Levitico 26:4 - Biblia Mixe de Quetzaltepec

⁴ Ëjts nkäxëpës yë nëë tuu ma tnixëëw nijëmëjt'atyën ets aay kepy oy tsuj tyëëmpätëty mëti'ipë kamwinm tu'uwinm yajpatëpën.

Levitico 26:4 ပူးပေါင်းရင်းမြစ်များ

Zacarías 8:12

Jä'ä ko yajpaataanp ja jotkujk'ajtën ma yë'ëjëtyën. Nëjkxëp tyëëm'aty ja tsatym; nëjkxëp y'ity wyintëy winë kamwinm; ets nëjkxëp myaaniky. Ets nmooytya'aja'antës ya'atë naax kam ja ja'ayëty mëti'ipë ënäty të jyaakwë'ëmtën.

Salmos 67:6

Janty oyëty yë pëjktä'äky pyëti'iky ma kamën; jä'ä ko yë'ë nTios'ajtëm kyënu'kxën të tyajkëtä'äky ma ëëtsajtëmën.

Ezequiel 36:30

Nëjkxëpës näjyëtu'un aay kepy nyajtëëmpety ets nëjkxëpës nyajwintëy winë ma ja kam tu'ujën, këtiipë mtsëtyuntëty mjaaypyätëty nijëna'a mëët ja yuu xëëw ma wiinkëtypë naax kajpnën.

Isaías 30:23

Yë Wintsën mtuknikäxanëp ja nëë tuu ma ënäty të mni'ipy të mkojyën, jam mkamwinm mtu'uwinm may jam xyajpëtë'ëkëty ja tsajpmok ets ja mjë'kxy mpëky. Jä'ä xëëw ja mtsajpkaa nëjkx jyë'kxtë pyëktë ku'uxyë.

Job 5:10

Yë'ë yajtuupy yajpojpy ets tyajxooky yë naaxwiinyëtë;

Deuteronomio 28:12

Kyäxäämpy yë nëë tuu ma mkam mtu'ujën, tä yë naaxwiinyëtë tyajmëyätyën ets ja mpëjktä'äky wyintëwëty, jëtu'un ka'ap nyatëkë'atëty ja mjot mëjaaw. Nëjkxëp xy'ëkyajnu'kxnë wiinkëtypë naax kajpn, e mijts ka'ap nëjkx tii xynyu'kxy.

Deuteronomio 11:14

Yë'ë nëjkxëp t'a'ixë ets ja nëë tuu tyajminëty potmjoty ets xëkopkjoty, jëtu'un xyajpëtë'ëkëty mëj këjää ja tsajpmok, ja tsatym nyëë ets ja on ma ja mkam mtu'ujën.

Levitico 25:21

Wäänë oy ko jëtu'un m'ëna'antë. Ëjts tyaajës ntuna'any, nyajkëta'akäämpyës mëj këjää yë nkënu'kxënës jam mkamwinm mtu'uwinmëty ma ja mëtëtujkjëmëjtpë kyä'pxyën. Ets mëj këjää ja mpëjktä'äky xyajpëtë'ëktëty mëti'ipë nëjkx myëtä'äkyën tëkëëk jëmëjt.

Hechos 14:17

ka'ap ojts tyajjëjptuky ja y'oyajtën ma yë'ëjëtyën, xëmë ja Tios ja ijxpäjtën tyäjky ets yajnijawëty ko xëmë oy winë tuny; yë'ë kyejxyp ja nëë tuu ets y'ity ja pëjktä'äky, jëtu'unts mmo'ojëtë mëti'ipë mkaytyëp m'uuktëpën ets jotkujk myajpaatëty.

Mateo 5:45

Jëtu'un xyajnikëxë'ëktëty ko Tios tsajpjotmëpë m'u'unk'atëtë; jä'ä ko xëëw tyajpëtsëmy tyuknijajtääpy oyjyä'äy ka'oyjyä'äy, ets ko tyajtu'uy yajnituutääpy wä'än twa'atsja'ayëty ëkë t'ëxëëkja'ayëty.

Salmos 85:12

Yë Wintsën, yë'ë kë'ëm yajminäämpy yë nëë tuu, ets pyëtsëma'any jam kamjotm yë jë'kxy pëky.

Salmos 68:9

Mijts Tios, tëë xyajtu'uy xyajpojy mëj këjää, ets të xyajxooky ja naaxwiinyëtë ma ënäty tsyë'ëtsëtyën ets jëtu'un jatëkok y'ajämë.

Apocalipsis 11:6

Ja nimäjtskpë mëti'ipë ja tëyajtën yajktëpën myëët'ajtëp ja mëk'ajtën ets ka'ap tyu'ujëty kanaak xëëw ma ja Tios ja jyä'ä tkajpxwa'kxëtën, ets nän myëët'ajtëp ja mëk'ajtën ets ja nëë tyajne'pynyëtya'atëty ets tyaj'ëyowtëty ja naaxwiinyëtë ja'ay mëët kanaaknax ja ëyo'on jotmay ijxtëm kë'ëm timtsyoktën.

Santiago 5:7

Miits mëku'uktëjkëty mëët'atë ja mä'kxtujkën koonëm ja Wintsën myinëty, ijxtëm ja kam tuunpëtëjk mëët ja mä'kxtujkën t'ëwxitë ja nëë tuu koonëm tyajpëtë'ëky ja pyëjktä'äky.

Jeremias 14:22

¿Wä'än jëtää tyajtu'ujëty tu'uk yë tios mëti'ipë ka'ap tyiosëtyënë? ¿Wä'än jëtää kë'ëmwinma'any tsyoony yë nëë tuu tsajpjotmë? Ka'ap Wintsën mëti'ipës nTios'ajtëpën, mijts yë nëë tuu mkejxyp, mijts winë mtuuntääpy, paatykyëjxm mijts myaj'ëwxity.

Isaías 5:6

jëtu'unyës ntimyjyä'äytyëkoyä'äny. Ni pën kyakuyu'ujëtëty ets ni pën kyawinpux kyawinpootëtëy, äämjyoty pejyjoty nëjkx wyi'imy. Ëjts kë'ëm njëpëkäämpy ja yoots nëma'a ets ka'ap y'ëktuunëty.

Salmos 104:13

Mijts myajxo'kpy yë tun kopk, jam këjxm yë nëë tuu tsyoony ma mjëën mtëjkën, mëët yë mëknëëkom xyajtsamë yë naaxwiinyëtë.

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

Levitico 25:19

Jam naaxwinm kamwinm pëtsëmëp jam ja jë'kxy pëky, mëti'ipë mjë'kxtëp mpëktëpën ets mnijuuky'atëpën, koonëm m'akëta'ak mjotkëta'aktëty.

Deuteronomio 11:13

Pën miitsëty mkuuytyuuntëp ja y'ënä'ämën tyiyajtën mëti'ipë tyam të nmo'otën, pën mtsojktëp mja'awëtëp ja Wintsën mëti'ipë miits mTiosajtëpën ets pën m'ëwtajtëp winë aaw winëjot.

Salmos 67:7

Tios xykyënu'kxmëp. Wä'än tëkokyë yë naaxwiinyëtë ja'ay tukxoonta'aktë yë Wintsën.

Salmos 85:13

Ja tëyajtën yë'ë jëyëjp naxaanp, ets nipëjktaakëja'any ja në'ë tu'u.

Joel 2:22

Këtii mtsë'ëkëtëty aayjëyujk ujts jëyujkëty, tsuxkëjaanp jatëkok yë aay ujts, tëëmpätaanp jatëkok yë aay kepy, jää'ataanp jatëkok yë higos ets tsatym mëjwiin këjää.