Levitico 26:39 - Biblia Mixe de Quetzaltepec

³⁹ E pën ënäty jaakwë'ëmpën juuky, kyë'ëmpoky nëjkx yaj'ookëtë. Tu'ukyë nëjkx tku'o'këtya'atë mëët ja tyeety tyaakëty ja nyëë pyokyëty.

Levitico 26:39 ပူးပေါင်းရင်းမြစ်များ

Ezequiel 4:17

Nëjkxëp jyi'kxykyukëxëtë ets nyëëkukëxëtë, xim yam nëjkx nyäwyintë'kxëtë mëët ja tsë'ëkë ets jëtu'unyë nëjkx pyutsta'atë mëët ja nyëë pyokyëty.

Ezequiel 33:10

Mijts ye'etyëjk, ënëëmë yë Israel kajpn: Miitsëty jëtu'un m'ëna'antë: Ujts nyajpatëmë mëët yë nëë poky ets ëxëëktu'un ëxëëk kajpxën. Paaty jëtu'un njajtëmë tä jeexyë ajuuky mputsëmën. ¿Wi'ix n'ëk juuky'ajtmëty?

Ezequiel 24:23

Ka'ap tjëkyepy jää kuwa'ats ets tekywya'ats mjëtitëty. Këtii jää mya'axtëty ets mmontëty mtuktëty. Këjxta'ajantëp ja mjot mmëjaawëty ko winë ëxëëk xytyuntë ets nixim niyam nëjkx mnänyiya'axëtë.

Ezequiel 6:9

Ja ja'ay mëti'ipë ënäty juuky të jyaakwë'ëmtën jam nëjkx xyjyä'ämyätstës wiink kë'ëy wiink kajpn; nëjkxëp tja'amyätstë wi'ixës ënäty të nyaj'ëyowtën mëët ko të xykyamëj'ixtës ets ko të xypyuwa'ktu'utës ma të tpanëjkxtëjkënyëtën wiink tios. Nëjkxëp kë'ëm tjawiink ijxnëtë ja tyëko'oyënëty mëti'ipë ënäty të tuuntëkoy të tkajpxtëkoytyën ets mëti'ipë ënäty tëkatsy të tmëmay të tmëtajtën.

Deuteronomio 28:65

Ko ënäty jam myajpatnë wiink naax wiink kajpn, ninu'un nëjkx mkajotkujk'aty ets ninu'un nëjkx jam mkapo'kxy. Jä'ä ko yë Wintsën yë'ë nëjkx t'ëwa'atsy ets je'eyë xëmë mtsë'ëkëty mjawëty, ja mwiin mjëjp nëjkxëp kyiixë'knë, mjatsokëp jam ja jotkujk'ajtën.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Tios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Zacarías 10:9

Ojtsës nyajye'eywya'kxtë ma wiinkëtypë naax kajpnën, je'eyëp ko oy ënäty muum jëkäm yajpaatë, nëjkxëpës xyjyä'ämyätstë ets nëjkx wyimpitë jatëkok mëët yë y'u'unk y'ëna'këty ma nyaax kyajpnëtyën.

Oseas 5:15

Etsës jatëkok nwinpita'any maas n'ityën, koonëm yë pyoky kë'ëm tja'awëy'itëty ets xy'ixta'atëtyës. Jam ma ënäty jë'ë ya'ax yajpaatën, jamës nëjkx xy'ixta'atë.

Ezequiel 36:31

Ets ko xyjyä'ämyätstëty wi'ix ëxëëk të mjuuky'atën ets wi'ix winë ëxëëk të xytyuntën, kë'ëm nëjkx xytyëtyu'unjawëtë ja mnëëjëty mpokyëty ets ja ëxëëkpë ja mjuukyajtënëty.

Ezequiel 20:43

Jam nëjkx xyjyä'ämyätstë tëkokyë ja ëxëëktu'un ëxëëk kajpxën mëti'ipë të mnätyukyaj'ëxëëkëtën ets kë'ëm nëjkx ëxëëk mnäyjyawëtë ko ënäty xyjya'ämyätstë wi'ix tëkatsy winë të xytyuntën.

Ezequiel 18:19

Nëjkxëp xyajtëwtë: ¿Wi'ix ko yë u'unk ëna'k ka'ap tkukëpätë ja teety ja pyoky? Paatykyëjxm jyëtu'unëty jä'ä ko ja u'unk ëna'k ojts tuntë mëti'ipë mëtëyën ets mëti'ipë wa'atsën, ojts tpatuny ja ënä'ämën tëyajtën; paaty mëtëy ko jyuuky'ata'any.

Lamentaciones 4:9

Nikë oy mëti'ipë pojën o'kën tsipjoty këtiinëmëm mëti'ipë yuu'o'ktëpën, jä'ä ko mëti'ipë të yuu'ooktën jeky të y'ëyowtë, ko të tyëkoy'äty ja ka'ayën ukën.

Jeremias 31:29

Jä'ä xëëw ka'ap nëjkx pën y'ëk'ënanë: Yë'ëkyëjxm ko yë teety taak të tjë'kxtë tsatym xunpë paaty yë u'unk ëna'k tyëtsxëmimëtë.

Jeremias 29:12

Ënät nëjkx miitsëty xymyëkajpxtës ets nëjkx xynyimintës mëët yë oyjyot oywyinma'any, nmëtoow'itäämpyës ijxtëm ënäty miitsëty m'ëna'antën.

Jeremias 3:25

Tsojk naxym nnäpyëjktakëmë ets wintsëtyu'un jëjptsëtyu'un, oy ënät pën xykya'oyjya'awëmëty, jä'ä ko ëëtsajtëm mutsknëm jëtu'unpë të npatso'ontakëmë ets tyimpety tyimku'ty jëtu'un tyampaat, yi'iyë nëë poky të ntu'un të nkajpxëmë; nän timjëtu'un tä ja n'ap'ajt n'ok'ajtëmën ets ëëts'ajtëmë tëë ja Wintsën nmëtëko'oyëmë mëti'ipë nTios'ajtëmën ets ka'ap të nmëmëto'owëmë.

Nehemías 1:9

e ojts näjyëtu'un xynyikäjpxy pën ëëts jootwinpijtëpës ets mpatuuntëpës ja m'ënä'äm mtëyajtën ets oy ëëts axit ako'owë ënäty nyajpaatë, koos mpatuntëty ja m'ënä'ämën mtëyajtën, mijts jamës nëjkx xyajtsoontë ets xyajmintës jatëkok ma ja kënu'kxypyën ja naax kajpn ma mijts xywyin'ijxyën ets jam ja mxëëw y'itëty ets yaja'amyatsëty.

Deuteronomio 30:1

Ko ënäty jëtu'un mjaty mkëpety, ma yam të yajnikäjpxyën ja näkyënu'kxë ets ja näpyojkën ets mjootja'tëtëty mëktä'äky ya'atë aaw ayuk jam wiink naax wiink kajpn, ma ja mWintsën të mnajtswop të mnajtskäxëtën.

Deuteronomio 5:9

Ka'ap xywyinkoxtänëty ets ka'ap xymyëjjawëty, jä'ä tu'ukyës ëjts nWintsën'aty mëti'ipë mTios'ajtypyën. Ëjts Tios mëti'ipë ni'akë'ajtpën, ntëytyuunpës ja nyëë pyoky ja taak teety ma ja y'u'unk y'ëna'këtyën ets mëtëkëëk mëmajktaxk najtskä'äxëpë.

Números 14:18

ko ka'ap tsojkyë mjoot'anpëky, ko mëj këjää mtsoky mjawë ets mnime'kxyp ja nëë poky ets ja käjpxy kumëtoownajxën. Näyjyëtu'un të m'ëna'any, ko ja pokytyuunpë kë'ëm tkumëtoy ja y'ëxëëk'ajtën ma y'u'unk y'ëna'kën.

Éxodo 34:7

Oy kanaak xëëw kanaak jëmëjt nyaxëty, jyuuky'atëty yë ja'ayëty ets y'ooktëty, wiinkpë myintëty naaxwiiny, yë Tios xëmë tkuuytyuna'any yë y'aaw y'ayuk ets tsyojkën jya'awën xëmë y'ita'any. Näyjyëtu'un ja poky këtyey tnime'kxy e yë'ë ka'ap jëtu'unyë tyajninaxa'any ja mëti'ipë pokymyëëtën, jä'ä ko ja tëytyu'unën jam ja tyajnaxy ma ja u'unk ëna'kën, ok u'unk ok ëna'k ets ma ja y'u'unk y'ëna'këty ja ok u'unk ok ëna'k.

Isaías 14:21

Nipëjktaakëtë ets xyaj'ooktëty ja y'u'unk y'ëna'këty ja ja'ay mëti'ipë ja tyeety tyaak të yajja'ay'ooktën, këtiipë y'ëkjää'ajtnëty mëti'ipë je'eyë myëmay myëtajëpën wi'ix ja naax kajpn o'ktëy tuntëty ets je'eyë xii yaa muum ja kajpn tyaj'ixta'aka'anëty.

Isaías 24:16

Jam ma naaxwiinyëtë jyëjpkëxyën, jampaat të yajmëtoy ko ja'ay y'ëwtë ya'axtë: Wä'än tyajmëjjaw tyäjkënu'kxyawë ja Mëtëypyë. E ëjts jëtu'unës të n'ëna'any: Janty mon janty tukës nyajpaaty. Pëjkëpës, këxaanpës. Ja ja'ay mëti'ipë ayajk kë'ëyajkpën, tëë ja myëku'uk tkë'ëyäky, tëë jëyëjp tmëmay tmëtajtë wi'ix tuna'anyën.

Lamentaciones 1:3

Ëyoop mëtuunp Judá tyam, tsumy matsy yajpaaty wiink naax wiink kajpn. Mëti'ipë ijty naax kajpn y'ëne'empyën, tyam ka'ap pyo'kxy. Mëti'ipë të yajpapo'oyën tëë yajnajtspaatë ma y'axu'utstëkën.

Deuteronomio 8:20

Jëtu'un nëjkx mkutëkooytya'atë, tä ja Wintsën ja naax kajpn tyajkutëkooytya'ajanyën mëti'ipë mpaatantëpën ets nëjkx m'atëkoytyë, mëët ko ënäty ja Wintsën të xykyamëmëtowtë ets të xykyamëjpëjkta'aktë.

2 Crónicas 34:24

Ëjts mëti'ipë Wintsën'ajtpën jëtu'unës n'ëna'any: Ëjts nyajminäämpy tu'uk mëj ëyo'on ma mijtsën ets ma mnaax mkajpnën, jëtu'un tä jap tnikäjpxyën ja ëyo'on ma ja nokyën mëti'ipë ja yajkutujkpë të yajtukwinkukajpxën mëti'ipë jam Judá yajkutujkpën.

Esdras 9:7

Pokyjoty ëëts njuuky'atë, tyimtso'ontäky jëtu'un tëëyëp. Mëëtkyëjxm koos të nkamëta'aktë ets ko näjyëtu'un të kyamëta'aktë ja teetytyëjkëty ets yajkutujkpëtëjk o'ktëy ëëts të njatë, wiink naax wiink kajpn muum të xyajja'tës ma ja wiinkëtypë yajkutujkpëtëjkën. Ojts ëëts yë ja'ay xyajtsëtyut xyajwintëkoytyë, ojts ëëts ja'ay xy'ëxwop xy'ixkäxtë, ojts ëëts yë ja'ay xytyontë xymyäätstë ets tëëjës yë ja'ay xy'ixtij xy'ëxwa'antë, e tyampaat je'eyëm ëëts nyajpaatë.