Levitico 26:7 - Biblia Mixe de Quetzaltepec

⁷ Miitsëty nëjkxëp xyajkä'äk xyajpojtë yë mëtsiptëjkëty ets nëjkxëp xykyupujxta'atë ninu'un mwinkuja'tëtën.

Levitico 26:7 ပူးပေါင်းရင်းမြစ်များ

Levitico 26:6

Jotkujk nëjkx nyaj'itë ma mnaax mkajpnëtyën ets ko ma'atëty mpo'kxtëty nitii ets ni pën mka'ëtsë'ëkëtëty, tä yë mmëtsip më'atsu'uxën ets jëyujk ëwa'anëtypë nyajjëwa'kta'ajäämpyës yë'ë.

Levitico 26:8

Pën nimëkoxk miitsëty nëjkxëp xy'ëkyajkäknëtë nimëko'px, pën nimëko'px miitsëty nëjkxëp xy'ëkyajkäknëtë nimajk mil ets jëtu'unyë nëjkx ja mëtsiptëjkëty xykyupujxta'atë mëët yë mtëypyujxnëty.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

Ester 9:16

E ja Jutiiyë ja'ayëty mëti'ipë jëkäm kukajpnajtëpën, ma myajktëkëëk anyën ja Adar po'o jää ojts myuktë ets ja jyuuky'ajtënëty tkuwantë. Jëtu'un'äämpy ojts tyaj'o'kta'atë ja myëtsip. Jä'ä xëëw, jä'ä ojts ja myëtsip tyaj'ooktë: nitëkë'px majkmokx mil, ka'ap nitii tpëjkëtyë. Ma myajkmajkts'anyën, nän yë'ë po'o, jää ojts pyo'kxtë ets xyëëwtuuntë, xyoontaktë mëët ko ënäty të myëta'aktë.

Levitico 26:36

E pën ënäty juuky jaakwë'ëmtëp ma ja myëtsip ja nyaaxëtyën, tsë'ëkë mëët nëjkx jyaak juuky'atë, je'eyë muum yë ujts'aay nyaka'ajëty, timnakä'äktëp. Jëtu'un kyä'äktëty pyutëty, tä jeexyë pën tyukpajëtitëtën yë yenypyujxn ets kë'ëm muum y'ooktëty tyëkoytyëty oy ënäty pën wi'ix kyatunëtë.

Deuteronomio 28:7

Yë'ë nëjkx myajmëtä'äkyë, ko ënäty ja mmëtsip mëët mnäpyäätyë, ëkë ko ënäty ëxëëk mjatuna'anëtë. Yë'ëjëty nëjkx janty nimay jyatsoontë ets waatswitsy jyamintëty, tääts nyätyijyë myajkutëkoya'anëtë, ko ënäty miitsëty mnäkyuwa'anëtë, yë'ëjëty jëtu'unyë nëjkx kyäkta'atë.

Josue 23:10

Tu'ukpë ja ja'ay ma miitsëtyën, jyëkyejpy tyajkä'äkëty nitu'kmil ja myëtsip, jä'ä ko ja Tios mnitsiptuunëtëp jëtu'un tä të tnikäjpxyën.

Jueces 4:16

Barac ojts yë mayjyä'äy tyaj'ooky mëti'ipë jaakkäktën ojts tpapo'oy, tä ja tsiptuunpëtëjkëty mëti'ipë jëtu'unyëtyën ets mëti'ipë pujxnwintëkäämpë myëët'ajtëpën, jampaat ojts tpaja'ty ma ja it naaxwiinyëtë txëëwatyën Haroset-goim. Jä'ä xëëw wa'ats ojts y'o'kta'atë ja Sísara ja tsyiptuunpëtëjk, nitu'uk ojts kyawë'ëmy.

Jueces 7:23

Ënät ojts yajmëkajpxtë ja Neftalí ja y'u'unk y'ok, ja Aser ja y'u'unk y'ok ets ja Manasés ja y'u'unk y'ok ets tpapo'otëty ja Madián ja'ayëty.

Jueces 15:15

Ënät jam tkajpë'ky tu'uk yë pajk, yë krukts apak mëti'ipë ënäty ka'ap pyu'utynyëmën ets mëët tyaj'o'ky nitu'kmil yë filistejë ja'ayëty.

1 Samuel 14:13

Yë Jonatán matsyë jaaxyë ojts jam pya'tëkë kopkkëjxm mëët ja tyuunpë. Jënu'un ja Jonatán ja myëtsip tkutijnaxyën, ja tyuunpë jä'ä yaj'o'kpy.

1 Crónicas 19:15

E ko ja Amón ja'ayëty t'ijxtë ko tëë ja sirië ja'ayëty kyäkta'atë, ënätyë ja Amón ja'ayëty näjyëtu'un tkukäktääytyë ja Abisai, Joab ja y'uty, jap kajpnjoty ojts jyaakukääkëtë. Tä ja Joab jatëkok wyimpijnë jam Jerusalén.

Salmos 81:15

Mëti'ipë myëtsip'ajtëpën yë Tios, tsë'ëkë mëët jeexyë të wyë'ëmta'atë, ma të yajtëytyuntën, tsa'ay jeexyë të wyë'ëmtë.