Levitico 26:5 - Biblia Mixe de Quetzaltepec

⁵ Nëjkxëp yë mka'ayën m'ukën xymyëët'atë mëjwiin këjää, koonëm ja wiinkpë ja pëjktä'äky pyëtë'ëkëty, tä yë tsajpmokën ets tsatym tyëëmën, ku'uxyë nëjkx mkaytyë m'uuktë ets m'itëty ku'uxyë jotkëtä'äky ma ja mnaax mkajpnëtyën.

Levitico 26:5 ပူးပေါင်းရင်းမြစ်များ

Amós 9:13

Pyätyp ja xëëw jëmëjt ma ja kam yajnipëjktakëkyojnëty oy ënäty ja pëjktä'äky kyapëtë'kta'aynyëm; pyätyp ja xëëw jëmëjt ma yajnipkojnëty ja kam oy ënäty ka'anëm yajwintä'änta'aynyëm ja tsatsymtsya'am. Jam tunkëjxm xii yaa muum yë tsatym nyëë pyëyë'ka'any tä nëë pyëyi'ikyën.

Joel 2:26

Nëjkxëp jatëkok mkaytyë m'uuktë ku'uxyë ets nëjkx xymyëjjaw xykyënu'kxyjyawëtë yë Wintsën, miits yë mTiosëty. Nijëna'a yë nnaax nkajpnës nëjkx kya'ëktsëtyuunë,

Joel 2:19

jëtu'un y'ënäny: Tyam ntuknikäxtëty yë tsajpmok, yë tsatym nyëë ets on, mapaat mku'uxëtën; ka'apës nijëna'a n'ëkyajkutukanë ets naax kajpn mëti'ipës ka'ap xy'ixy'ätyën mtukxi'ikëtëty.

Proverbios 1:33

E ja ja'ay mëti'ipës xy'ijxkujk xyjyä'äkyujkëpën, akujk jotkujk jyuuky'äty ets ka'ap tsyë'ëkëja'any oy tii tmëtowëty atsë'ëk ajawëpë.

Deuteronomio 11:15

Tios nëjkxëp jam kamwinm tu'uwinm tyajpëtsëmy yë aay ujts mëti'ipë jyë'kxtëp pyëktëpën yë mjëyujk mtsajpkaa ets miitsëty ka'ap nëjkx yë mjë'kx mpëky xyaj'ëmaaytya'aktë.

1 Timoteo 6:17

Pën yaa kumeeny'ajtëpën naaxwiiny, t'ënëëmë ets ka'ap yë'ë nyätyukyajmëjnaxëtëty ets ka'ap yë'ë tuk'ijxpätëty,; jä'ä ko yë kumeenyajtën këjxp najxp yë'ë. Wä'än ja Tios yë'ë tuk'ijxpätë, jä'ä ko yë'ë yajktääpy oy tyimtiijëty ets akëtä'äky jotkëtä'äky nwë'ëmëty.

1 Pedro 1:5

Jä'ä ko xymyëpëktë ja Tios, paaty mkëwent'atëtë mëët ja myëk'ajtën ets xypyaatëty ja nitsokën mëti'ipë jap yaj'ëwxijtypyën ets jää yajnijawëty ko ënäty ja naaxwiinyëtë kyixy.

Hechos 14:17

ka'ap ojts tyajjëjptuky ja y'oyajtën ma yë'ëjëtyën, xëmë ja Tios ja ijxpäjtën tyäjky ets yajnijawëty ko xëmë oy winë tuny; yë'ë kyejxyp ja nëë tuu ets y'ity ja pëjktä'äky, jëtu'unts mmo'ojëtë mëti'ipë mkaytyëp m'uuktëpën ets jotkujk myajpaatëty.

Mateo 23:37

Jerusalenkëtë kajpn, Jerusalenkëtë kajpn, mëkës njajawë ko të xyaj'ooktë ja käjpxynyajxpëtëjk ets të xykyuka'atstë mëti'ipë ja Tios të tjakexyën ets jeexyë ja y'aaw y'ayuk mtukmëmëtya'akëtë. Kanaak okës miits të njawoowmuka'antë ijxtëm ja këtseytyaak ja y'u'unk tyajmukyën ets tmu'uxy, e miitsëty ka'ap jëtu'un të xykyupëktë.

Jeremias 23:6

Ko ënäty yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Proverbios 18:10

Yë Tios yë xyëëw, jëtu'un yë'ë tä tu'uk yë mëjpotsyën mëti'ipë mëk tënääpyën ma kyäktso'oktën ja'ayëty mëti'ipë juuky'ajtëp mëët yë tëyajtën.

Salmos 90:1

Wintsën, mijts ëëts ntsoktakn'ajtëp tyimku'ty jëtu'un yë xëëw jëmëjt.

Éxodo 16:8

Tä yë Moisés ojts jyaakëna'any: Ko jyënäkyxyëëw'atëty jää yë Tios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Tios jëtu'un wiinkjaty të xytyijtë.

Oseas 2:18

Jä'ä xëëw nëjkx tu'uk yë käjpxytyu'unën ntunyës mëët yë aayjëyujk ujts jëyujkëty mëët ko yë Israel ntsoky njawës ets nëjkxëp mëët ntunyës käjpxytyu'unën yë joonëty ets tsa'anyëty; ntuktëjëtya'ajäämpyës yë ti'pxn, yë tëypyujxn ets ka'apës yë tsip n'ëkupëkanë, jëtu'unës yë nnaax nkajpn jotkujk yajpaatëty.

Salmos 144:13

Ma tëjkën, ma nyaj'ijtëmën pëjkë'ëky yë jë'kxy pëky, ujts yajpaaty; yë ntsajppax'ajtëmë ets nkupixyny'ajtëmë ni'ikyë nyimayëtë mëjwiin këjää.

Isaías 1:19

Ko miitsëty xykyupëktëty ko mmëtowantëp, nëjkxëp mka'ayën m'ukën xypyaatë oyëtypë;

Isaías 30:23

Yë Wintsën mtuknikäxanëp ja nëë tuu ma ënäty të mni'ipy të mkojyën, jam mkamwinm mtu'uwinm may jam xyajpëtë'ëkëty ja tsajpmok ets ja mjë'kxy mpëky. Jä'ä xëëw ja mtsajpkaa nëjkx jyë'kxtë pyëktë ku'uxyë.

Oseas 2:20

Mijts mpëkäämpy ets nwinkutsë'ëkëjäämpy, etsës näjyëtu'un xy'ixkäpëty ko ëjts Wintsën.

Joel 2:22

Këtii mtsë'ëkëtëty aayjëyujk ujts jëyujkëty, tsuxkëjaanp jatëkok yë aay ujts, tëëmpätaanp jatëkok yë aay kepy, jää'ataanp jatëkok yë higos ets tsatym mëjwiin këjää.