Levitico 26:36 - Biblia Mixe de Quetzaltepec

³⁶ E pën ënäty juuky jaakwë'ëmtëp ma ja myëtsip ja nyaaxëtyën, tsë'ëkë mëët nëjkx jyaak juuky'atë, je'eyë muum yë ujts'aay nyaka'ajëty, timnakä'äktëp. Jëtu'un kyä'äktëty pyutëty, tä jeexyë pën tyukpajëtitëtën yë yenypyujxn ets kë'ëm muum y'ooktëty tyëkoytyëty oy ënäty pën wi'ix kyatunëtë.

Levitico 26:36 ပူးပေါင်းရင်းမြစ်များ

Ezequiel 21:7

Ko pën myajtëwëtëty tii ko myä'äxy, jëtu'un xy'ënëëmëty jä'ä ko të xynyijawë ko tää ja ëyo'on jotmay myiny kyëtä'äky, ënät nëjkx ja ja'ay tyëkëtë moonpë tujkpë ets nëjkx jëtu'unyë ja kyë'ë y'aaw tim nyajtstë'ëyëtya'atë; ni pën nëjkx jotmëk kyanäjyawëty, tu'ukyë jyänty tsyë'këtya'atëty. Tyimpatyp ja xëëw jëmëjt ma ja ëyo'on tyuna'any jyata'anyën. Ëjts Wintsën, ëjts ënaanp.

Isaías 30:17

Tu'uk ja ja'ay nëjkx je'eyë y'ity mëti'ipë nitu'kmil yajkä'äkëpën, nimëkoxk ja ja'ay nëjkx y'itë mëti'ipë myajkäkta'ajëtëpën; koonëm niwäänë mwë'ëmtëty, jëtu'un tä tu'kpajk muum yë kepy të yajkuwopën tunkëjxm mëti'ipë ja'ay ijxpäjn wyäämpyën.

Levitico 26:17

Ëjts nmëtsipës n'awinpita'any mëët miitsëty, ja ja'ayëty mëti'ipë ënäty mëtsip'ajtëtëpën, ëxëëk nëjkx mtunëtë ets yë'ë nëjkx y'ënä'ämtë ma ja mnaax mkajpnëtyën, mëti'ipë ënäty m'ëxëëk'ijxëtëpën, jëtu'unyë mkä'äktëty mputëty, oy ënäty ni pën mkapapo'ojëtë.

Ezequiel 21:15

Të yajjëjpme'ey ets tyajnaax'ookëty mayjyä'äy, tëë yajnime'ey ets y'atë'kxëty.

Ezequiel 21:12

Mijts ye'etyëjk, ya'ax jok, jë'ë ya'ax, jä'ä ko tëë kajpn nyitukë ets ja ja'ay y'o'kta'atëty, tëkokyë Israel yajkutujkpëtëjk. Tëë nyitujkëtya'atë ets y'o'kta'atëty mëët tu'kë'ëyë yë naax nkajpnës, paaty jotëkoy ets näkyätsykyoxët.

Isaías 7:4

ets xy'ënëëmëty: Mnäkyëwent'atëtëp, je'eyëp ko këtii mtsë'ëkëty ets këtii xyajtëkatsëty yë mwinma'any ko xy'ixëty yë tu'ts nyitoy.

Isaías 7:2

Jää jëmëjt ojts ja aaw ayuk tukninëjkxtë ja yajkutujkpë Ahaz ma ja jyëën tyëjkën, jëtu'un t'ënëmaaytyë: Yë yajkutujkpëtëjk mëti'ipë Siria ja'ayëtyën tëë käjpxytyu'unën tuntë mëët yë Efraín ja'ayëty. Tä ja yajkutujkpë tyëjkëy tsëyuuypyë mëët ja nyaax kyajpn ijxtëm aay kepy tsyëtyuyën ko pyojyu'kxy.

Proverbios 28:1

Yë ëxëëk ja'ay nëkooyë jyänty kye'eky jyänty pyuty oy pën kyapapo'oyë; yë wa'ats ja'aytyëjk akujk jotkujk tyimnäjyawëtë jëtu'un tä kaajën.

2 Crónicas 14:14

Tä ëpëky tnitëjkëtyë ja kajpn mutskëtypë mëti'ipë jam Guerar winkon yajpatëpën; ja ja'ayëty jampë tsyëënëtën ojts ja tsë'ëkë tyuktëjkëtya'ajëtë Wintsën wyintuuy. Ja Judá ja'ayëty wa'ats tmajtstaaytyë tääpë kajpn, may jam tpatë wit meeny.

1 Samuel 17:24

E ko ja Israel ja'ayëty t'ijxtë tääpë ja'ay, ojts ja tsyë'këtya'atë ets tkukäktääytyë,

Josue 5:1

Tëkokyë yë yajkutujkpëtëjk mëti'ipë ënäty jam yajpatëpën xëëwkëtä'äkytsyow ma ja Jordán mëjnëëjën, ets ja yajkutujkpëtëjk Canaán ja'ayëty, jampë tsyëënëtën winkon ma ja naax mejy'itkujkpyën; ojts nijawëtë ko ënäty ja Tios ja Jordán mëjnëë të tyajtë'ëtsy ma ja Israel ja'ayëty nyajxtën, paaty ojts tsyë'ëkëtë ets ka'ap tnipëtë'ktë ja Israel ja'ayëty.

Deuteronomio 1:44

E ja Amor ja'ayëty ko tnija'awëtyë, tääts mnipëtsëëmëtë tä xëmiinky kyääkwä'kxyën ets ka'ap myajmëtakëtë; jampaat mpaja'ajtëtë ma txëëwatyën Seir ets ma txëëwatyën Hormá.

Génesis 35:5

Ko yë Jacob tsyo'ontë jam ma kajpnën mëët tu'kë'ëyë y'u'unk y'ëna'k y'u'unk tyo'oxytyëjk ets tu'kë'ëyë jënu'un ënäty winë tmëët'atyën, ënät ja ja'ayëty tsyë'këtyaktë, mëti'ipë jam kukajpnajtëpën, paaty ojts ka'ap twinmaytyë tpaatsoontëty ja Jacob ets mëët tu'kë'ëyë ja jyä'äy.

Génesis 4:12

Oy jënu'un mjatun mjaye'eyëty, ka'ap nitii wyintëwëty ma mkam mtu'ujën. Jëtu'unyë m'anëty mpojëty naaxwiiny ets nijëna'a mkapo'kxëty.

Levitico 26:35

Jënu'un ënäty winwa'ats yajpaatyën, jëtu'un nëjkx ja naaxwiinyëtë ja po'kxën t'ixy, ma ënäty ka'ap të pyo'kxyën, ko ja mayjyä'äy jam të tsyëënëtë.

Josue 7:5

jä'ä ojts y'ooktë yë Israel ja'ayëty i'px majkmokx tu'uk, ëpëky ja mëti'ipë ojts jyaakä'äktën ojts yajpapo'otë jampaat ma ja tsaatunën. Jam yajnajtspatëtë ma wyinjënäkyën ets ëxëëk yajtuuntë. Paaty ojts may ja ja'ay jyotmäjtskëtë ets ja jyotmëk'ajtën tyajtëkooytyë.

Job 13:25

Ëjts jëtu'unës tä tu'uk yë aaykyëta'akën mëti'ipë pojjëtijtpën, ¿wi'ix ko ënät xyajkutëkoyä'änyës? Ëjts aay pu'uxmës yë'ë, ¿wi'ix ko xy'ixjëtity xypyajëtityës?

Salmos 53:5

Oy ënäty ka'ap ma tii mëti'ipë oytsyë'kënyën, yë'ëjëty nëjkxëp tsyë'ëkëtë; Tios jëtu'unyë tyajtsëtyuuypyëka'any yë mëtsiptëjk. Ka'ap nëjkx wyinma'anypyaatë, jä'ä ko Tios yë'ë ënäty ka'ap y'ëktsojkënëtë.

Jeremias 37:10

Oy jeexyë miitsëty mjatimmyëtaktëpë ets jeexyë Caldeo ja'ayëty may xyjyayaj'o'ktëpë, ja mëti'ipë wë'ëmtëpën juuky, mëti'ipë je'eyë tsëtyujtëpën jam tsipjotm, yë'ë pëtë'ëkantëp ets ëxëëk mtuna'anëtë ets tjëënmo'oja'antë ja naax kajpn.

Jeremias 46:16

Yë mtsiptuunpëtëjk je'eyë y'anäpëtë ets kyëtawtë, nixim niyam nyäy'ëna'anëtë: Tsojk nkäkëmë, nikë tim ja'amënë ma nkajpn'ajtëmën, tsojk tsip ntimkyukäkëmë.

Lamentaciones 1:3

Ëyoop mëtuunp Judá tyam, tsumy matsy yajpaaty wiink naax wiink kajpn. Mëti'ipë ijty naax kajpn y'ëne'empyën, tyam ka'ap pyo'kxy. Mëti'ipë të yajpapo'oyën tëë yajnajtspaatë ma y'axu'utstëkën.

Lamentaciones 1:6

Tëë tyëkooytyä'äy ja y'oy'ijxën ja Sión kajpn; yë wyintsëntëjk jëtu'un tyam jyëtitë tä jëtsyu'ujën mëti'ipë jë'kxy'ixtaaytyëpën; je'eyë tyeky tjaak winpajëxoxtë ko tkukä'äktë mëti'ipë matsanëpën.

Lamentaciones 4:19

Ni'ik pye'tym'ajnëtë yë nmëtsipëtyës këtiinëm jyëtu'unëty yë witsn mëti'ipë tsajpkëjxy kääkjëtijtëpën; koos njanëjkxtë kopkkëjxm tamës xypyaja'të, koos nëjkxtë të'ëts'itjotm tamës xypyaja'të.

Salmos 53:6

Jääpëk jeexyë myiny yë Israel kajpn nyitsokën ma Sión kopkën. Ko ënäty yë Wintsën tyaj'oyë yë nyaax kyajpn, wi'ixpëm nëjkx xyoonta'aktë Jacob yë y'u'unk y'ok, ets tu'kë'ëyë Israel kajpn.

Salmos 89:43

Ojts xyajjëjpkëtaktaayë tyiypyujxnëty, ets ka'ap të xyajpo'oxy tsipjoty.

Oseas 8:3

E yë Israel tëë t'ixtijy mëti'ipë oyën, paatykyëjxm yë myëtsip y'ëxjëtita'any pyajëtita'anyë.