezequiel 36:9

Ëjts nkëwent'atäämpyës ets oy yääktëty yontëty jyiitstëty ets yajkoj yajpäntëty.

1 Reyes 3:8

E tyamtsës nyajpaaty ma ja mnaax mkajpnën mëti'ipë mijts të xywyin'ixyën: ma ja kajpn mëjpë ets ma ja ja'ay janty nimaypyë yajpaatyën; ko njamëtsyowa'anmëty ka'ap xymyä'äymyëty.

Jeremias 23:3

Ëjts kë'ëm jatëkok nyajminäämpy yë n'u'unk n'ëna'kës mëti'ipës jëtu'un nmëët'ajtypyën tä kupixynyën ets jatëkok nyajmujkta'aja'anyës ma ja naax kajpnën ma ojts tsyoontën, jam nëjkx kyäytyë y'uuktë akujk jotkujk ets ja y'u'unk y'ëna'k tyajyääk tyajpatëty.

Jeremias 23:4

Ets kupixyny këwent'ajtpë jam npëjkta'aka'anyës ets yë'ë kyëwent'atëtëty, këtiipë tsyë'ëkëtëty ets këtiipë tii tyëkoy'ajtxëtëty. Ëjts Wintsën, ëjts ënaanp.